Oseas 12
12
1I tinimit Efraín kutzuq rib' che i tew:
Ronojel ij teren chrij i tew re prelb'al ij.
Kutz'ab'ij ut'oronik xaq i xib'in ib' chi ku'ano,
ku'an trat ru' i tinimit Asiria
xaq kutaq b'i aceite re sipon pa Egipto.
2I Ajwal ukojom ch'oj pa tinimit Israel.
Kuya ni utojb'alil che i tinimit re i ma Jacob rumal i u'anom puk'aslemal;
kuya utojb'alil che, chrij pacha kmajaw che ni'pa taq u'anom.
3Chuxe'el i ralaxik a Jacob xu'an ch'oj chrij i ratz,
xaq are ya xu'on achi xu'an ch'oj ru' i Dios.
4Xkichap kib' pa cho'ab' ru' jun ángel, i ma Jacob xch'akanik;
xo'ik i xutz'onoj che i ángel chi chrila tob'al uwach.
I Dios xuriq pa Betel
xaq xlapan ru' chila.
5I Ajwal, Dios chi ronojel ktiki che:
¡I ub'i are i Ajwal!
6Keje uri ile, Israel, chattzalij chik ru' a-Dios;
cha'ana i saqil xaq i suk'ulik,
i lik arewi chakub'a ak'ux che a-Dios.
7I Ajwal Kub'ij:
I Canaán o pexu pu'ab' chi tz'aqat taj,
man qus kril i ela'.
8I tinimit Efraín kub'ij: ¡Qatzij, lik xinu'on b'eyom,
lik inriqom jun inkochinik;
xwiri lik mijun kkitiki chukojik inmak
chi inriqom ni'pa taq inch'akom
ru' saqil ti laj ch'akoj chi in-anom!
9Yin in Ajwal, chi in a-Dios
k'a arewi loq are at o pa Egipto,
kin-an chik chawe chi katjeqi pa taq ja wu'waq,
keje pacha che taq i ij are xqariq wi qib' pa tz'inilik jyub' chaqij.
10Yin xein-ijla i je profeta
xaq xintz'ab'ij uk'iyal rilik i b'iroxik pkiwach,
i pinb'i Yin xech'aw wi ru' tijojb'al tzij.
11Pa Galaad o taq tiox chi xaril je antalik,
xwiri ne te saqil laj taq dios.
Pa Gilgal ksujux i poronik ke i torib';
i sujb'al kisipon keje pacha jut'ub'aj ab'aj
xol taq cholaj pa taq es.
12I ma Jacob x-anmaj b'i pa taq es re Aram, che i jyub' le xuriq i rixoqil xwiri chila xchakunik re ajchajil chij. 13Rumal jun profeta, i Ajwal xresaj li tinimit Israel pa Egipto; ¡Rumal jun profeta, xuchajij i tinimit!
14I uwinaq ma Efraín lik kimi'sam roywal i Ajwal,
lik xumi'saj jun nim laj roywal.
Rumali i Ajwal ku'an ni chke chi kkitoj i kamsanik chi ki'anom,
xaq ku'an na chi i kimak atzalal ktzaq ni pkiwi.
Currently Selected:
Oseas 12: ACHICUB
Highlight
Share
Compare
Copy
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
