Ezequiel 15
15
Tinimit Israel junamsam ru' jun raxk'amil uva chi kajwax taj
1I Ajwal xlapan wu' xaq xub'ij chwe:
2¿Wach mas utz che i kutam re raxk'am
chwach i tz'alam ke i che'?
3Ukutamil lik nti kajwax wi,
¡Mitene re k-an jun tzayb'al b'iroxik che!
4Xwi re si' kajwax wi,
are k'atnaq chik utzam rumal a', xaq unik'ajal lik xaq chik u'anom.
¿Wach chik kajwax wi?
5Are k'a entera,
nti kajwax wi,
¡Etelechiki wo'or chi k'atnaq chik,
k'a o nawi kajwax wi!
6Rumali, Yin in Ajwal, kinb'ij:
Keje pacha i kutam re i raxk'am
chi kk'aq pa a' k'atsab'al re,
xaq keje ile kin-an chke i winaq aj Jerusalén,
keink'aq ni pa a'.
7Yin kinsaqij na chi lik in-ajch'oj chkij ike.
Chupam jun a' kix-anmaj na;
xwiri kixtzaq chik chupam jun a' chi lik kixujarsaj na.
Yin are kinsaqij chiwe chi in-ajch'oj chiwij;
are uri kiwetamaj ni yix, chi Yin in Ajwal.
8Kin-an ni jun tz'inilik jyub' chaqij
che utinimit, rumal je kojonnaq ti chwe.
Yin in Ajwal, xinb'ij ile.
Currently Selected:
Ezequiel 15: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
