Am%F3s 9
9
Lik mijun ktotaj che u'atb'al tzij i Ajwal
1Xwil i Ajwal, chi o chuk'ulel i k'ijib'al re sujb'al sipon i kub'ij chwe:
“Chayoqya i aqan re i ja k'a kesilab' ni et;
¡Are je ch'aqa taq chik chetzaq na li pkiwi i winaq!
Pachin kekanajik je k'aslik keinkamsaj ni ru' ch'ich' chi k'ulala o uware:
Tupu ke'anmajik, lik mijun ktotajik;
2tupu kkuwaj kib' k'a chuxe' li ulew,
lik chila kewesaj na loq;
tupu ke'el b'i naj chikaj,
chila na keinqajsaj na loq.
3We kkuwaj kib' chwi taq jyub' re i Carmelo,
xaq chila na keintzukuj wi loq;
we kkuwaj kib' chinwach Yin chupam unajtil uchoyil i mar,
kintaq nu b'i i nim laj itzel chikop pa mar re ku'an ch'aqa taq chke;
4i we ke'elsax b'i pa cho'ab' chwach kulew kumal i je ajch'oj chkij,
kintaq nu b'i i ch'ich' chi k'ulala o uware re keukamsaj.
¡Ru' inb'a'wach keintaqej anb'al k'ax chke,
yab'al ti utz pkiwi!”
5I Ajwal, chi Ronojel ktiki che,
kuyin i ulew i ulew kyayur pa a',
i konojel i uwinaq lik ke'o' na.
I ulew kel b'ik xaq kqaj loq,
pacha i ya re i Nilo chi kel b'ik xaq kqaj loq.
6I Ajwal chikaj o wi uk'ijib'al,
i jamjik uya'om puwi i jyub' ta'aj;
ire keusik'ij i ya re pa mar
i kujam li chwach i ulew.
I Ajwal, lik are ub'i ile.
7Iri are kub'ij i Ajwal:
“Ix aj Israel, chwe Yin yix ix
junwi taj chkiwach aj Etiopía.
Keje pacha ik'amik li yix xin-an chiwe pa Egipto,
xaq keje kik'amik li ile xin-an chke aj Filistea pa Caftor
xaq i aj Aram chila pa Kir.”
8I Ajwal kril i tinimit ajmakunel, i kub'ij:
Kinsachsaj uwach chwach i ulew,
xwiri kinsachsaj ti uwach ronojel i rachoch ma Jacob.
Yin in Ajwal, kinb'ij.
9Yin kintaq u'anik, chi i rachoch ma Israel ksaysax na
pacha usayik i trigo k-an chupam usayb'al,
chi lik mijun b'a'wach trigo ktzaq ni pulew.
10Konojel i je ajmakib' pintinimit,
kekam ni ru' ch'ich' chi k'ulala o uware;
konojel ni'pa i kkib'ij: Lik nti pich' che ile kqak'ulmaj;
i utz taj lik kojumaj taj, kecha.
Uyakik tan chik i tinimit Israel k-on panoq
11I ij kk'unik are kinyak ni chik i ral rachoch ma David chi tzaqnaq te'eq. Kinyijb'a i utz taj che, ni'pa i ja chi je tzaqnaq pulew keinyak na, xaq kin-an tan chik che pacha u'anom te'eq ujer, 12man are i kkanajik re i Edom xaq konojel i nimaq taq tinimit chi je we Yin te'eq, i tinimit Israel ku'an tan chik re ire che. I Ajwal uya'om utzij, i lik ku'an na.
13“Kk'un ni ij chi are k'a ktijin umolik i trigo xaq ya xuriq chik i ij re utukik uwach ulew, tupu are k'amaja kutzin uya'yaxik i uva are tan chik i ij re utikik i trigo. Chwi taq jyub' xaq chwi taq loma klemem ni uwa'al uva muqb'am pacha i ya. 14Te'uri kink'am chali intinimit Israel chi elsam b'i pa cho'ab' chwach rulew. Kkiyak tan chik i tinimit chi je wulijnaq, i kejeqi tan chik chupam; kkitik ni uva, xaq kkitu' ni uwa'al ki-uva muqb'am, xaq kkitik ni tikon che, i kkitij ni uwach. 15Lik ke'inya ni chwach i kulew, i lik ke'elsax ti chub'i chwach i ulew chi xinya Yin chke.” I Ajwal Dios xub'ij.
Currently Selected:
Am%F3s 9: ACHICUB
Highlight
Share
Compare
Copy
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
