Am%F3s 8
8
I chikach re i echa' an
1Iri are xuk'ut i Ajwal Dios chwe: O jun chikach re echa' an, 2Ire xutz'onoj chwe:
—¿Wach i kawilo Amós?
—Jun chikach re echa' an —xinla' uwach yin.
I Ajwal xub'ij chwe:
—I tinimit Israel lik ya knaqajab' i ij chi kk'is uwach; lik mitjulaj chik kinkuy umak. 3Che i ij le i b'ix re i nim laj ja re i ajawinel k-on ni re b'is. Je k'i i winaq kekamsax na, xaq xa kok'il kkik'aq na li i ch'akulaj chisaq. Are i Ajwal xub'ij ile.
Ya knaqajab' u'atik tzij puwi i tinimit Israel
4Chita iri, yix chi keiya puyej i ajaj laj taq winaq xaq ki'an k'ax chke i nib'a'ib' pa tinimit; 5yix chi kib'ij: ¿Junpa kik'aw i nima'ij re i ik' k'ak', man keje ile kqak'ayij i trigo? ¿Junpa kik'aw i ij sábado, man keje ile kqak'ayij i molonik ch'irajil che jun rajil paqalik, xaq kqakoj i pajb'al chi tz'aqat taj, xaq i pexu chi saqil taj? 6¡Kqa'an ni k'ax chke i nib'a'ib' puyej chi lik are ni ike kkik'ayij kib' chqe re qataqon tojb'al re kik'as, tupu we xa jun molaj uxajab' uk'as! ¡Lik kqak'ayij ne xa to' upam i trigo! 7I Ajwal lik usaqim ru' uchomalil i ma Jacob: “Lik ksach ti chink'ux wach i ki'anom.”
8¿Lik ksiksat ti nawi i ulew rumal ronojel taq iri?
¿Ke'o' ti nawi konojel uwinaq?
¡I ulew kel nu b'ik xaq kqaj na loq,
pacha i ya re i Nilo chi kel b'ik xaq kqaj loq!
9Che i ij le, —kub'ij i Ajwal—,
kin-an na chi kruwaj ni rib' i ij are tik'il ij,
i lik pa'ij kinch'uq ni uwach ulew ru' equm.
10Kinjalwachij ni i nima'ij, puk'exel ile kinya ni o'ej kumal i kamnaq,
i b'ix re kikotemal ku'an ni b'ix ke i kamnaq;
kin-an na chi yix kikoj i'u' re b'is,
xaq kisol nu b'i iwi k'utb'al re chi ix o pa k'ax.
Kixo' na pacha jun chi usachom rak'al chi lik xa jun o ru',
keje ile ronojel kk'is ni pa b'is.
11Kk'un i ij, —chi i Ajwal kub'ij—
chi kutaq na li numik chwach ulew;
are ti numik re wa re trigo, xaq are ti k'atik re ya,
are i numik re utayik utzij i Ajwal.
12I winaq to' kemalkat na,
kkitzukuj i utzij i Ajwal,
ke'e ni che jun mar xaq che jun chik mar,
ke'e pa moxab' xaq k'a prelb'al li ij,
xwiri lik kkiriq taj.
13I je chomiq taq altom xaq i alab'om chi lik ko kiwach
kejab'krij nu b'i chwach taq ulew rumal i k'atik che i ij le.
14I jub'an chi kkisaqij pkib'i i tiox re Samaria;
ike chi kkib'ij: “Rumal uk'aslemal a-dios, yet tinimit Dan”,
“rumal taq kik'aslemal i tiox aj Beerseba”,
ketzaq na, i lik kewalij ti chik.
Currently Selected:
Am%F3s 8: ACHICUB
Highlight
Share
Compare
Copy
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
