Am%F3s 6
6
Usachik uwach i tinimit Israel
1¡To' kiwach i jub'an chi to' utz kkina pkik'aslemal chila pa Sion!
¡To' kiwach i jub'an chi kul kik'ux che i Samaria,
xaq to' kiwach i je aj-ok'al utzam i tinimit chi lik o u'ij,
ipa kkito wi kib' aj Israel!
2Jix pa Calne i chiwila ut;
te'uri kixik'aw pa nim laj Hamat,
xaq chixik'aw pa tinimit Gat ke aj Filistea.
¿Xatab'a lik mas ix utz yix chkiwach taq i tinimit le?
¿Mas utz nawi itinimit chwach i ke ike?
3Yix kiwaj ti uch'ob'ik i ij re i k'ax,
xwiri yix kixtijin chu'anik chi kpe ni i k'ax piwi.
4Ixkotz'ol puwi i chomiq taq kotz'ib'al re marfil,
lik kiya iwib' chu'anik i nimaq taq inima'ij
i kitij ral taq chij xaq i me' ti'ojib';
5kixut'ij i su' xwiri chom ti uqulil xaq kel ti utz uch'awb'al;
ki'an taq iwe pacha xu'an i ma David, to' kinojij taq u'anik ojomb'al re son;
6kitu' i uwa'al uva muqb'am chupam nimaq taq tu'b'al,
kikoj i kunb'al muy chiwij chi lik paqal rajil,
¡I lik nti kich'ob' che uyej chi kutij i tinimit!
7Are yix nab'e kixelsax nu b'i pa cho'ab' chwach iwulew,
xaq ksach ni uwach ni'pa taq i nima'ij ki'ano chi nti kajwax wi.
8I Ajwal lik usaqim pub'i; i Ajwal Dios chi ronojel ktiki che, kub'ij:
“Lik ktitat inpam che i u'anik nim che rib' i tinimit re ma Jacob
lik kwaj ti i rachoch chi nimaq taq ja,
kinjach ni i tinimit pu'ab' i ajch'oj chrij,
junam ru' ni'pa taq o chupam i tinimit.”
9Are uri, we kekanaj lajuj achiyab' che jun ja, che lajuj kekam na. 10Lik nim ni i xib'in ib' che i jun are kuyak uch'akul i rachalal chi kamnaq chik o pa ja xaq kub'ij chik che i jun chi o pa ja: “¿O nawi jun chik awu' yet?” “Ntaj”, kula' ni uwach i jun che. I jun nab'e kub'ij na: “¡Match'aw chik, moqxa kakuxtaj ub'i i Ajwal!” 11Man i Ajwal kutaq na li uya'ik utojb'alil pkiwi i nimaq taq ja xaq pkiwi i ch'utiq ja, lik konojel kewulij na.
12¿Xatab'a kkich'ij i kaway keb'in chwi taq ab'aj nimaq?
¿Xatab'a k-an chak ru' i ab'ixb'al pa mar?
¡Yix i'anom che i atb'al tzij pacha i b'enen
xaq i uwach i atb'al tzij i'anom k'a che!
13Yix kixkikotik xwiri saqil ti ikikotemal, man kib'ij:
“Lik ru' qacho'ab' qariqom i nimaq taq anik.”
14Xwiri lik chikojo retalil yix ix aj Israel;
i Ajwal, chi ronojel ktiki che, kub'ij:
“Yin kinyak ni chiwij yix jun nim laj tinimit
chi lik kixuya ni puyej iwonojel,
chi kujeq li pa moxab' k'a kuk'isa pa wiqab'.”
Currently Selected:
Am%F3s 6: ACHICUB
Highlight
Share
Compare
Copy
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
