Am%F3s 2
2
1Keje iri kub'ij i Ajwal:
“I je aj Moab ki'anom uk'iyal mak atzalal
chi lik kinmayij ti uya'ik utojb'alil chke;
man xkinak' a' che ub'aqil i ajawinel re i tinimit Edom,
chi lik chaj xu'ano.
2Rumali kinkoj ni a' che i ulew Moab,
i a' le kusachsaj ni kiwach i nimaq taq ja ke ajawinelab' re Queriot;
are kesik'in pa ch'oj
xaq ru' taq uch'awb'al i trompeta,
i aj Moab kekam na.
3¡Kwesaj ni ajawinel chupam utinimit;
kinkamsaj na junam ku' i achiyab' chi nimaq kipatan chi je re ire!”
Are i Ajwal kb'iwik.
4Keje iri kub'ij i Ajwal:
“I je aj Judá ki'anom k'iyal mak atzalal
chi lik kinmayij ti uya'ik utojb'alil chke;
man xkixutuj i k'utunik re i Ajwal
i xekojon ti che u'atb'al tzij,
are xki'ano xa xkikoj ki'ij i tiox
chi xaril je antalik chi xkikoj ki'ij i kiqajaw kichuch ujer.
5Rumali kinkoj ni a' che i ulew Judá,
i a' le kusachsaj ni kiwach i nimaq taq ja ke i ajawinelab' re i Jerusalén.”
U'atik tzij puwi i tinimit Israel
6Keje iri kub'ij i Ajwal:
I je aj Israel ki'anom uk'iyal mak atzalal
chi lik kinmayij ti uya'ik utojb'alil chke;
man kkik'ayij jun winaq chi nti umak,
xaq kkijalwachij jun nib'a' chwach jun molaj xajab'.
7Kki'an k'ax chke nib'a'ib' xaq kkiqajsaj ki'ij,
kkaj ti u'atik tzij chke i ajaj laj taq winaq.
I qajawxel xaq i uk'ojol chekeb' kekotz'i ru' xa jun chi ixoq,
keje uqajsaxik i lo'laj in-ij ile kki'ano.
8Je jab'ernaq chwach i k'ul chi xkimaj kan che i jun chi o uk'as ku',
kkitij i wa chi sujtalik re kojb'al ki'ij i tiox chi xaril je antalik;
ru' i mer chi kik'amom chke i winaq re utojb'alil jun mak chi saqil taj,
ru' ile kkilo' i uwa'al uva muqb'am, chi kkitu' prachoch i kitiox.
9Yin, are i xin-ano, re jaqb'al iwik'awb'al yix,
xinsachsaj kiwach i aj Hamor,
lik xinsachsaj kiwach konojel;
tupu lik naj kij pacha che' chakalte' xaq lik je ko pacha i b'aqit.
10Xwiri yix xixwesaj li pa Egipto,
i xixwok'aj kawinaq (40) junab' pa tz'inilik jyub' chaqij
re kinya ulew chiwe chi ke te'eq ike.
11Kumaj taj kiwuwaj uwach, ix aj Israel, chi chixol yix
o jujun xin-an chke chi je profeta xaq jub'an chik je aj nazareo.
I Ajwal kub'ij.
12“Xwiri yix lik xeitaq aj nazareo#2.12 Nazareo. Ile ke'eloq chi pacha jun chi ujachom uk'aslemal pu'ab' i Dios. chutu'ik i uwa'al uva muqb'am,
xaq xei'atij i je profeta chi kkib'ij ti chik intzij.
13Rumali, Yin kin-an ni tz'ajtz'ik chiwe chwach ulew,
pacha ku'an i kareta ku'an tz'ajtz'ik che ulew
are kik'aw puwi man nojnaq che i trigo.
14Tupu lik pa'anem kix-anmajik, xwiri lik kixtotaj taj;
i jun chi lik o ucho'ab' kk'is ni ucho'ab',
xaq lik ktotaj ti i jun chi lik ko uwach.
15I ajk'aqol ch'ab' lik kuch'ij taj, xaq lik ketotaj ti
i jub'an chi lik kkich'ij anem,
xaq mitene i ke'anmaj rij taq kaway, ketotaj taj.
16Che i ij le, tupu i jun chi lik mas ko uwach chke i ajch'oj,
kuk'aq ni kan uch'ojb'al, man keje ile k-anmajik.”
I Ajwal xub'ij.
Currently Selected:
Am%F3s 2: ACHICUB
Highlight
Share
Compare
Copy
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
