1 Juan 1

I Tzij re k'aslemal

1Kqatz'ib'aj chiwe chrij i jun chi ax o wi chuxeb'al li ij saq. Ire qatom wach i xub'ij, xaq qilom ru' qab'a'wach; qatzij lik qilom uwach, xaq qachapom ru' qa'ab'. Qatzij Ire are i tzij#1.1 I tzij chi kuya i k'aslemal are i Jesucristo. chi kuya i k'aslemal. 2I k'aslemali xk'un chwach i jyub' ta'aj; yoj xqilo, rumali lik kqab'ij chiwe wach i xqilo, xaq kqa'aljinsaj i k'aslemal le chiwe chi nti uk'isik. Man i k'aslemal le ax o wi ru' i Ta chikaj, xwiri lik xuk'ut rib' chqe. 3Ni'pa i qilom, ni'pa i qatom, kqa'aljinsaj uri chiwe, man keje ile kiya iwach qu' yoj, man xaq yoj qaya'om qawach ru' i Ta chikaj, xaq ru' i Jesucristo chi Uk'ojol. 4Kqatz'ib'aj ni'pa taq iri chiwe man keje ile, knimar mas i kikotemal pqak'ux junam iwu'.

Qelik chuxe' i mak atzalal

5Are tzijonik iri chi k'uttal chqe yoj rumal i Jesucristo; are iri: I Dios, lik saq pacha i pa'ij, lik nti equmal che. 6We kqab'ij chi junam qawach ru' i Dios, xwiri we kojb'in che i utz ti laj b'e, xa oj o uri pa equmal, xa kojt'oron uri, xaq saqil ti kqa'ano.#1.6 Cf. Juan 1.14,17; 3.21; 14.6; 1 Juan 1.6. 7Xwiri, we kojb'in pa saq ru' i Dios. Man Ire lik o pa saq, ke'el uri junam qawach yoj ru'; xaq i ukik'el i Jesucristo chi Uk'ojol lik, kuch'aj ni ronojel i qamak.

8We kqab'ij chi nti qamak, xa kqat'or qib' uri; xaq nti saq laj tzij pqak'ux. 9Xwiri we kqajach i qamak che i Dios, ire lik utz xaq lik suk'ulik, rumali qeta'am chi ire kukuy chqe, xaq kresaj ni'pa i mak atzalal pqanima. 10We kqab'ij chi oj makunnaq taj, xa kojtijin uri chub'ixkil chi Dios ajt'oronel; xaq ke'eloq chi qakojom ti utzij Ire pqak'ux.

Currently Selected:

1 Juan 1: ACHICUB

Highlight

Compare

Copy