Malako 9

1Yisu akabweleele bo: «Mu mbuli me ndi mu undeele benu: mwana a baatu bakima mu ba bali ŋaniiŋa, a buubiimba lipfu ve, teehele bo bamono Ipfumu hya Nzambi mu uya na matwala.»

Kimbuhili a Yisu na Eliya ŋa yulu isyelo

Mty 17.1-13; Luk 9.28-36

2Hu mbisa bilumbu bisamunu, Yisu miivolo Peetelo, Yaki na Yowani. Nde miibita bo hu yulu isyelo hi hyasyenoho hu baaba siha ŋa muvaanga. Na nde akimbuhi#9.2 akimbuhiUsobo linyutu. ŋa busu bwa bo. 3Bikutu bya nde byakamwedeme mu lifuuku bibaayaka laafulala, bibaayaka pasi mukili mapiti ŋa toto huveletwala ufuukasa mu iteesi mo hiina#2Pe 1.16-18. 4Buuna, Eliya ayamonehele na bo itwadi na Moose; na bo baboole baakamoho na Yisu. 5Peetelo abakuli na aleeli huli Yisu: «Rabi#9.5 Rabi Mbindulili ni ti: Mulongisi mu ndaha ya Arameneye., hu bibaayaka bubwe ti bisu a benu litsahalaani ŋaniiŋa. Nyaha lituungaani bitudu bitatu, imosi hya we, imosi hya Moose na imosi hya Eliya.» 6Peetelo a haaba na bibaayaka uleele ve, mu tooni ati, boomo bwaaba bwaamiikaanga bayihi. 7Yidu limosi laayafuungala bo mu posi a lo, na ndaha mosi yaapali mutso a lo: «Nde wunuwu ni Mwana a me wu litondo, yuhalaani nde!» 8Masulubete, bayihi baatala tsyelo na tsyelo, bo a baabwemono muutu tso mumosi ve, vengo Yisu, nde siha na bo. 9Bu bo baakakulamana isyelo, Yisu akebisi bo mu uveleyabisa huli pasi muutu ma bo baamoni, natee bu Mwana a muutu huusuuha ŋa hati la babaakwa#Mty 17.9; Luk 9.36 . 10Bo baaduukili tumili mo yiina, ka bo baakatsotsosono: «Mbindulili a “usuuha ŋa hati la babaakwa ni hima”?»

11Titswene, bayihi baafuuli Yisu: «Mu hima milongisi mi Mikele mibaaleele ti Eliya afwana umaaya#Mal 3.23; Mty 11.14; Luk 1.17 ?» 12Yisu afutili bo: «Eliya afwana umaaya, mu uvangimasa bisiha byosi. Ka buni Mabasonehe ma Ngidi mu baasilasa kaka ti, Mwana a muutu afwana umaamono pasi yindahi, na buurokolo nde#Mkg 22.1-18; Esa 53.3? 13Eye, me ndeele benu ti Eliya aba amiiya, na bo baavangili nde moosi ma bo baatoondi, we bu Mabasonehe ma Ngidi mali mu uyabisa mu nde#Mlk 4.5-6 .»

Yisu miibeeloso mwana nga livupu lilibi

Mty 17.14-21; Luk 9.37-43a

14Bu bo baabiisili bayihi bakima, bo baamoni koonge a baatu ba balahi yaadiinga bo, na milongisi mi Mikele mi myakakaakana na bo. 15Masulubete, bu koonge a baatu yaamoni Yisu, yo yaakimuhi, na baatu baakayene tiinu mu uyabila nde. 16Yisu afuuli bo: «Mu ki musamu benu lili mu ukaakana na bo?» 17Na muutu mumosi mutso a koonge afutili nde: «Mulongisi, me miimbehele we mwana a me wa bahala, wu bibaayaka na livupu bibaayaka buduka. 18Pasi tsyelo yi livupu luukaanga nde, lo libaabwisa nde ŋa toto; mwana ubaanzunzama, ubaakweete miinyu, na nde ubaararama. Me apondi bayihi ba we mu ubinga livupu mo liniili, ka bo a baabahi mifudi ve.» 19Yisu afutili bo: «Mbaandu yi yaavele na imiinu. Natee ki taangu me umba na benu? Natee ki taangu me ukuunda benu? Behelaani me mwana.» 20Baabehili nde mwana. Mawasa-mawasa bu livupu laamoni Yisu, lo laapfwikisi mwana na unzunzama; nde abwiidi ŋa toto; na akabungamana na upalisa mafudi. 21Yisu afuuli taata a mwana: «Umata matangu kwe miniimi mili mu uyiila nde?» Nde afutili: «Umata bukenyi bwa nde. 22Taangu kima, livupu lilibi libaatsindahala nde hutso a mbaahu buuve hutso a nzali, mu uduba nde. Ka tso we utwala uvaanga isiha, kwila bisu lingebe na yaanga yaakumbasa bisu!» 23Yisu ni ukaala: «We miileele ti tso me utwala uvaanga isiha. Ka moosi utwala uvangama huli wu ubaasa imiinu!» 24Masulubete, taata a mwana afulihi: «Me ndi mu utsa imiinu.Yaanga yaakumbasa me mu pelili a me yi imiinu!»

25Bu Yisu haamoni koonge a baatu mu uya tiinu hu pedu a bo, nde afwengili livupu lilibi na uleele lo: «livupu bibaayaka buduka na bibaayaka bukwa-matswi, me ndi mu utuma we, pala mu mwana mo wunuwu na a habwekoto mu nde!» 26Livupu laafulihi mubabu, laapfwikisi mwana mu mifudi na laapali mu nde. Mwana akituhi we wu akwa na ba balahi baakaleele: «Nde miikwa.» 27Ka Yisu akaangi mwana mu hooho, atelimisi nde na nde atelimi. 28Ŋa Yisu haakoti hu nzo, bayihi ba nde baaba siha na nde na baafuuli nde: «Mu hima bisu livelitwala ubinga livupu mo liniili?» 29Yisu akaali bo: «Ndulu ni lisambulu luutwala upalisa livupu la pila mo yiina.»

Yisu miibweyabisa lipfu na tsuuhili a nde

Mty 17.22-23; Luk 9.43b-45

30Bu bo baamati ŋaana, bo baasabuhi Ngalili na Yisu a haatoondi ti baatu bayaaba lo ve. 31Mono ma nde haakalongese bayihi ba nde: «Mwana a muutu bamiiyeholo ŋa myoho mya baatu. Bo buuduba nde na hu mbisa bilumbu bitatu, nde usuuha mu babaakwa.» 32Ka bayihi ba nde a baakatsikaha mambu mo maana ve, na bo baaba na boomo mu uva nde byuhu.

Na afulala bukuutu?

Mty 18.1-5; Luk 9.46-48

33Bo baayato hu Kapernahumi. Bu Yisu haayato hu nzo, nde afuuli bayihi ba nde: «Mu ki dyambu benu likatsotsosono mu nzila?» 34Ka bo baaba swii, mu tooni ati, mu nzila, bo baakaatsotsosono mu uyaaba na ŋa hati la bo afulala bukuutu. 35Buuna, Yisu atsahili, ateeli bayihi bakuumi na boole na aleeli bo: «Tso muutu toondi uba watsomi, nde afwana uba wa tsyelele na musalili a boosi.» 36Ni mu buuna, nde avoli mwana mumosi, asuusi nde ŋa butima bwa bo. Nde abuumbi mwana na aleeli bo: 37«Woosi wu uyaka mwana mumosi wa pila yiniiyi mu nduhi a me, miiyaka me. Na woosi wu uyaka me, a me nde amiiyaka ve, ka ni wuuna wu atsindaha me.»

Wu avelebelele bisu, bibaayaka wa bisu

Luk 9.49-50

38Yowani aleeli Yisu: «Mulongisi, bisu laamono muutu mumosi mu ubinga matengo mu nduhi a we. Na bisu laasaha ukubasa nde lo, mu tooni ati, nde a hali mu uduukala bisu ve.» 39Yisu afutili nde: «A laakubasa nde mu usa buuna mu tooni ati, a hu bibaayaka na muutu wu utwala uvaanga ipadi mu nduhi a me ve, na masulubete, nde atoyo bubi mu me. 40Ni mu buuna, woosi wu avelebelele bisu a benu, bibaayaka wa bisu a benu. 41Na woosi wu uva benu mbuungu a mamba ma unywa mu tooni ati, benu lili ba Masiya, mu mbuli me ndeele benu, nde a hunyambasana pfuta a nde ve.

A lidungasa tso mumosi mu bikenyi mo biniibi ve

Mty 18.6-9; Luk 17.1-2

42Ka tso muutu bwiisi mumosi mu bikenyi mo biniibi, bi bili mu usiila me imiinu, hubeedi bubwe huli nde ti bakutala nde manya bibaayaka laafulala bunene mu likiingu, na babwaha nde mu mubu. 43Tso hooho hwa we hu bibaayaka tooni ya mbwiili a we, kese hwo. Hubeedi bubwe huli we mu ukoto na hooho hu ikuunzu hu moonyi a mbuli, ka a mu uba na myoho myole na uyene hu mbeenge a mbaahu ve, hu mbaahu yi yaaveledima. 44[Huuna hu misobi myaavelekwa, na hu mbaahu yaaveledima#9.44 Huuna hu misobi myaavelekwa, na hu mbaahu yaaveledima Mu mabuuku makima, itsudu mo hiniihi hyo ve..] 45Tso huulu hwa we hu bibaayaka tooni a mbwiili a we, kese hwo. Hubeedi bubwe huli we mu ukoto na tsode hu moonyi, ka a mu uba na miilu mya we myole ve na babwaha we hu mbeenge a mbaahu. 46[Huuna hu misobi myaavelekwa, na hu mbaahu yaaveledima#9.46 Huuna hu misobi myaavelekwa, na hu mbaahu yaaveledima Mu mabuuku makima, itsudu mo hiniihi hyo ve..] 47Na tso diisu la we lili tooni a mbwiili a we, lobolo lo; hubeedi bubwe huli we mu ukoto hu Ipfumu hya Nzambi na diisu limosi, ka a mu uba na miisu ma we mamoole ve, na babwaha we hu mbeenge a mbaahu. 48Huuna hu “misobi myaavelekwa, na hu mbaahu yaaveledima#Esa 66.24 ”. 49Baatu boosi sa bavyohele hutso a mbaahu mapasi, na sa bayaka mungwa wu utsyemese bo#Lev 2.13 .

50Mungwa ni isiha hi ibwe; ka tso mungwa diimbisi livu la nde, na ki isiha benu luufutala nde livu mo liina? Baani na mungwa mu benu mwakulu, na baani mu hyenze ŋa hati la benu#Mty 5.13; Luk 14.34; Lom 12.18; Heb 12.14 .»

Currently Selected:

Malako 9: TSA

Highlight

Copy

Compare