Zakariya 5
5
Ichilota chakwe kalata wino akupapuka
1Indola swinya, ngapano ndola kalata akupapuka mupela. 2Umungeli ambuzichisya chino naweni. Imutolelela inti, Nalola kalata akupapuka, amukonzwe ndivino itaka lya mwenda uwukulu wakwe kalatanye wee ali imikono amakumi yawili muwutali nukupapatala imikono ikumi.
3Anyoka ati, Pekalatanye wino walola pawalikwa intusi zino zyandi zikwile insi yonsi. Kumbali yonga iyakwe kalata akuti awang’o wonsi walilowa; nambali zinji izyakwe kalata akuti wonsi wane walapa ichilapo chawufi walilowa. 4Imfumu e Leza wamaka yonsi akuti alituma ulutipo lwakwe, lukinjile mung’anda yakwe wensi umung’o ning’anda yakwe wensi echawufi wino akalapa mbali nukulayilizya uwufi, Ulutipo luno ndituma mung’anda zyakwe wawonye luliyikala momonye luwalovye.
Ichilota chamwanachi wino walinji mumuse
5Umungeli aloleka swinya ati, Lolechesya chino chiza kanonzi!
6Nani imuwuzichisya inti, Nga achintu chamwata-chi?
Antolelela ati, Amuse, umusenye wowo wukulanjizya uluwembu Iwansi yonsi!
7Umuse walinji ninkupiko yachela. Inda pano nkulolechesya, inkupiko yachela ikupulwa, nga mumusenye wowo indola umwanachi ayisile mwenemo!
8Umungeli ati, Umwanachinye wee achimanyilo chawuwipe! Ngapano asunchilizya umwanachi muchise akupika ninkupiko papela. 9Njinula aminso ndola awanachi wawili, walinji namapa makalambane ngati amapa yakunga, wapapukanga wandungime. Awasenda umuse awapapuka nawo mulwelele.
10Imbuzichisya umungeli inti, Nga wakutwala umuse kwi?
11Antolelela ati, Wakuyazenjela amuse akavuwa mu Babeloni. Ndi akavuwa kiza kazengwa kasila, umuse wuliwikwa momonye wawupepa.
Currently Selected:
Zakariya 5: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
