Zakariya 4
4
Ichilota chachakuwichila ulukozya penepo
1Umungeli wino twavwanganga nawe ayiza swinya kwenene ayiza ampampusya ngati akuziwula umuntu wino watela aponechile. 2Ambuzya ati, Nga walola chani?
Imutolelela inti, Nalola ichakuwika penepo inyale ichakwe golide. Napapela pali ulweso Iwamafuta, ninyale munenulambali. Inyale zyonsi yongayonga zili namasyo munenulambali umwakuwika iminsuni. 3Papipi nichakuwichila penepo inyale pali imingungu yiwili, wumwi mbali zyoo nawunji mbali zyozyo.
4Achaleka imbuzichisya kumungeli inti, Ngavyonye-vyoo vikusula chani, mulali?
5Antolelela ati, Utamanyile?
Nani inti, Ntamanyile nanti katichitichi, mulali.
Leza alayilizya Zerubabeli
6Umungeli anena ati, Kanene Zerubabeli amazwinye yaa yano yafumile ku Mfumu e Leza: ayakuti, Kusi akumaka yavita vyamaka, nanti amaka yakonye, ukuwa kumaka yano yakafuma kwenene akuno ulichimvizya. 7Ichakukupunuzya chikulu chilisunguluka pankolelo pakwe wewe. Ulilimbuzya ing’anda yakumpepela umalizye yonsi pano awantu wakupongomoka nakasanga wakuti, Ye yazipa wuli!
8Swinyanye Imfumu e Leza wanyosile antumila izwi ati, 9Zerubabeli wimba ulufula Iwakuzenjela ing’anda yakumpepela, swinya wandi amale ukuzenga. Ndichiza chawa wonye-woo, awantu wane walimanya kuno anenenye nakutuma kwewoliwo. 10Watentemuka muno umulimo wakuzenga wusinakupitisya. Ukuwa walisechela ndiwiza walola Zerubabeli wiza mukupimpizya umulimo wakuzenga ing’anda yakumpepela,
Ichilota chakuwichila penepo inyale achizimbulwa
Umungeli anena ati, Inyale munenulambali aminso munenulambali aya Mfumu e Leza, yano yakalola konsikonsi munsi.
11Inyoka muwuzichisya swinya inti, Nga imingungu yiwili yino ili mumbali zyowili izyapachakuwichila ulukozyo ikusula chani? 12Swinya nga insamba ziwili zyamingungu zino zili mupipi nimpembe zyakwe golide ziwili zino amafuta yamungungu yakuzwila mwenemo zikusula chani?
13Nawe ambuzya ati, Utamanyile? Nani mutolela inti, Ntamanyile nanti katichi, mulali.
14Anyoka ati, Waa awantu wawili wane Leza asozile wawapaka amafuta ukuti wamuwombela, wawombela Imfumunye e Leza wansi yonsi.
Currently Selected:
Zakariya 4: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
