Titus 3
3
Imyata yawina Klistu
1Yizusyanga awantu wako ukutontela wakapanzya nizyamfumu, wakatuchila zuwa-zuwa kumilimo yonsi imizima. 2Uwanene watize wavwanjila umuntu wumwi uluwi, ukuwa wawe awantu wamutende nuwuchiwuza, walanjizya uwuchimyamya kuwantu wonsi. 3Amuno kali naswenye twalinji swewawelewele, imintatontela, awawipe. Twalinji swewazya wakulonda kuwipe nga atuwayisechelesya mwakwe vyonsi. Twikalanga muwuwipe nuwuzuwa; wamwi watupasile naswe twapatanga wamwi. 4Lelo lwalile pane uluse nu lukundo lwakwe Leza Katula witu lwaloleka, atutula. 5Kusi akumilimo mizima yino sweswe twachita, ukuwa amuno ankumbu zyakwe zino watutulila. Watupwizya. Apano Umuzimu Wutele waleka twakwatwa swinya twawa nuwumi wupya. 6Leza watupungulila Muzimu Wutele pakwe sweswe nkaninye, mwakwe Yesu Klistu e Katula witu, 7alyakuti munkumbu zyakwe Leza atulungamike twize tuwe nuwumi wamuyayaya wuno tukalindilila. 8Amazwinye yaa ayakusimichila.
Nkasi ukuti uvwange ninsimpo pakwe vyonye-vyoo, alyakuti wane wakusuwila Leza walemasye ukuyifima ukuwomba imilimo mizima. ivintunye vyoo avizima aviyane kuwantu. 9Ukuwa ufuntuke kumipanzi miwipe, nukutantika mazina makali, nimpokoto, nukulwa kuvyamasundo yakwe Musa. Vyovyonye visi nachimwi avyavye. 10Ndi wumwi akuleta ukupawunkana ungamusochela nche impindi ziwili zyonsi, upelele paponye ulale wamuleka. 11Amuno umuntu wamwatanye wowo wakolowenkana, nuluwembu lwakwenye lukamusinila vino ali.
Ukuchinchizya kwakupelelechezya
12Pano niza natuma Artemasi pamwi Tikikasi kwewewe, uyize uyangufye uyize kwenene kwe Nikopoli, amuno nelenganianga ukuti nandi ndange indi kokonye impindi yaminjililo. 13Uwakwavwilizya namaka yako yonsi Zenasi ekamanya wamasundo, nga nu Apolo uleke wakatuke pamusinzo wawo, uwalolechesya kuno wasinakusowelwa akantu kamwi. 14Leka awantu witu wasambilile ukuyifina ukuchita ivizima. Alyakuti wangakwavwa muntazi; watize wakwikala uwuwi.
15Wonsi wane wali nani wakulamuka. Tulamuchile awakundwe witu wonsi mwisuwilo.
Leza awawafwila inkumbu mwensi
Currently Selected:
Titus 3: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
