Philemon 1
1
1E kalata wee wafumile kwe Pauli, umukungwe muno we Klistu Yesu, nukufuma kwe Timoti umwanawitu—
Kumukundwe witu swinya umuwomvi wunji e Filimoni, 2nawachiwanza chi Klezia wane mukawungana nawo mung'anda yako, swinya nakunkazi yitu e Afiya nakwe Arkipasi echita wunji:
3Ndi e Leza e Tata ni Mfumu e Yesu Klistu awafwila inkumbu nukuwapa umutende.
Ulukundo lwakwe Filimoni nisuwilo lyakwe
4Ponsinye pano nkapepa, mwanawitu Filimoni, nkakutaka ndanga nkusalifya Leza wane. 5Amuno nkakwivwa ivyalukundo lwako luno wakunda awantu wakwe Leza swinya nisuwilo lyako lino uli nalyo mu Mfumu e Yesu. 6Nkapepa Leza nkuti aleke tuwakwavwana mwisuwilo tuwasambilizyania ivizima vyonsi vino tuli navyo ndi twalemasya Klistu. 7Ulukundo lwako, mukundwe wane, lukampa ichimwemwe chikulu mbali nukunsimpisya! Wasansamusya imyezo yawantu wakwe Leza yonsi.
Ukulambilizizya Onesimasi
8Muno wemwanawitu mwe Klistu, indi nukusinga konsi, ukuti ingakutuma uchite chino chazipila ukuchita. 9Lelo muno alukundo napatichizwa ukuti nkulambilizye awowo. Nachita awonyewoo chingatenga ne Pauli, nemulasi wakwe Klistu Yesu swinya wino kanonzi ali muvingololo muno alizina lyakwe. 10Nkukulambilizizya Onesimasi, wino anenenye nayipapila mwe Klistu: wino mukapindinye kaa kano indi muvingololo namukwata kumuzimu. 11Kali walinji awavye kwewewe, ukuwa kanonzi wawa amuntu mwenecho kwewewe nakwenenenye.
12Kanonzi weyo namunyosya kwewewe, numwezo wane wuli pakwe weliwe. 13Nalondesyanga ukuti ndange indi nawe konye-koo, pano indi muvingololonye muno Amazwi Matele, alyakuti alange akunjavwa pane usipo. 14Ukuwa nsinakulonda ukukupatichizya ukuti unjavwe; ukuwa chingazipa ndi ungachita wowonye nukulonda kwako. Achaleka ntanga nchite chimwi suka ndi wayizumilila.
15Nche pamwi Onesimasi wafumile kwewewe kumpindi ntichi alyakuti ndi wiza ayize alange ali nawe penye. 16Kanonzi asi amuzya awowo, ukuwa alusizye umuzya: amwanawitu umukundwe mwe Klistu. Ali nuwuzi wukulu wuli kwenene! Swinya vino aliwa nuwuzi kwakwe wewe, amuzya wako swinya amunyonko mu Mfumu!
17Achaleka ndi ukwelengania kuno nene nemuwuyo, uyize umupochelele swinya ndimuno ungampochclelela nene. 18Ukuwa ndi wakuwifya chimwi, nanti ndi wakukopa chimwi, umpe nene umulandu. 19Paa, nandi mbalike nikasa lyane inti, Nenenye, ne Pauli nalwane, ndilipa. (Ukuwa kweni, nachawuzimanye, nsinakulonda ukukwizusya kuno uwulanzi wako wakongola kwenene.) 20Achaleka, mwanawitu, mfwila inkumbu, muno a Mfumu e Leza; sansamusya umwezo wane, nemunyonko mwe Klistu!
21Kweni pano nkuwalika kalatanye wee, nkusimichila kuno wandi uchite ndimuno nakunenela — lelo naponye wandi uchite ulutilizye napapo. 22Swinyanye nkukulambilizya ukuti undolele indo lyankani, amuno nkusuwila kuno Leza wandi ayivwe amapepo yinu mwensi ambwezezye kwemwemwe.
Umulamu wakupelelechezya
23Epafurasi, umukungwe wunji muno we Klistu Yesu, akukulamuka, 24nawawomvi wanjinye e Marko, nu Aristarikasi, nu Demasi, nga nu Luka wakukulamuka.
25Ndi Imfumu Yesu Klistu awawafwila inkumbu mwensi.
Currently Selected:
Philemon 1: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
