Titus 1
1
1E kalata wee wafuma kwe Pauli, umuwomvi wakwe Leza swinya umupostile wakwe Yesu Klistu,
Nasozilwe ntumwa kukwavwilizya isuwilo lyawapostile wakwe Leza ukuti mbakolelele mwisambililo lyakusimichila lyi Kleziya litu, 2ukuti walolela uwumi wamuyayaya. E Leza wino atanga awipe uwufi, watulayilizizye uwuminye wowo pano insi itani itumbulwe, 3swinya watuwumbulizile amazwi yakwe pampindi nzipile. Vyonsinye vyoo vyalemesilwe kwenene, swinya nkuwumbula nukukomelezwa nu Leza e Katula witu.
4Nkuwalichila Taitasi, umwananenye uwakusimichila isuwilo lino swensi tuli nalyo nasimpika mwakwe weliwe.
Sivyo e Leza Umukwasi nu Klistu Yesu e Katula witu akufwile inkumbu akupe numutende.
Umulimo wuno Taitasi wawomvile mu Krete
5Nakusizile mu Krete alyakuti usyale ukuyania ivintu vino vyasyazile nanti kuchita, nukulasika wasongo wachiwanza chi Klezia mutwaya tonsi. Yizukanga vino nakukomelezizye: 6esongo wi Klezia wazipila awa amuntu wino asi nakasinza: uwamwanachi wenga, swinya wino ali nawana wane wakasuwila wano wasi nulumbili luwipe awalunkalwe nichilumba. 7Esongo atazipila awa nakasinza amuno walasikwa pamulimo wakwe Leza. Atize awayitutuwalika nanti akusamalila ukuvitwa, nanti akukolwa, nanti awalombwa, nanti akufunuka, 8Wazipila awe wekapochelela waweni uwakukunda ivizima. Umutechele, wino akachita ichete, umulungamane, uwamyata mizima. 9Wazipila ukulemasya amazwi masuwilwa yano yayana nisambilizyo lyi Klezia. Ndiwawa numwatanye woo angamanya ukusimpisya wanji nisambilizyo lyakusimichila, mbali nukumyalalika wano wali nimipanzi.
10Amuno kuli wachipiluka wamwi awavule wano wakachenjezya wanji nuwuwipe wawo, nkani-nkani wane wafuma muchipepelwe cha chi Yuda. 11Chazipa ukuwalesya ukuvwanga, amuno wakavulungania iviwanza vyonsi pano wakuwasambilizya amasambilizyo yano yatayana, alyakuti wazane indalama. A chansoni! 12Wumwi umwina Krete, wino walinji amutumwa, wino wavwanganga akuti, Awina Krete wonsi awachawufi, avinyamana vyavyevyavye, awalilichisye awakata. 13Ukupanichisya kokonye akwakusimichila. Achaleka wazipila ukuwakalipila nkaninye, alyakuti isuwilo lyawo liwome, 14watazipila ukupechela kumilumbe yachiYuda nga nakumasundo yawuntu yano yakafuma kuwantu wano wakapiluchila ukusimichila. 15ivintu vyonsi aviswepe kwewano waswepa; ukuwa kwakwe wano wakombela nawano wasi nisuwilo kusi ichiswepe chimwi, amuno amana yawo nintwitwinye vyakombela. 16Wakavwanga wakuti wamanya Leza, ukuwa imilimo yawo ikawakanuzya. Awalupato nichilumba, wane watanga wawombe ichintu chimwi chizima.
Currently Selected:
Titus 1: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
