Romans 9
9
Awantu wano Leza wasola
1Nkuvwanga ichipuma; nsinakuwipa uwufi nenji newakwe Klistu. Nkuyipanzya mumwezo wane, wuno wukapanzwa nu Muzimu Mwimichile, awuli wuno wukumpanichisizya kuno nsinakuwipa uwufi. 2Ye mwe vino indi namalanda makulu, nichikonko chintasila mumwezo wane muno awantu wane, awawazi wonga! 3Ukuwa ndi chingawavwa nenenye nalwane ingayifima ukutipwa nu Leza mpantulwe kwe Klistu. 4Awantu wasolwe nu Leza; wane walesile awawa awanakwe awikala muwukankala wakwe; walayine nawo awapa amasundo; wamanya ukupepa Leza nukusimichila; wapochelela amalayilizyo yakwe Leza; 5awikwata lyakwe wayisikulu; nu Klistu, kumuwili awowo, awaluko lwawo. Sivyo e Leza, wino walusya vyonsi, awachindikwa penye! Amen.
6Nsinakuti ukulayilizizya kuno Leza walayilizizye akwavye; amuno wasi awa Israeli wonsi wane wasolwa ukuti wawe awantu wakwe Leza. 7Swinya lisi alikwata lyakwe Abrahamu lyonsi lino awanakwe Leza. Leza wanenile Abrahamuati, Awanakwe Ayizeki awano walimanyikwa kuno alikwata lyako ampela. 8Akuli kuti awana wano wakwatwa nukulonda kwamuwili weni wasi awanakwe Leza; ukuwa awana wane wakwatwa ukulingana nilayano lyakwe Leza awali wana-wana. 9Amuno ilayano lyakwe Leza lyalinji namazwi yakuti, Pampindi yoyonye apano ndinyoka nga Sera ayize awe numwanamonsi.
10Chonye-choo chitupu pole. Amuno nu Rabeka-nye walinji nawanachonsi wawili awakwe yisi wenga, etatakulu e Ayizeki. 11-12Ukuwa alyakuti umwana wino wasolwa ayize asolwe ndimuno ukulonda kwakwe Leza kuli, Leza wanenile Rabeka ati, Umukulu alifukamila umuzuna. Leza wavwanzile amazwinye yaa pane awana wachilinji ukukwatwa, swinya watani wawombe numulimo wumwi uwuzima nanti awuwipe; achino wino wasozilwe atasozilwe muno nche wachisile chimwi, ukuwa we Leza wamusozile nukulonda kwakwe. 13Ndivino Amawaliko Matele yavwanga yati, Nakunzile Jekapu impata Esau.
14Ngafwandi, twati wuli? Wuzye twandi tuti Leza asi amulungamane? Nanti katichi-tichi. 15Amuno wanenile Musa ati, Ndiwa ninkumbu kwakwe wino niza nalonda ukumufwila inkumbu, swinya ndiwa nichilanda kwewino niza nawa nichilanda nawe. 16Achaleka fwandi, ndi Leza akusola umuntu asimusola muno akulonda ukusolwa nanti amuno amilimo yino akachita, ukuwa akamusola muno akalonda ukumufwila inkumbu ampela. 17Amuno Amawaliko Matele yavwanga kwe Fero yati, Nalesile uwa wemfumu muno achonye-choo, ukuti njize ndanjizye amaka yane kwakwe wewe, ngapano nizina lyane lilumbililwe insi yonsi. 18Achaleka fwandi, Leza ali ninkumbu kwewino akulonda, ukuwa akakalazya wino atakunda.
U wukali wakwe Leza ninkumbu zyakwe
19Wuzye wumwi anganena ati, Ngafwandi ndi chili awonye-woo, nga Leza angapa umuntu umulandu wuli? Ngaweweni wino angasinga kukulonda kwakwe Leza? 20Wechiwuza chane, ngaweweni, wemuntu ukupanzyania nu Leza? Wuzye inyungu yivu ingawuzya nakamata iti, Ngamuno chani chino wamatila wonye-woo? 21Ukuwa kweni, enakamata awino ali namaka yakumata ivu ndimuno akulondela, ukuti kumbulungwa yonga iyivu, amate inyungu ziwili yimwi ayamulimo wukalambane nayinji yamulimo wavye.
22Fwandi nu Leza-nye avino akachitao Walonzile ukulanjizya uwukali wakwe nukuti amaka yakwe yamanyikwe. Achaleka wapupuzizye nkani kwewano wanga alanjizye uwukali wakwe, wane wanga awalovye. 23Swinya walondanga ukuwumbula uwukankala wakwe uwukulu, wuno wapungulizile pakwe sweswe swewantu twalinji swe wakufwilwa inkumbu, swewantu wayanizya ukupochelela uwukankala wakwe. 24Amuno asweswenye swewantu watwisile, atufumya kusi aku wa Yuda watupu ukuwa na kumakandinye. 25Ndivino wataka mwekalata wakwe Hosiya wati,
Awantu wane watalinji awane, ndiwita inti, Awane.
Numwiko wawantu wuno ntakunzile, ndiwita inti, Mwewakankundwa.
26Namumasyonye yayo yano: nawanenezile amazwinye yayo inti, Musi mwewantu wane,
mumasyonye yayo amuno waliyitwa awanakwe Leza mumi.
27Nu Ayizeya-nye akuwumbula ivya wa Israeli akuti, Naponye ndi ukuvula kwa wa Israeli kwawa ngati aluselesenga lwamwesumbi, naponye walitulwa watichinye; 28amuno Imfumu e Leza atalizinguluka ukupanzya awantu munsi yonsi nuwukulu. 29Chili ndimuno Ayizeya wavwanjizile kali ati, Nd'achino Imfumu yamaka yonsi atatusizile ikwata, ngali twalinji ngati awa mwe Sodomu, swinya ngati awe mwe Gomora.
Ilasdwe Zima nawina Israeli
30Ngafwandi, twati wuli? Kwechonye-choo: vino amakandi, wane watavwambanga uwulungamane wakwe Leza, walungamisilwe mwisuwilo; 31ukuwa awantu wasolwa, wane wavwambanga amasundo yakuti yawalungamike kwe Leza, watatela wayazane. 32Ngamuno chani? Amuno chino wachitanga chitasimfile mwisuwilo nkandi imilimo. Wapunulanga piwe lyakupunuzya 33lino Amawaliko Matele yavwanga yati,
Lola, nawika iwe mwakwe Zioni
lino lilileka awantu wapunula,
swinya wemfuzi wino alileka wapone.
Ukuwa wensi wino akuwika insingo mwakwe weliwe atalisonzwa insoni.
Currently Selected:
Romans 9: WWN82
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
