Revelation 8
8
Amasyo yachitimunenulambali ayanamba
1Walile pano Umwana-ng'onzi wamatulula pamasyo yachitimunenulambali, mwiyulu amumyalala amuti-mya kukapindi kamwi. 2Ngapano ndola awangeli munenulambali wano wakakwimilila pankolelo pakwe Leza; awapwa inkangang'ombe munenulambali.
3Umungeli winji wino walinji nichakwe golide chino wakawichila mwenemo uwusule ayiza yimilila pakavuwa. Wapilwe uwusule wuvule ukuti ayonjelezye kumapepo yawantu wakwe Leza wonsi ukuti ayoche pakavuwa kakwe golide kano kalinji pankolelo pandulu. 4Ichusi chakusuka kwawusule achipita apaliponga namapepo yawantu wakwe Leza achifuma mumakasa yamungeli wino wimilile pankolelo pakwe Leza. 5Ngapano umungeli asenda chino wawichilanga uwusule, ayizuzya mwenemo umulilo wapakavuwa, asumbila pansi. Kwalinji iviwulumo vyamvula nukupanta nukumesya, nichizumanzi.
Inkangang'ombe
6Ngapano awangeli munenulambali wano walinji ninkangang'ombe awaziyania ukuti walizye.
7Umungeli wakutalika alizya inkangang'ombe yakwe. Amawe yamvula numulilo vino vyasanzinkine nuwazi aviwatonya pansi. lchipya chachititatu ichansi achipya, nichipya chachititatu ichamiti achipya, numulemvwe wonsi uwisote awulunkuntika.
8Ngapano nawe umungeli wachitiwili alizya inkangang'ombe yakwe, ichintu chimwi chino chalolekanga ngati amwamba wukulu wuno wukwaka numulilo, chasumbizilwe mwesumbi. Ichipya chachititatu ichakwe sumbi achipiluka uwazi, 9ichipya chonga ichavitumbulwa vyawumi vino vyalinji mwesumbi avifwa, nga nichipya chachititatu ichawato achononeka.
10Ngapano nawe umungeli wachititatu alizya inkangang'ombe yakwe. Ulutanda lukulu luno lwakanga ngati achisonsolwa chamulilo alulakata alufuma mwiyulu aluponela pachipya chachititatu ichanduzi, napatuntopwezi twaminzi. 11(Izina lyalutandanye lolowe Wululu.) Ichipya chachititatu ichaminzi achilula, nawantu wavule wano wang'wile aminzinye yayo awafwa, amuno aminzi yaluzile.
12Ngapano nawe umungeli wachitini alizya inkangang'ombe yakwe. Ichipya chachititatu ichilanzi, nichantanda avyumwa, achaleka ukuwala kakwe vyolivyo akusowezya ichipya chonga ichachititatu akufwawalala; kutalinji ukuwala kumwi ukwachipya chachititatu ichamusanya nichawusikunye.
13Ngapano njinula minso njivwa inzwanga yino yapapukanga mupela mwilewelewe ikola nizwi kulu iti, Oko kalanda-we! Yekalanda kakule! Kaliwa akalanda kasikolo kwakwe wonsi wano wikala munsi pano ukulila kwankangang'ombe zino awangeli watatu wanji walilizya kwiza-kwiza!
Currently Selected:
Revelation 8: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
