Revelation 2
2
Amazwi yano yatumilwe kwe Efeso
1Kumungeli wi Kleziya lya mwe Efeso walika uti, Yaa amazwi yakwe wino alemile intanda munenulambali mwikasa lyakwe ilyandilo, wino akupita muvilemelo vyankozyo zyakwe golide munenulambab. 2Namanya vino wachita; namanya nukuwombesyakuno wawombesya swinya namanya nukupupuzya kwakonye kuno walinji nako. Nakumanya kuno utanga uzizimichizye kuwantu wawipe, nakuno welezya kwewano wakuti swe wapostile napano wasi woliwo, wazana kuno awachawufi. 3Wapupuzya wayimba muno anene, lelo naponye utalechelezya. 4Ukuwa uli numulandu pakwe choo: kanonzi utankunda ndivino wankunzile pakutalika. 5Yizuka kuno ukupona kwako kwafumilila apatali! Tontolokwa ufume kuluwembu lwako uwachita ndivino wachitanga pakutalika. Ukuwa ndi utatontolosilwe ufume kuluwembu lwako, ndikwizila njize mfumye ichilemelo chako ichankozyo pano chili. 6Ukuwa cheni choo wachita ichete: wapata china Wanikolayite wakachita, ndivino naninye napata.
7Achaleka fwandi ndi uli namakutwi, yivwa chino e Muzimu akutaka ku ma Kleziya!
Ndileka wano wiza wachimvya walye ichikomwa chamuti wawumi wuno wamela muchalo chakwe Leza.
Amazwi ya no yatumilwe ku Semirina
8Kumungeli wi Kleziya lya ku Semirina walika uti, Yaa amazwi yano yafuma kwewino awakutalika swinya uwakupelelechezya, wino wafwile anyoka awa nuwumi. 9Namanya ukuyimba kwako nukusaluka kwakonye—lelo kweni wemuwotoke! Namanya ivintu viwipe vino wano wakayita wakuti swe wa Yuda, napano wasi woliwo wakakuvwanjila uluwi; aliwumba lyakwe Satana. 10Ulize uwatina chimwi chino wanenenchela ukuti uyimbe. Lola! Umuwipe wandi awelezye asumbile wamwi awakwe mwe mwe muvingololo; muyimbe mwenemo amanda ikumi. Ukuwa muwe mwewasuwilwa nanti amfwanye—mungafwanga, ndiwalambula akamba kauwumi.
11Achaleka fwandi ndi uli namakutwi yivwa chino e Muzimu akutaka ku ma Kleziya.
Ndileka wano wiza wachimvya watize wize wachisike pamfwa yachitiwili.
Amazwi yano yatumilwe ku Peregamumi
12Kumungeli wi Kleziya lya ku Peregamumi walika uti, Yaa amazwi yakwe wino alemile ulupaga ulukole monsi-monsi. 13Namanya kuno ukakwikala kuno nindulu vakwe Satananye ili. Wewakusimichila kwenene, swinya utatela ulechelezye ukusuwila nanti apampindi yino e Antipasi ekalola wane umusuwilwa, wakomilwe kuno Satana wikala. 14Ukuwa indi navimwi ivyakukwina: amuno uli ponga nawamwi wano wakakonka imisambilizizye yakwe Balamu, wano wasambilizizye Balaki ukuti awawembusya awa Israeli ukuti wawalya ichakulya chino chafimilwanga amakolania, nga nukuchita uwuzelele. 15Awuliwonganye uchili uli nawantu wamwi mwakwe mwemwenye wano wakakonka imisambilizye ya wa Nikolayite. 16Salenge fwandi, fuma kuluwembu lwako! Ukuwa ndi wakana, ndiyiza imfwelenje njize ndwisye awantunye wawo nulupanga luno lukafuma mumulomo wane.
17Achaleka fwandi ndi uli namaku(wi, yivwa chino e Muzimu akutaka ku ma Kleziya!
Ndileka wano wiza wachimvya wapochelele amana mafisame yamwi. Nyoke mbape wonsi pano wawezile iwe Iyongalyonga lino pene po pawalikwa izina 'pya lino pasi umuntu nanti wenga wino walimanya, suka wino walipochelela.
Amazwi yano yatumilwe ku Tiyatira
18Kumungeli wa mwi Kleziya lya mwe Tiyatila walika uti, Yaa amazwi yano yafuma kumwanakwe Leza, wino aminso yakwe yakamekuka ngati amulilo, wino amatamba yakwe yakazikimila ngati amukuwa wuchumule. 19Namanya chino ukachita. Nakumaya nulukundo lwaka, nukusuwilwa kwakonye, nimilimo yako nukuzizimichizya kwako. Namanya kuno kanonzi ukuchita ivivule ukulusye vino wachitanga pakutalika. 20Ukuwa kuli chimwi chino nkukukwina: walechelezya kumwanachi weyo e Jezebeli, wino akayita akuti antumi yakwe Leza. Akusambilizyanga awantu wane awasovya ale ka awachita uwuzelele nukulya ivyakulya vino vyafimilwa amakolania. 21Namupa impindi yakuti atontolokwe afume kuluwembu, ukuwa wakana ukuleka uwuzelelele wakwe. 22Achaleka ndimusumbila pacbitala pano weliwe nawano wakazeleluka nawe waliyimba kutaluvile. Nandi nchite chonye-choo kanonzinye, suka ndi watontolokwa waleka ukuchita iviwipe vino wachitanga nawe. 23Swinya ndikoma wano wakamukonka, apano ama Kleziya yonsi yize yamanye kuno anemuntu namanya amelengania yawantu nukulonda kwawo. Ndilambula mwensi ndinganie ndimuno mwachitila.
24Ukuwa mwewantu mwasyala mwe Tiyatira mutakonka isambilizyonye lyoo iwipe; mutasambilila vino wanji wakutanji inkama nkulu izyakwe Satana. Nkuti ntaliwatwika swinya ichisendo chinji. 25Lelo mulemasye china muli nacho chikale chiti-ndi nsuke njizenjize. 26-28Wano wiza wachimvya, walanga walandalizile ukuchita vino nakunda ukwizafika nakukupelelechezya, ndiwapa amaka yano nani napochelela kwe Tata: ndiwapa amaka yakupanzizya imyiko, wawapanzya nunchinda wachela, wawafwantania ngati anyungu zyivu. Nyoke swinya mbape ulutanda lwamutondo-tondo.
29Achaleka fwandi ndi uli namakutwi, yivwa chino e Muzimu akutaka ku ma Kleziya.
Currently Selected:
Revelation 2: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
