Revelation 16
16
Indweso zyawukali wakwe Leza
1Ngapano njivwa izwi kalambane likufuma mung'anda yakupepela Leza likuvwanzya awangelinye wawo munenulambali likuti, Aleni yanji mukitululile munsi indwesonye zyozyo munenulambali izyawukali wakwe Leza!
2Umungeli wakutalika aya ayitululila munsi ulweso lwakwe! Inkonko mbipe izyawulumila wukulu azipona kwakwe wano walinji nichimanyilo chachinyamananye chocho napakwe wano walumbulanga ikolano lyakwe cholicho.
3Nawe umungeli wachitiwili ayitululila ulweso lwakwe mwesumbi. Aminzi ayawa ngati awazi wamuntu wino afwile, nga ichitumbulwa chonsi chipuma chamwesumbi achifwa.
4Nawe umungeli wachititatu ayitululila ulweso lwakwe muzyanduzi namutuntopwezi. Aminzi ayapiluka uwazi. 5Injivwa umungeli wino walinji wesongo kuvyaminzi wati, Walungamika kumapanzyo yano wachita wemutele awewe, wemuntu ulipo swinya walinjipo! 6Wazwisizye uwazi wawantu wakwe Leza nuwawatumwa, achino nawe wawang'wesya uwazinye wowo. Awantunye waa wapochelelachino chiwayine! 7Ngapano njivwa izwi lyafuma mukavuwa. Likuti, We Mfumu, Leza wamaka yonsi! Amapanzyo yako nachawuzimanye ayakusimichila swinya yayana!
8Ngapano umungeli wachitini ayitululila ulweso lwakwe pilanzi nga alyocha awantu nichilungula chawukali. 9Awantu awochwa nichilungula chikalipe, awapontela izina lyakwe Leza, umweni zyampungonye zyozyo! Ukuwa naponye awakana ukupetuka ukufuma kuluwembu lwawo awatumvya uwukulu wakwe.
10Nawe umungeli wachitisano ayitululila ulweso lwakwe pandulu yachinyamananye chocho. Imfinzi ikoma pawufumu wachinyamana chochonye, awantu awalumania indimi zyawo muno awulumila. 11Awapontela Leza wamwiyulu muno awulumila wawo ninkonko zino zyawaponezile. Lelo watapilulusile wafume kumyata yawo imiwipe.
12Nawe umungeli wachitimutanda ayitululila ulweso lwakwe muluzi Yufureti, Uluzi alupwa iwa anzila nizyamfumu zino zikufumanga kapela aziwapita mwenemo. 13Ngapano ndola imizimu mikombele yitatu yino yalolesile ngati awachula, wano wakufuma mumulomo wachitumbu, mumulomo wachimana namumulomo wamutumwa wawufi. 14Yoyonye ayili mizimu yaviwa yino ikachita ivizunguko. Imizimunye yoo yitatu ayino ikuyanga kuzyamfumu munsi yonsi kukuyawawunganika apaliponga wakatusye isumo pawanda wukulu uwakwe Leza wamaka yonsi.
15Lolani nkwiza ngati nemung'o: uwalongo awino akupampuchila akusakamala nivizwalo vyakwe, alyakuti atize awapita tupu, insoni ziwamulema paminso yawantu.
16Ngapano imizimu iwunganika izyamfumu apaliponga mumasyo yano mu chi-Heberi yakakwitwa Armagedoni.
17Ngapano umungeli wachitimunenulambali ayitululila ulweso lwakwe mupela. Izwi kalambane alifuma pandulu mung'anda yakwe Leza, aliti, Chasila! 18Akuwa ukumesya kwamvula nukupoma nichiwulumo chakupanta, nichizumanzi chikulu. Kusitela kuwe ichizumanzi chamwata wowonye ukufumilila pano umulawa walile ayelewulilwa! Choo cheni chawifile achilusya ivizumanzi vyonsi! 19Akaya kakulu akalepunkana patatu, nga nutwaya twazyansi tonsi atononeka. E Leza ayizuka e Babeloni mukulu, aleka ang'wa ivyakung'wa vyamulupindi lwakwe ivyakung'wa vyakulakalika kwawukali wakwe. 20Ivilila vyonsi avimvula ayafuma mupela ayaponela wantu, iwe lyonga ukung'wama pakulyelelezya vingalingana namapawunzi umwanda (100 lb.) Awantu awapontela Leza muno amupungonye yoyo iyamawe yamvula muno impungonye yoyo yawifile nkaninye.
Currently Selected:
Revelation 16: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
