Revelation 15
15
Awangeli wavimpungo
1Ngapano ndola ichamayele chinji mupela, ichikulu ichakuzunguka. Walinji awangeli munenulambali wano walinji nizyampungo munenulambali, impungo zyakupelelechezya, amuno zyozyonye azilimpungo zyakupelelechezya ukuwumbula uwukali wakwe Leza.
2Ngapano ndola chino chalolekanga ngati wesumbi wigalasi visanzinkine numulilo. Nyoka ndola wano wachimvizye ichinyamananye chocho nikolano lyakwe cholicho, wino nizina lyakwe lili nimpendwa. Wimilile lwapesumbi wigalasi, walemile amapango yano Leza wawapile. 3Wimbilanga ulwimbo lwakwe Musa, umuwomvi wakwe Leza, nga nulwimbo lwa Mwana-ng'onzi wakuti,
Mfumu Leza, Leza wamaka yonsi,
ye imilimo yako yakula wuli swinya v ino ayakuzunguka!
Mfumu yamyiko yawantu,
ye vino imiwele yako yayana swinya vino ayakusimichila!
4Ngawino atanga akutine, weweni we Mfumu?
Ngaweni angakana ukuwumbula uwukulu wako?
Wewenye wenga-nsu wemutele.
Imyiko yawantu yonsi iliwakwiza pankolelo pakwe wewenye iwakulumbula,
muno awantu wonsi walola imilimo yako imilungamane.
5Pano vyonye-vyoo vyasila indola ing'anda yakupepela Leza iyamwiyulu yiyuka nihema lyakwe Leza lili momonye. 6Awangelinye wawo munenulambali wano walinji nimpungo munenulambali izyakupelelechezya awalompoka mung'anda yakwe Leza! Wazwite ivizwalo vitiswe iviteiepe ivilangalile, nga nimipango yakwe golide wanyefile pavifuwa vyawo. 7Ngapano chimwi ichavitumbulwa ivipuma vini achipa awangelinye wawo munenulambali indweso zyakwe golide munenulambali zyizwile nuwukali wakwe Leza, wino uwumi wakwe awamuyayaya wape. 8Ing'anda yakwe Leza yizwile nichusi chino chafumile kuwukankala nakumaka yakwe Leza, patalinji wumwi wino anginjila mung'anda yakwe Leza zisuke izyampungo zyozyo munenulambali zisile zino zyalesilwe nawangeli munenulambali.
Currently Selected:
Revelation 15: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
