Revelation 14
14
Ulwimbo lwawakomolwe
1Ngapano njinuka ndola Umwana-ng'onzi ayimilile pamwamba Zioni; wimilile apaliponga nawantu imyanda ikumi impindi umwanda wonga namakumi yani nazini (144,000) wano pampumi zyawo pawalikwa izina lyakwe ni lya Mukwasi. 2Nganjivwa izwi lyafuma mwiyulu lino lyalizile ngati achipoma chikalambane, ngati achiwulumo chantalala. Izwinye lyolyo lino nivwile lyalinji ngati alyakwe wakalizya wamapango. 3Wawo imyanda ikumi impindi umwanda wonga namakumi yani nimpindi zini (144,000) wimililewalozizye aminso kundulu, nakuvitumbulwa vipuma vini, nakwakwe wasongo. Awimbila ulwimbo lupya luno wano wakomolwa watupu wangalusambilila. 4Awantu wano wayisunga wasitela wakumbatane nawanachi; awasimbe. Weni wakukonka Umwana-ng'onzi konsi kuno akuya. Wakomolwa wafuma kuwulumila wonsi wawa awakutalika kukufimwa kwe Leza na ku Mwana-ng'onzi. 5Wasitela wawipe uwufi: wasi nakasinza kamwi.
Awangeli watatu
6Ngapano ndola umungeli winji akupapuka mupela mwilewelewe, walinji nilandwe zima ilyawumi wamuyayaya ilyakulandila awantu wamunsi, ukutulila awantu wamyiko namyiko, awandimi ndekane-lekane, nawansi zyonsi. 7Avwanga izwi kalambane ati, Tinanji Leza, muwatumvya nuwukulu wakwe! Amuno impindi yiza kweweliwe ukupanzya awalawa. Mulumbulanji muwafukama kwakwe Leza wino welewuzile iyulu ninsi, nusumbi, nutuntopwezi twaminzi!
8Umungeli wachitiwili akonka pawakutalika, ati Aponile! Ebabeloni mukulu aponile! Wapile awantu wonsi ipala lyakwe. ukuti wang'we ipala lule ilyakukalilwa kwawuzelele wakwe.
9Umungeli wachititatu akonka pakwe wawili, avwanga izwi kalambane ati, Wensi wino akulumbula ichinyamana nikolano lyakwe cholicho, swinya ali nichimanyilo pampumi yakwe nanti apikasa lyakwe, 10nawenye aling'wa ivyakung'wa vyakwe Leza, ivyakung'wa kwakuvitwa kwakwe, vino witululila mulupindi nuwululu wawukali wakwe! Wonsi wano wakachita wonye-woo walisumbilwa mumulilo wayimbe kuwulumila pankolelo pawangeli wimichile na pa Mwana-ng'onzi. 11Ichusi chamulilo chino chikuwayimvya chiwasuka chikuya chiyeyeye mupela umuyayaya. Nanti kupuza kumwi kukuyimba kwakwe wawonye uwusiku numusanya wano wakalumbula ichinyamananye chocho nikolano lyakwe cholicho, nawensi wino ali nichimanyilo chizina lyakwe cholicho.
12Choo chikulonda ukuti awantu wakwe Leza wasimpe, wano wakatontela amasundo yakwe Leza swinya wakasuwila Yesu.
13Ngapano njivwa izwi lyafuma mwiyulu lyavwanga lyati, Ale walika choo uti, Awalongo awafwe wano ukufumilila kanonzi wakulanga wakufwila mumulimo wa Mfumu!
Emuzimu atolelela ati, Nachawuzimanye molimo. Waliwayilosya wapuza kumilimo yawo imikalambane, amuno imiwele yawo yamanyikwa palwenze.
Ukusinza ivyamunsi
14Ngapano njinuka, indola iwingo tiswe, piwingonye lyolyo pisile chimwi chino chalolekanga ngati amulawa nakamba kakwe golide pamutwe wakwe, ngaswinya chalemile ninsengo nkole mwikasa. 15Ngapano umungeli winji, afuma mung'anda yakwe Leza apunda nizwi kalambane kwewino wisile piwingo ati, Ale womvya insengo yako usinze ivizawalo, amuno impindi yakusinzila yiza! Insi yacha yawa amasika. 16Ngapano wino wisile piwingo avulumvya insengo yakwe munsi ivizawalo munsi avisinzwa.
17Ngapano indola umungeli winji akufuma munga'anda yakwe Leza iyamwiyulu, nawenye walinji ninsengo nkole.
18Ngapano ndola umungeli winji, wino walinji wesongo kuvya mulilo afuma mukavuwa. Apunda izwi kalambane kumungeli wino walemile insengo nkole ati, Ale womvya insengo yako, usenge ivikomwa vyakusuta ipala kumiti yavikomwa vyansi, amuno vyachat 19Achino umungelinye weyo avulumvya insengo yakwe munsi asenga ivikomwa kumiti, avisumbila muchifinilo chawukali wakwe Leza. 20ivikomwa avifinwa pachakufinila kulonde yakaya, uwazi awufuma muchakufinila awuwatantala amayilosi imyanda yiwili (200) nako ukuzika kwakutimba kwela awufika nakuvilemelo vyakwe wakavwalo.
Currently Selected:
Revelation 14: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
