Revelation 10
10
Umungeli nukalata mutichi umuvungulule
1Ngapano ndola umungeli winji umukazuwane akwika akufuma mwiyulu. Azwite iwingo, numulalafute wuliwilizizye umutwe wakwe; impumi yakwe yalinji ngati alilanzi, nimilundi yakwe yalinji ngati antumba yamulilo. 2Walinji nukalata muvungulule umutichi mwikasa lyakwe. Atanzya ichinama chakwe ichakwe ndilo alyata pesumbi, nichinama chakwe ichakwe kamani achilyata pachituntu, 3apunda izwi lyakwe ikulu fino lyawulumile ngati achiwulumo chavimbwi. Ala wapunda, ukupanta kwamvula kwampindi munenulambali akwitawila nichiwulumo. 4Nanti kuzimbanye pano wavwanga, indalonda ukuwalika. Ukuwa njivwa izwilyafuma mwiyulu lyati, Utize uwalike vino ukupanta kwamvula kwampindi munenulambali kwavwanga; ukuwa leka iwe ankama yako!
5Ngapano umungeli wino naweni ayimilile pesumbi napachituntu atumpula ikasa lyakwe alozya mwiyulu 6alapa alayilizya mwizina lyakwe Leza, wamuyayaya wape, wino welewula iyulu navyonsi vino vili mwenemo, welewula ninsi navyonsi vino vili mwenemo, nusumbi navyonsi ivyamwenemo. Umungeli ati, Kusi ukuzinguluka swinya! 7Ukuwa wala pano umungeli wachitimunenulambali walizya inkangang'ombe yakwe, apano Leza wandi afisye inkama yakwe, ndimuno wanenezile awawomvi wakwe, awatumwa.
8Ngapano izwi lino nivwile likuvwanga ukufuma mwiyulu, alinena swinya aliti, Yanga kasende kalata muvungulule wino ali mwikasa lyamungeli wino ayimilile pakwe sumbi napachituntu.
9Inja kumungeli imulambilizya ukuti ampe kalatanye weyo umutichi. Anena ati, Weyo senda umulye; munda yako wandi akantuchile, ukuwa mumulomo wako mweni wandi anonelele ngati awuchi.
10Insenda kalatanye weyo umutichi mwikasa lyakwe imulya, anonelela ngati awuchi mumulomo wane. Ukuwa inda pano namumilula, akantuchila munda yane. 11Ngapano inenwa ukuti, Swinyanye inde ndavwanga amazwi yakwe Leza kumyiko mivule, wansi zyonsi, nindimi nandimi, nizyamfumu ndekane-ndekane.
Currently Selected:
Revelation 10: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
