Philippians 1
1
1E Kalata wee wafuma kwe Pauli nu Timoti, awawomvi wakwe Klisstu Yesu—
Ku wantu wakwe Leza wonsi wane wikala mu Filipi, wane wali nisuwilo mwakwe Klistu Yesu, nakwe wasongo wi Klezia nawakayamwite:
2Sivyo e Leza e Tata ni Mfumu yitu e Yesu Khstu awawafwila inkumbu nukuwapa umutende.
E Pauli apepela awina Filipi
3Nkuwasaifizya kwakwe Leza wane penye ndinawizuka; 4impindi zyonsi zino nkawapepela mwensi, nkapepa nichimwemwe, 5amuno mwanjavwilizya ukuwomba umulimo wilandwe zima kutaluvile, pano mwalile amutalichila ukufika nakanonzi. 6Achaleka nkupanichisya nukupanichisya nkuti: e Leza, wino watalisile umulimo wuzima woo mwakwe mwemwe, wandi aleke wulandalile wusuke wize wusile pawanda wakwe Klistu Yesu. 7Penye nkawizuka mumwezo wane! nga pakuchita awonye-woo, nkachita ichete. Amuno mukakwavwana nani nkaninye mumulimo wonye-woo wuno Leza wampa, nakanonzinye pano indi muvingololo napalyanye pano wandechelezizye ukuti nkawilange Ilandwe zima ninsimpo zyonsl. 8Leza weni amanyile kuno chino nkutaka achakusimichila pano nkuti indi nichiluka kwakwe mwemwe mwensi nkaninye chino chikufuma mumwezo wakwe Klistu-nye umwenecho.
9Ipepo lyane lino nkuwapepela alyoo: nkuwapepela ukuti ulukundo lwinu lulandalile ukukula lulange lukakula, mbali nukumanyichisya kwenecho nukuwa nipanzyo lyakusimichila, 10peni apano mungamanya ukusola chino chiyine. Apano mulilufuma kuwiwipe wonsi nakwisumbichilwa pawanda wakwe Klistu. 11Muliwa nimiwele mizima nimyata yawuzima wonsi wuno wukafuma kwakwe Yesu Klistu wenga-nsu awuleka Leza awachindamikwa nukulumbulwa.
Nenji uwumi wane we Yesu
12Wanawitu, nkasi mumanye, kuno ivintu vino vyamponezile, vyalandalizya Ilandwe zima kutaluvile. 13Achaleka wakalindilila wonsi awakwisano nawanjinye wonsi wane wali-paa wamanya kuno nanyepwa muvingololo muno nemuwomvi wakwe Klistu. 14Nukunyepwa kwane muvingololo kwaleka awanawitu awavule walunduluka nkani mukusuwia Klistu, achaleka walutilizya ukusinama impindi zyonsi wakuwizyanga Ilandwe zima nanti ntete.
15Ukuwa kweni wamwi wakawila Klistu amuno wali nuwuzuwa mbali nimpokoto, ukuwa wamwi wakawila nimyezo yawo yonsi. 16Wanye waa weni wakawila nulukundo, amuno wamanya kuno Leza wampa umulimo wakuchinjilila Ilandwe zima. 17Ukuwa wamwi wasiwila Klistu nimyezo yawo yonsi, wali nimipanzi mitupu; wakulonda ukunkatusizya amatamyo nayanji pano indi muvingololo.
18Kusi umulandu! Nenji achimwemwe chitupu—ndi Klistu akuwizwa mumwata wonsinye, chingatenga ndi wangambipizya pamwi wasimichile. Nandi ndange nkusechela, 19amuno manyile muno amapepo yinu yano mukumpepela nukwavwa kuno kukufuma kwakwe Muzimu wakwe Yesu Klistu nandi nsapulwe. 20Ukulondesya kwane ukukulu nukulolela kwane akwakuti ntalitela mpotwe ukuwomba umulimo wane, ukuwa impindi zyonsi, nkani nkani impindinye yoo yeni, nandi ndutilizye ukusinga, alyakuti numwezo wane wonsinye ndeke Klistu achindikwe, chingatenga ngawa nuwumi nanti ngafwanye mfwange. 21Amuno ng'uwumi wanenye wowo achani? Ukuwa nenji uwumi wane we Klistu. Apano imfwa nayo, yazipa yalusya. 22Ukuwa ndi ingalanga nemumi ingalanga ndandalizile numulimo wuzima, peni ntamanyile nachino ngasola. Nazutwa konsi-konsi. 23Nkulondesya nkaninkani ukuti ukutawula uwumi wane nkawange nu Klistu, chino achili chintu chizima ukulusye; 24ukuwa muno amwemwe, achizima ukuti ndange nemumi. 25Nachawuzimanye, manyile kuno nalanga ndipo. Ndange njisile namwe mwensi, alyakuti mbonjelezye ukulandalila mbali nkukula mwisuwilo. 26Achaleka muno anene muwatumvya Klistu Yesu mulutilizye pano niza nikala namwe swinya.
27Achaleka kanonzi, aleni lekani imiwele yinu iwe ndivino Ilandwe zima ilyakwe Klistu lili, alyakuti chingatenga nditwiza twalolana pamwi pole, njize ndange nkwivwa kuno mwasyanjisya nukulonda ukulikonga, muwalwisya apaliponga, nukulonda konga, muno akusuwila kwilandwe zima. 28Mutize muwatina awalwani winu; ukuwa muwasinga penye, chochonye achino chiliwalanjizya kuno walichimba, namwe muchimvye, amuno we Leza awino akuwapanga amaka yakuchimvizya. 29Amuno mwapwa ulongo lwakuwombela Klistu, ukuwa ukusuwila mwakwe weliwe kutupu pole, nkandi nukumuyimbilanye. 30Ngapano mungatela mukulwisya apaliponga nani. Ukulwanye kuno mwambweni nkulwa pakutalika akuli kokonye kuno nchili nkulwa nilelo, ndimuno mukwivwila.
Currently Selected:
Philippians 1: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
