Hebrews 1
1
Izwi lyakwe Leza lino wavwanjizile mumwanakwe
1Kali, Leza wavwanzyanga watatakulu impindi mvule munzila ndekane-le kane mumilomo yawatumwa, 2ukuwa mumanda yaa ayakupelelechezya wavwanjila kwesweswe mu Mwanakwe. Mwakwe weliwenye amuno Leza welewulizile ivintu vyonsi weyonye wino Leza wasozile ukuti pakupelelechezya ayize awe nivintu vyonsi. 3Akazikimila nukuwala kwawukankala wakwe Leza; swinya welikolano lyamwata wakwe, weni akalela ivintu vyonsi namaka yizwi lyakwe. Walile pano waswefya awantu kuluwembu lwawo, aya ayikala mwiyulu kwikasa lyandilo ilyakwe Leza, uwamaka yonsi.
Umwana wakula walusya awangeli
4Umwanakwe Leza wakula walusya nawangelinye, ndivino izina lino Leza wamwisile lyakula lyalusya amazina yawangeli. 5Amuno Leza atatela anene umungeli wumwi ati,
Wemwanane;
ilelo nawa neso:
swinya Leza atatela anene umungeli
wumwi ati,
Ndiwa neyisi,
nawe awe amwanane.
6Ngaswinya pano Leza wati awatuma Umwanakwe ekatote munsi watili,
Ndi awangeli wakwe Leza wonsi wamupakata.
7Ivyawangeli Leza watili,
Leza waleka awangeli wakwe wawa amuza,
nawawomvi wakwe wawa ambiwi yamuwilo.
8Ukuwa ku vya-Mwana wavwanga wati,
Oko we Leza, wenji indulu yako ayape-nape!
Ukapanzya uwufumu wako nuwulungamane.
9Wakunda uwulungamane wapata uwuwipe;
achaleka e Leza, e Leza wako, wakusolela
wakusechelesya nukukuchindika kukulu nkani
ukulusye vino wachindika awawuyo.
10Swinya ati,
Awewenye Mfumu pakutalika-talika welewuzile insi,
welewuzile iyulu namakasa yako.
11Vyonsinye vilizimanjika, ukuwa wenji ulilandila;
swinya vyonsi vilisila ndivino ivizwalo.
12Ulivisunsila mupela ngati achizwalo,
uwavilechelania ndivino ukachita ivizwalo.
Ukuwa wenji ulilanga uli uwuliwonganye,
nanti kwiza kota.
13Leza atatela anene umungeli wakwe wumwi ati,
Yikala koo kwikasa lyane ilyandilo
ukuti nsuke ndeke awalwani wako
wawe ngati apakulyatila amatamba yako.
14Ngafwandi nawo awangeli, awachani? Wonsinye amizimu awowo awawomvi wakwe Leza wino wawatuma kukwavya wane wangiza watulwe.
Currently Selected:
Hebrews 1: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
