Mika 5
5
1Mwe wantu wa Mwe Yerusalemumwe, wunganikani ivita vinu! Wakulwisya enankolelo wawa Israeli!
Leza wati, ekapanzya alifuma mu Bethiehemu
2Imfumu e Leza wati: Wewenye Bethlehemu Efurata, wekaya katichi nkani mwe Yuda. Ukuwa mwakwe wewenye amuno ndifumya kapanzya wawa Israeli. Ichiwanza chakwe chilifumilila kumyaka mikali.
3Achaleka Imfumu e Leza alilesya awantu wakwe ukulwisya awalwani wawo, asuke umwanachi wino akupapa apape umwanachonsi. Apano awikal’ansi wawuye wane wachinsizwe kuchinyonga wize wawe apaliponga nawantu wawo. 4Ndikapanzya wiza-wiza alipanzya awantu wakwe namaka yano yafuma ku Mfumu e Leza, wuwe awufumu wa Mfumu-nye e Leza nalwakwe. Awantu wakwe waliwakwikala umutende, amuno awantu wonsi awamunsi walitontela uwukulu wakwe, 5alileta umutende.
Itulwa nukusundwa
Ndi awa Asiria wiza wasanguchila insi yitu wayilwisya, wamongolania amalinga yitu, tulituma wanankolelo witu awawome nkani wakawalwisye. 6Apano wize wakachimvye insi ya Asiria nimpanga zyawo. Walitutula kuwa Asiria pane wiza wasanguchila insi yitu.
7Awa Israeli wawo wane wiza wasyala, waliwa ngati alumi luzima luno Imfumu e Leza watuma kumyiko mivule, wawe ngati akusansa kwamvula yino ikasansila vino vyamela. Waliyeyamila kwe Leza kumuntu pole. 8Awa Israeli wamwi walisyala mukasi mumyiko ngati achimbwi chino chikuvwima mumusitu pamwi muwuchemelo ukuti chizane ichakulya. Chikwinjilanga mung’onzi, achizipunguluchila achivwandulania, isowa niyakupusuka. 9Israeli alichimvya awalwani wakwe awalovye wonsi.
10Imfumu e Leza akuti, Pampindinye yoyo, ndisenda wakavwalo winu njonone amagereta yinu ayisumo. 11Ndiyonona utwaya twamunsi yinu, mongolanie amalinga yinu yonsi. 12Ndiyonona amayele yanchilisi zinu zino mukawombela. Ndovye nawakapanda wane wakawanena vino vingiza vipone. 13Ndiyonona amakolania nimpanda zyamawe izyamuzilo vino mukapakata. Mutalitela mupakate swinya ivintu vino mwelewula. 14Ndinyunkulania impanda zino mwimika munsi yinu, njonone utwaya twinu. 15Nakuchipyu chane, njize ndandule imyiko yino yakana ukuntontela.
Currently Selected:
Mika 5: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
