Hebrews 5
5
1E simapepo mukulu wensi akasolwa nawantu wawuye ukuti awawomba umulimo wakwe Leza awawawombela nawonye, kukufima ivyawila ninzuwi kuluwembu. 2Muno nu simapeponye nawe amutontechele nkani wazipila akolopana kumintamanya wano wakuwifya. 3Muno nawe watontesya, atazipila ukufima inzuwi zyawantu watupu-tupu ukuwa numwenechonye. 4Pasi wumwi wino akayisolela ilumbo lyakuwa wesimapepo mukulu, ukuwa nkandi umuntu wino witwa nu Leza ukuti awe wesimapepo mukulu—ndivino Eroni wisilwe.
5Awuliwonga, nu Klistu-nye atayisendezile ukuchindama kwa wusimapepo wukulu weliwe wenga. Ukuwa, Leza watili,
Wewe wemwanane;
ilelo nene nawa neso.
6Swinya kunji watili,
Wenji ulilanga wesimapepo wape,
uwamusango wakwe Melkizedeki.
7Pano Yesu walinji munsi moo wapepanga nukulambilizya mbali nukulila kukulu naminsozi kwe Leza, wino walinji namaka yakumutula kumfwa. Amuno wayichefizye nukuyipa, Leza wamwivwile. 8Ukuwa chingatenga walinji amwanakwe Leza wasambilizile ukutontela kwakwe vyonsi vino wachuzile. 9Ngapano ala wafika pakafiko, awa ansulo yitulwa lyamuyayaya kwakwe wonsi wane wakumutontela, 10nga apano Leza amwimika awa wesimapepo mukulu, ndivino Melkizedeki walinji.
Uwusoche
11Kuli ivivule vino tungavwanga pakwe chonye-choo, ukuwa avitale ukuwalondololela, amuno mutakampuka ukwivwichisya. 12Ngali mwawa mwewasambilizya kalinye—ukuwa muchili mukalonda ukuti wanji wawasambilizya amazwi yakwe Leza lyonga lyonga. Ukuwa, napano mungalya ivyakulya vikalambane, muchili mukalonda ukonka isulu. 13Amuno wensi wino akonka atela akanya, wino atamanya ichizima nichiwipe. 14Ukuwa ichakulya chikale, cheni achakwe wasongo, wane wasambilila wamanya uwusyano waminonele yachizima nichiwipe.
Currently Selected:
Hebrews 5: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
