Hebrews 3
3
Yesu wakula walusya Musa
1Aleni, mwe wa Klistu wanji, mwewantu mwitwa nu Leza! Yelenganianji ivyakwe Yesu, wino Leza wamutumile ukuti ayize awe we simapepo mukulu wisuwilo lino tuli mwenemo. 2Walinji amusuwilwa kwakwe Leza, wino wamusontozile ukuwomba umulimo wakwe, ndivino Musa wasuwizilwe mumulimo wonsi wamung'anda yakwe Leza. 3Umuntu wino akazenga ing'anda akachindikwa ukulusye ning'anda. Wowonye avino nu Yesu nawe, wachindamikwa walusya Musa. 4Nachawuzimanye, kweni ing'anda ikazengwa numuntu wumwi—achaleka we Leza awino welewula ivintu vyonsi. 5Musa wasuwizilwe ukuwa amuwomvi wamung'anda yonsi iyakwe Leza, wavwanganga vino Leza alitaka kunkolelo. 6Ukuwa Klistu weni amusuwilwa ngati a Mwana wino akasunga ing'anda yakwe Leza. Asweswenye sweng'anda zyakwe Leza, ndachino twandi tuwasuwila mbali ninsimpo zyonsi pakwe chino tukulolela.
Ukupuza kwawantu wakwe Leza
7Achaleka ndimuno Muzimu Mwimichile wavwanga wati,
llelo, ndimwivwa izwi lyakwe Leza,
8mutize mutumbe ndivino pano mwapiluchizile Leza,
ndivino mwachisile pawanda wowo mulumpalang'ang'a pano mwelezizye Leza.
9Kulyanye koko akuno wasokulu wanjelezizye awalanga wakunjelezya, avino Leza wavwanga,
chingatenga waweni vino nachisile kumyaka amakumi yani.
10Muno achochonye navitizilwe awantunye wawo inti,
Penye wasitontela,
wakana nukutontela amasundo yane.
11Nafulichizilwe nkaninye ndapa inti,
watalitela winjile mukupuza kwane nawanda!
12Wanawitu, chenjelani ukuti wumwi mwakwe mwemwe atize awawa numwezo wuwipe uwakuntasuwila ukuti afutatile Leza mumi. 13Ukuwa, ukuti wumwi atize aponele muluwembu atumbe, mwazipila muwakwinulilana amanda yonsi, amuno impindi ya kanonzi alili Lelo lino Amazwi Matele yatunena. 14Amuno twasanzinkana apaliponga nu Klistu, ndachino twalanga twalemasya chakala chati-ndi twalanga tuli nisuwilo lino twalinji nalyo pakutalika, twiza twafika nakukupelelechezya.
15Chonye-choo achino amazwi Matele yavwanjila yati,
Ilelo, ndimwivwa izwi lyakwe Leza,
mutize mutumbe ndivino pano mwapiluchizile Leza.
16Ngaweni wivwile izwi lyakwe Leza nga awamusanguchila? Awalyanye wonsi wane Musa wawatunguluzile awafumya mu Ijeputi. 17Ngafwandi awaweni wane Leza wavitizilwe kumyaka amakumi yani? Wavitizilwe walyanye wane wawembusile, wane wafwizile mulumpalang'ang'a. 18Pano Leza walafile alayilizya ati, Watalitela winjile mukupuza kwane nawanda—ngafwandi watakanga waweni? Awalyanye wane wamusanguchizile. 19Twamanya, kuno watatela winjile muno wakanile ukusuwila.
Currently Selected:
Hebrews 3: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
