Galatians 6
6
Muwapochelana ivisendo
1Wanawitu, ndi umuntu wumwi waponela mukuwifya kumwi, mwewantu mwewamuzimu amuleka alungamana; mwazipila amutontelela pa kuchita wowonye. Wensi wazipila alanga akuyilolela, alyakuti nawenye atize ayelezwe. 2Muwakwavwana ukusenda ivisendo, alyakuti mufisye isundo lyakwe Klistu. 3Amuno ndi umuntu wumwi akuyitumvya akuyichita uwuntu, napano awavye, atela akuyiwipa awowo. 4Ukuwa lekani wilamuntu awayelelezya imiwele yakwe umwenecho. Ndi achino akachita ichete, peni apano angayitumvya kwechina akachita, nanti kukolania vino awawuye wakachita. 5Amuno wilamuntu wazipila ukuyisendela ichisendo chakwe umwenecho.
6Wino akusambilizwa amazwi ya wu Klistu wazipila ukupa umusambilizya wakwe ivizima vimwi vino ali navyo.
7Mutize muwayiwipa; Leza asichenjezwa. Umuno china umuntu akatanda achino akasinza. 8Amuno wino akatandila ivya wuwelewele wamuwili wakwe alisinzila kumuwili imfwa; ukuwa wino akutandila ku Muzimu, alisinzila ku Muzimu uwumi wamuyayaya. 9Tutize tuwatonta ukuchita ivizima: amuno ndi tutalesile ukuwomba, impindi iliyiza pano tulisinza ivizawalo. 10Achaleka fwandi, ponsi pano tuli nimpindi, twazipila atulanga tukuchita ivizima kwewonsi, ukuwa nkani-nkani tuwalutilizya ukuwombela awamuchiwanza chitu mwisuwilo.
Ukukomelezya kwakupelelechezya ukwakwe Pauli nukuwalaya kwakupelelechezya
11Silolani vino nawawalichila amawaliko makulu ni kasa lyanenye! 12Wonsi wano wakulonda ukuyitumvya nimiwele yakumuwili awali wano wakalonda ukuwapatichizya ukuti mulembe uwusilamo. Wakuchita wowonye, vwile lyakuti watize wayimbila uwuchingane wakwe Klistu. 13Nanti awano walembwa uwusilamonye wasitontela amasundo; ukuwa wakulonda ukuti mwemwe mulembwe uwusilamo alyakuti wayitumvya wawati mwachimvile amulembwa uwusilamo kumiwili yinu. 14Ukuwa nenji, ukuyitumvya kwane awuchingane wa Mfumu yitu e Yesu Klistu wutupu; wino muno awuchingane wakwe nkalola insi ngati nafwililichila nayo insi itandola nalala nafwa kali. 15Amuno nanti akulembwa uwusilamonye nanti akuntalembwanye visi nachimwi. Nkandi ukwelewulwa kuwupya kweni. 16ELeza awawafwila ink umbu awape umutende wonsi wano wakonka isundonye lyoo muwulanzi wawo, apaliponga nawantu wakwe Leza wonsi!
17Pakupelelechezya nkuti, Umuntu wumwi atize awantamya, amuno mumuwili wane indi namawamba yakulanjizya kuno nemuzya wakwe Yesu.
18Ndi Imfumu yitu e Yesu Klistu awawafwila inkumbu mwensi, wanawitu. Amen.
Currently Selected:
Galatians 6: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
