Galatians 5
5
Yisunjilanji uwanangwa winu
1Klistu watukomola — twawa swewanagwa! Aleni simpisyani, muwe mwewanangwa, mutize mwize muwe mwewazya swinya.
2Aleni yivwani! Anenenye ne Pauli nalwane nkuwanena choo: ndi mwazumila ukulembwa uwusilamo, yefwandi Klistu asi numulimo wumwi kwemwemwe. 3Swinyanye nkunyochelela ukuwasochela ukuti ndi umuntu wumwi akuzumiluzya ukulembwa uwusilamo wazipila ala awatontela amasundo yonsi. 4Mwensi mwewantu mukulonda ukulungamikwa nu Leza muno akutontela amasundo mwayipambula kwakwe Klistu. Mwapantuka kunkumbu-nkumbu zyakwe Leza. 5Ukuwa swenji, ukulolela kwitu kuli mwakwe Leza awino angatulungamika kwakwe weliwe; chonye-choo achino tukulindilila, mumaka yakwe Muzimu wakwe Leza wino akawomba mwisuwilo litu. 6Amuno ndi tuli mwakwe Klistu Yesu, ukulembwa uwusilamo nanti akuntalembwanye visifungula chimwi; nkandi isuwilo tupu lyeni alino likawomba mbali nulukundo.
7Mwachitanga ichete! Ngakanonzi weni wawalesya ukuti mutize mutontele ukusimichila? Ngawawafunkuzile wuli? 8Ukufunkulwanye koko kusi akwakwe Leza, wino wawita. 9Umutawa wutichinye wukatutumula umunya wonsi, ndimuno wakuvwanjilanga. 10Ukuwa nenji nchili nkuwasuwila. Muno swe waliwonga mwakwe Klistu nkuwasuwila kuno mutandi mupusane naswe, swinya ndi umuntu wumwi akuwavulungania, alila ale asundwe nu Leza.
11Ukuwa nenji, wanawitu, ngamuno chani china nchili nkuyimvwa ndi nchili nkuti mule musilamule? Ndi achakusimichila, fwandi ye ukuwizya kwane ukwakwe Klistu pawuchingane kutanga kulete intazi zimwi. 12Nkulonda wano wakuwavulungania ndiwaye chiyeyeye; wakayitungulange awenecho!
13Ukuwa mwenji, wanawitu, mwilwa ukuti muwe mwewanangwa. Ukuwa mutize muleke uwanangwa winu wuwe akapemezyo akakuti ukulonda kuwipe ukwamiwili yinu kuwawazuta. Ukuwa, pyunjilananji nulukundo. 14Amuno amasundo yonsi yawunganikwa mwisundo lyonga: ilyakuti, Ukunde umuwuyo ndivino wayikunda. 15Ukuwa ndi muli wanyama zyalonde mlikuchisana nukuzowolana, chenjelani, amuno nche pamwi mungalovyania pyu.
Ukulonda kwa Muzimu nukulonda kwamuwili
16Nkuwanena nkuti lekani umuzimu awuno wuwawatungulula, mutize muwakonchelela ukulonda kuwioe ukwamuwili. 17Amuno chino umwata wamuwili wukalonda chikalwisya chino Umuzimu wakunda, nacho china Umuzimu wukalonda chikalwisya china umuwili wukalonda. Vyowilinye vikazutana, achaleka mutanga mllchite chino mwakunda ukuchita. 18Ndi Muzimu akuwatungulula amutela musi mwewazya wamasundo.
19Chino ukulonda kwa muwili kukachita chamanyikwa. Chikayilanjizya mukuzenkenta, muvyawunyali, nuwukwelengusi; 20mukupepa kwamakolania, nukupandapanda. Awantu wakalolana uwunyama, ukulwa, uwuzuwa, ukuvitwa, nukufwituchizyania. Ukupawulana; 21inkwini, ukukolwa, nukung'wa kuwipe, navino vyakolana navyoo. Nkuwasochela ndivino nawasochezile pakutalika nkuti wonsi wano wakachita ivyamwatanye woo watalipyana Uwufumu wakwe Leza.
22Ukuwa Umuzimu weni akaleta ulukundo, ichimwemwe, umutende, ukupupuzya, inkumbu, uwuzima, uwusuwizi, 23ukuyichefya, nukuyisunga. Kusi amasundo ya no yangakania ivintunye vyoo. 24Wano awakwe Klistu Yesu wakoma ukulonda kuwipe ukwamiwili yawo, nukulonda kwikumbuchila lyawo iwipe. 25Umuzimu awuno watupa uwumi; awuli wuno wazipila ukututungulula. 26Tutayitutuwalika, nanti akufyengana, nanti akukwinana.
Currently Selected:
Galatians 5: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
