Galatians 2
2
E Pauli nawapostile wanji
1Ngapano ila imyaka ikumi nayini yasila inyochela kwe Yerusalemu nu Bamaba; insenda nu Taitasi-nye atupita nawe. 2Nayile kweneko muno Leza wambumbulizile ukuti akuno inje. Mwiwungwe lino nawungine nawasongo watupu, imbapempulila Ilandwe Zima lino nawizizizye amakandi, Ntalondanga ukuti umulimo wuno nawombanga kali nanti awuno nawombanga impindinye yoyo iwe ayavye. 3Nuwunjinye e Taitasi wino nalinji nawe, chingatenga walinji amu Griki, atapatichizizwe ukuti alembwe uwusilamo, 4chingatenga awantu wamwi, wane wakopelezyanga ukuti wawe awanawitu wizile awayisanzya kwesweswe, awalondesya ukuti walembe Taitasi uwusilamo. Awantunye wawo wasochelezile awowo ukuti wawe amanengwe, ukwiza nengula uwanangwa witu wuno tuli nawo mwakwe Klistu Yesu. Walondanga ukuti tuwe swewazya wawo. 5Tutatela tuwatontele nanti katichi, alyakuti ukusimichila kwilandwe zima kulandalile ichete tuwasunjile mwemwe.
6Ukuwa wano walinji ngati awanankolelo—nkuvwanjila choo muno nanti ndiwalinji wuli nenji ntapechezile; Leza weni asipanzizya kumilolechele yakunzi—nkuti, Wanankolelonye wawo, watatela wanjonjelezya ichintu chimwi ichipya. 7Ukuwa, walola kuno Leza wampa umulimo wakuwila Ilandwe zima kumakandi, ndivino wapi le Peter umulimo wakuwilila awa Yuda. 8Mumaka yakwe Leza napilwe uwupostile wakuya kumakandi, ndivino Peter wapilwe uwupostile ku wa Yuda. 9E Jemusi, nu Peter, nu Yohani, wano wamanyisilwe kuno walinji awanankolelo, awazumila kuno Leza wampile umulimonye wowo; achaleka awansyopola nene nu Bamaba mumakasa. Muno twalinji numulimo wonga atuzumilizyania ukuti tukawombele kumakandi swinya nawo wize wakawombele ku wa Yuda. 10Weni chino walondanga achakuti tuwakwizuka awasaluke mwiwumba lyawo; ichintunye chino nachitanga nukulonda konsi.
E Pauli akalipila Peter pa Antioki
11Walile pano Peter waya ku Antioki, imukanuzya paminso yawantu, amuno wawifizye nkaninye. 12Amuno pano awantu wane Jemusi watumile wachilinji ukufika, Peter watezile akulya nawanawitu amakandi. Ukuwa awala awantu wane Jemusi watumile wafika, ayipawula aleka ukulya nawo, amuno watinanga wane walondanga ukulemba amakandi uwusilamo, 13Nawanawitunye wanji awa Yuda intete aziwalema, apaliponga nu Peter; nga nu Bamaba ayumbila kokonye muno antete. 14Nga nalile nalola kuno wasinakupita mukusimichila kwilandwe zima, inena Peter, palwenze inti, Wewenye we mu Yuda, ukuwa ngamuno chani chino ukuchita ngati welikandi, nanti kuti uwachita ndimuno awa Yuda wawela. Ngafwandi ungapatichizya amakandi wuli ukuti yawe ndivino awa Yuda?
Awa Yuda namakandi wakutulilwa kwisuwilo
15Nachawuzimanye, ichikwatilwe chitu swe wa Yuda, tusi swemakandi wakachita waluwembu. 16Ukuwa twamanya kuno we Leza awino akalungamika umuntu muno alisuwilo mwakwe Yesu Klistu, asi akuchita kwakulonda kwamasundo. mwakwe Klistu Yesu kwakulonda kwamasundo. Naswenye twasuwila mwakwe Klistu Yesu alyakuti tulungamikwe nu Leza muno alisuwilo mwakwe Klistu, asi akuchita ukulonda kwamasundo. Amuno pasi umuntu wino angalungamikwa nu Leza muno akuchita ukulonda kwamasundo. 17Achaleka fwandi, pane tungalonda ukulungamwikwa nu Leza mwakwe Klistu, naswenye twa zanwa kuno swewawembu ndivino amakandi yali-wuzye chonye-choo chikusula ukuti Klistu akasechela nuluwembu? Nanti katichi-tichi! 18Amuno ndi natalika ukuzenga swinya ivintu vino nonona, ntela nkuyisinda kuno nkuchila amasundo. 19Ukuwa kweni, kuvyamasundo, nafwa amasundonye ayano yankoma — alyakuti imbe nuwumi kwakwe Leza. Nakomwa pawuchingane apaliponga nu Klistu, 20achaleka kanonzi insi nuwumi nemwenecho nenga, ukuwa we Klistu wino ali mwenene. Uwuminye woo wuno indi nawo kanonzi, indi nawo amuno alisuwilo lino nasuwila u Mwanakwe Leza, wino wankunda wayifimile muno anene. 21Nsinakuyoyomvya inkumbunkumbu zyakwe Leza. Ndachino umuntu walungamikwa nu Leza muno masundo, yefwandi Klistu wafwile apavye!
Currently Selected:
Galatians 2: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
