2 Peter 3
3
Ukulayilizya kwakwiza kwa Mfumu
1Wakundwe wane! Kanonzi wee wawa wekalata wachitiwili wino nawawalichila. Mwewakalata wane wowilinye nkalonda ukukatusya amelengania yinu ndanga nkuwizusya ivintunye vyoo. 2Nkasi ukuwizusya amazwi yano awatumwa wavwanzile kali, mbizusye nisundo lino lyafumile ku Mfumu mbali e Katula lino awapostile wawapile. 3Ichakutalika mwazipila ukumanya kuno mumanda yakupelelechezya awantu wamwi wano imiwele yawo yachimba kukulonda kwawo ukuwipe waliloleka. 4Wize wawasoweka wakuti, Wuzye atalayilizizye ati aliyiza, vwile? Ngakanonzi alikwi? Ngavino watata wafwa kali, nivintu vyonsi vichili ndimuno vyawezile pawutalichilo wakwelewulwa kwa luwandi lwansi! 5Wakukwelengula umwenzonye chino Leza wavwanzile kali, ayelewula iyulu ninsi. Insi yatumpulusile ukufuma muminzi, iyelewulwa na minzi, 6swinya aminzinye, aminzi yantalala, ayali yano yalovizye insi nkali. 7Ukuwa iyulu lyakanonzi ninsi yino ilipo vyasungwa nizwi ilililyonganye ilyakwe Leza, ukuti vize vilowe kumulilo. Vyasunjilwa kukulindilila uwanda wipanzyo wuno awantu wane watamanya Leza walipanzwa walowe.
8Ukuwa mutize mwiwilile ichintu choo chonga, wakundwe wane! Paminso ya Mfumu uwanda wonga wuli ngati amyaka imyanda impindi ikumi; pakwe weliwe awuliwonga. 9Imfumu isizinguluka ukuchita chino yalayilizya, ndimuno wamwi wakakwelenganizizya. Ukuwa, akazizimichizya namwe, amuno asilonda ukuti wumwi ayize alowe, ukuwa akalonda wonsi watontolokwe kuluwembu lwawo.
10Ukuwa uwanda wa Mfumu wuliyiza ndivino umung'o, Pawandanye wowo iyulu lilisowa napano lyalyata nichongo chikulu, ivitumbulwa vyamwiyulu viliyochwa vilowe, nivyamunsi vyonsi vilizimanjika. 11Achaleka muno ivintunye vyoo vyonsi vililowa, ngamwenji imyikalile yinu ingawa wuli? Mwazipila ukuwa mwewalungamane muyipe kwe Leza, 12pano muchili mukulindilila uwanda wakwe Leza, lemesyani muleke wize zuwa—uwanda wuno iyulu liliyochwa lyononeke, nivitumbulwa vyamwiyulu vize visunguluke kuchilungula. 13Ukuwa tuwalindilila chino Leza walayilizizye: tuwalindilila iyulupya ninsi-mpya, pano uwulungamane wulitwizila pamilyango.
14Achaleka fwandi, wanawitu, pano muchili mukulindilila uwanda, lemasyani muwe mwewatele wane wasi nuluwi paminso yakwe Leza muwakwikala nawe umutende. 15Muti ukupupuzya kwa Mfumu yitu aluli longo lwinu ukuti musuke mutontolokwe ngamwize mutulwe ndimuno umwanawitu e Pauli wawawalichizile, ukulingana nama no yano Lea wamupile. 16Mwewakalata wakwe wonsi, wane akawawalichila avino akataka. Muli ivintu vimwi ivitale mwe wakalata wakwe vino imbulisi zyawantu wane watamanya chiwi wakutwala mwalwe, ndivino wakachita namazwi yanjinye yano yali mumawaliko matele. Wakayiletelela ukulowa.
17Ukuwa mwenji, wakundwe wane, mwamanya choo kali, Chenjelani, alyakuti mutize musovwe nawantu wane watamanya amasundo mupone mufume muno mwimilila. 18Ukuwa muwalandalila ukukulila munkumbu-nkumbu namukumanya Imfumu yitu swinya e Katula e Yesu Klistu. Kwakwe weliwe kuwe ukuchindamikwa, kanonzi namanda yonsi! Amen.
Currently Selected:
2 Peter 3: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
