1 John 1
1
Izwi lyawumi
1Tukuwawalichila ivyizwi lyawumi, lino lyalandalila ukufumilila pakutalika; twalyivwa, twalilola naminso yitu: molimonye, twalilola, namakasa yitu yalemile. 2Walile pano uwuminye waloleka, atuwulola; achaleka tukavwanga ivyawumi atuwanena ivyawumi wamuyayaya wuno walinji nu Mukwasi awumanyikwa kwesweswe. 3Chino twalola twivwa nukwivwa achino namwenye tukawanena, alyakuti namwe muyisanzye muwunyina wuno tuli nawo nu Mukwasi nu Mwanakwe e Yesu Klistu. 4Tukuwawalichila ivintu vyonye-vyoo alyakuti ichimwemwe chitu chikule.
Leza alukozyo
5Yaa amazwi yano twivwa ku Mwanakwe yano naswe tukuwanena tukuti, Leza alukozyo mwakwe weliwe musi imfinzi. 6Achaleka, nditukuti tuli nuwunyina apaliponga nawe, ukuwa atulanga mbali tukupita mumfinzi, ayatela amazwi yitu ayawufi nimilimo yitunye ayavye. 7Ukuwa nditukupita mulukozyo—ndivino nawe ali mulukozyo—peni yetuli nuwunyina uwuliwonga swensi, nuwazi wakwe Yesu, Umwanakwe, wukatuswefya kuluwembu lonsi.
8Nditukuti tusi nuluwembu, atutela tukuyiwipa nukusimichila kusi mwakwe sweswe. 9Nditukuzumila uluwembu lwitu kwe Leza, aliyizuka ilayilizyo lyakwe achite chino chiyine: alitutetela uluwembu lwitu nukutuswefya kuwuwipe witu. 10Nditukuti tutawembuka, atutela tukuti Leza wechawufi, nizwi lyakwe alitela lisi mwakwe sweswe.
Currently Selected:
1 John 1: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
