2 John 1
1
1E kalata wee wawalisilwe nusongo wi Klezia—Kumukundwe wane eyangu nawanakwe, wane nakundisya numwezo wonsi. Nsanene nenga, ukuwa nawonsi wane wamanya ukusimichila wawakunda, 2amuno ukusimichila kuli mwakwe sweswe swinya kuliwawa naswe penape.
3Sivyo e Leza e Tata nu Yesu Klistu, Umwana wa Mukwasi awatufwila inkumbu nuluse numutende awatulola nulukundo lwakusimichila.
Ulukundo lwakusimichila
4Nalinji nichimwemwe wuli pano nazanile awanako wamwi wakupita mukusimichila, ndimuno twapochelezile isundo ku Mukwasi. 5Kanonzi kaa, nkulambilizya, mukundwe yangu: twazipila tukundane swensi. Lyoo lisi alisundo-pya lino nakuwalichila; ukuwa alisundo lino twalinji nalyo ukufumilila kali. 6Ulukundo luno nkutaka alwakuti tuwakwikala mbali nukutontela isundo lyakwe Leza. Lyoo alisundo ilyakuti muwakwikala mulukundo, ndimuno mwivwizile napakutalikanye.
7Wakachenjezya wavule wasatila munsi, wane wasizumila kuno Yesu Klistu wizile ngati amulawa. Uwamwatanye wowo ateta wekachenjezya swinya amulwani wakwe Klistu. 8Achaleka, chenjelanji, alyakuti mutize musovye ivintu vino mwachulila, ukuwa mwize mupochelele ichilambu chikulu.
9Wensi wino asitima nimisambilizizye yakwe Klistu, akakonjelezya ivyakwe, asi nu Leza, Wensi wino akatima nimisambilizizye yoyonye ali nu Mukwasi nu Mwananye. 10Ndi wumwi wiza kwemwemwe nanti sambilizyo lyolyonye, mutize mumupochelele mung'anda zinu; swinya kusi kwezya amumunena amuti, Umutende wuwe nawe. 11Amuno wensi wino akumupepela umutende atela akwankana nawe imilimo yakwe imiwipe.
Amazwi yakupelelechezya
12Indi nivintu vivule ivyakuwawalichila, ukuwa ntanga mbalike pekalata nuwizyo; nkani-nkani, nkulondesya ukwiza wasyungula nukuvwanzyania ichilungampumi, alyakuti swensinye ponga twize tusechele nkani.
13Awana wamunyonko wawalamuka.
Currently Selected:
2 John 1: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
