2 Wakorinte 13
13
Uwusoche nukulayana kwakupelelechezya
1Kanonzi yoo yawa ampindi yachititatu ukwiza kwemwemwe mukuwasyungula. Umulandu wonsi wazipila awuwa nawakalola wawili pamwi watatu—ndimuno Amawaliko Matele yavwanjila. 2Nkulonda ukuwanena wane wawembusile kali, nawanji wonsi; ndimuno navwanjizile kali, pano nizile mukuwasyungula impindi yachitiwili, ukuwa nandi nyochelele mvwange swinya pano nsipo: ndi nizaniza swinya ntaliyiza mbaleke. 3Apano mulipanichisya kuno we Klistu awino akuvwanjila mwakwe nene. Ndi akuchita chimwi kwemwemwe ye kusi akutontechela; ukuwa atela akulanjizya amaka yakwe mwakwe mwemwe. 4Amuno chingatenga amuwutonte amuno wakomezilwe pawuchingane, lelo ali nuwumi muno amaka yakwe Leza. Awuliwonganye naswenye swewatontechele wakwe weliwe; ukuwa ndi twiza twawa apaliponga namwe, tuliwa nuwumi muno amaka yakwe Leza.
5Muwatela amuyelezya mwewencho amuyipanzya nukuyipanzya, amuyilola
ndi mukwikala mwisuwilo. Awenche mwamanya kuno Klistu Yesu ali mwakwe mwemwe?—suka ndi mwewampotwa. 6Ukuwa nkusuwila kuno mwandi mumanye kuno tusi swewampotwa. 7Kanonzi tukupepa kwe Leza ukuti mutize muwachita uwuwi wumwi lisi alyakuti tumanye kuno twachita ichete, ukuwa alyakuti muwachita chino achiyane, chingatenga tungawa ngati swewampotwa, 8Amuno tutanga tuchitile ukusimichila uluwi nkandi ukuchita ukusimichilanye. 9Tukusechela pano swewatontechele ndimwenji mwewawome. Achaleka tukupepa ukuti mulale mwafika napakafiko. 10Muno achonyechoo achaleka nkuwawalichila pano insi namwe; alyakuti ndi niza-niza ntize njize imbe nuwukali pakuwombela amaka yano Imfumu yampa—amaka yakuwazenjela, yasi ayakuwamongolela.
11Aleni, nawawitu, tusyalile! Lwilanji uwulungamane; munjivwe chino nkutaka; muwakundana, amulanga muli umutende. Nga e Leza walukundo awawa namwe, umutende.
12Lamukananji mbali nukukukulana muwunyina.
Awantu wakwe Leza wonsi wakuwalamuka.
13Inkumbu-nkumbu zya Mfumu e Yesu Klistu, nulukundo lwakwe Leza, nukusanzinkana kwakwe Muzimu Mwimichile viwawa namwe mwensi.
Currently Selected:
2 Wakorinte 13: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
