2 Wakorinte 12
12
ivilolwa vyakwe Pauli nukuwumbulika kwakwe vyolivyo
1Kande njiwanzye, chingatenga mukuyiwanzya musifungula chimwi. Ukuwa kantele mvwange ivilolwa nivyakuwumbulika vino Imfumu yandanjizya. 2Namanya umwina Klistu wumwi wino papita imyaka ikumi nimyaka yini pano wasompozilwe atwalwa mwiyulu (ntamanya ndi nachawuzimanye choo chachisilwe, pamwi ndi nche chalinji achilolwa chamelengania matupu—wino wamanya we Leza). 3Nkunyochelela nkuti: namanya kuno umuntunye weyo wasompozilwe atwalwa mu Paradise (swinyanye, ntamanya ndi nachawuzimanye choo chachisilwe, pamwi ndi inche chalinji achilolwa chamelengania—wino wamanya we Leza), 4kokonye akuno wivwile ivintu vino vitanga vivwangwe, ivintu vino imilomo—yamulawa itanga ivwange. 5Achaleka nandi ndayilumvizya umuntunye weyo-ukuwa ntandi ndayilumvya Palwane nenga, suka ndi akuvintu vyawutontechele wane. 6Amuno ndi nati ndayilumvya, ntandi imbe nemutumpe, amuno nandi ndavwanga ivyakusimichila. Ukuwa ntandi ndayilumvya, amuno nsinakulonda ukuti umuntu wumwi awanjelenganizizya ukulusye muno nawela uku'usye muno wandolela namuno nkavwanjila.
7Ukuwa alyakuti ntize ntutumuke nichilumba muno avintu vivule ivyakuzungusya vino naweni, nalinji nuwulumila wakumuwili nkaninye, wuno wuli ngati antumi yakwe Satana iyakunjuma nukumputula ivikanza. 8Muno achonye-choo, napefile ku Mfumu impindi zitatu zyonsi indambilizya ukuti achifumye, 9Ukuwa antolelela ati, Nakufwila inkumbu inkupe amaka; amuno yeni yakalambana nkani ndi watonta. lndi nichimwemwe kutaluvile, kuchilumba chawutonte wane, alyakuti njivwe mumuwili wane kuno nachinjililwa na maka yakwe Klistu. 10Muno we Klistu nkuzumilizya kuwutontechele wane nukukwelengulwa, nintazi, nukuvimba, namatamyo. Muno mukutontechelanye, akuli kuwoma kuno nawoma.
E Pauli apecbela awina Korinte
11Indi ngati nemutumpe—ukuwa mwemwenye mwaleka indi wowonye. Mwemwenye amwewantu mwazipizile ukumbanzya. Amuno naponye ndi nechavye, insi nechavye nkani kutupostile twinu toto. 12ivimanyilo vyakupanichisya uwupostile wane vyachisilwe nuwuchimyamya mwakwe mwemwe; kwalinji ivimanyilo nivizunguko nivyamayele. 13Ngamwenji mwachichilizizwe nuwuwipe wuli ukulusye ama Klezia yanji, suka muno ntatela mpechele mvwambe ukwavwilizwa kumwi kwakwe mwemwe? Mvililani nazina!
14Kanonzi yoo yawa ampindi yachititatu yino nkulonda ukuti njize mbalole—swinya ntaliyiza ukuti njize ndalonda vimwi kwemwemwe. Nkulonda mwemwenye ampela, indalama zinu pole. Amuno fwandi awana watazipila ukusengulila awakwasi chimwi, nkandi awakwasi ukusengulila awana wawo. 15Ndikunda nkaninye ukusumba ivyane vyonsi, swinya nukuyipa nemwenecho, alyakuti mbavwe. Wuzye mwenji mulilanga mwankunda katichi pano nenji nawakundisya nkani?
16Ukuwa mwandi muzumile, kuno ntatela mbavune. Ukuwa wumwi angati, Nalinji nemuchenjele mbatumpika numuchenjelo wawufi. 17Nganawachenjezizye wuli? Wuzye nawachichilizizye pano natumile itumi kwe mwemwe? 18Nalambilizizye Taitasi ukuti ayize, apaliponga numwanawitu umwina Klistu muwuye. Wuzye mukuti Taitasi wawachenjezizye chimwi? Wuzye e Taitasi-nye weyo nanti tusizumilizyania nukuwomba ivilivyonga?
19Wuzye mukwelengania mukuti impindinye yoo yonsi mukuti tukwelezya ukuyitula awowo kwemwemwe. Awe! Tukuvwanjila ndimuno Klistu angaleka tuvwanjile, pankolelo pakwe Leza, wakundwe, nga vyonsi vino tukuchita, avyakuwapa insimpo. 20Amuno nkutina alyakuti pano nizaniza njize mbazane musi ndimuno nkulondela nani munzane insi ndimuno mukulondela. Nkutina ukwizazana imponzela nuwuzuwa, ukuvitwa, ukuyikunda, umukwelengula, nulwambo, ichilumba numuzukuzuku, 21nukutina ukuti ndiniza niza swinya Leza wane anchefye pakwe mwemwe, ndalosya awavule wane wawembuka kali ukuwa nanti kutontolokwa kuvyakukombezya vino wachita, nakuwuzelele nimilimo yanyengwa zyano imbipe.
Currently Selected:
2 Wakorinte 12: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
