1 Timothy 6
6
1Lekani wonsi wano awawomvi wawuzya wamanya wamanye kuno chayana ukuchindika wayisikulu mwakwe vyonsi, alyakuti kutize kuwe wamwi awakuvwanjila izina lyakwe Leza nimisambilizizye yitu uluwi. 2Nawazya wano wali nawayisikulu awasuwizi watazipila ukuwakwelengula amuno awanyina nawanyina. Ukuwa wawapyunjila ukulutilizya, amuno wane wakasechela nimilimo yino wakawawombela awasuwizi wane wakunda.
Imisambilizizye yawufi ninsawo yakusimichila
Wazipila uwasambilizya nukuwizya ivintunye vyoo. 3Wensi wino akusambilizya imisambilizizye yinji wakana ukuzumila amazwi ya Mfumu yitu e Yesu Klistu wakana nimisambilizizye yitu iyamazwi yakwe Leza 4atela akayitutuwalika nichilumba atamanya nanti chimwi. Wakunda imipanzi namazwi yampokoto, vino vikaleta uwuzuwa, ulombwa, ikwelengulo nintusi, namelengania mawipe, 5imipanzi yawantu watumpe yino isi nukusimichila kumwi. Wano wakakwelengania kuno umulimo wawuleza awilonka.
6Ukuwa kweni, uwuleza wukachindamika umuntu nkani, ndi achino watima nachino ali nacho. 7Ngamunsi moo twizile nachani? Nanti chongachonga! Nga pakufuma munsi moo peni tungasenda chani? Nichili-woo! 8Achaleka fwandi, ndi tuli nichakulya nivizwalo, tuwatima navyovyonye. 9Ukuwa wano wakulonda ukuwa ninsawo wakaponela mukwelezwa wanyepwa kuvipingo vivule ivyawutumpe nukulonda kuwipe kuno kukakonona awantu, akuwalovya, 10Amuno ukukunda kwandalama amusinda waluwembu. Wamwi walondesyanga indalama nkaninye azileka wavungula aziwafumya mwisuwilo kanonzi wayiponda wayisonkontela namalanda mavule mumyezo yawo.
Ukuchinchizya
11Ukuwa wenji, wemuntu wakwe Leza, lewukanga ivintunye vyoo. Lwilanga uwulungamane, uwuleza, isuwilo, ulukundo, ukuzizimichizya, nuwuchimyamya, 12Samalisyanga uluwilo Iwisuwilo, ngapano uzane uwumi wamuyayaya; amuno awuminye woo wuno Leza wakwitizile mwenemo uzumilizya nukuzumilizya isuwilo lyako paminso yakwe wakalolawavule. 13Nkukukomelezezya paminso yakwe Leza, wino akupanga uwumi ku vintu vyonsi, napankolelo pakwe Klistu Yesu, wino wapanichisizye ukuzumila kuzima pakwe Pontiyo Pilato; 14tontelanga vyonsi ichete vino wakomelezwa nanti nzyoto nanti kasinza kamwi, wusuke uwanda wakwiza kwa Mfumu yitu e Yesu Klistu wize-wize. 15Ukwiza kwakwe kulifiswa pampindi nzipile yino Leza wayania, e Leza umupepwe swinya we Kapanzya wino a Mfumu yazyamfumu swinya Mukankala wawakankala. 16Weliwenye wenga-nsu awamuyayaya; akwikalanga mukuswepa kuntapalamilwa. Wino wumwi asitela amulole, swinya nanti akumulola atalitela amulole. Wazipila ukuchindamikwa nukuwa na maka pe-napet Amen.
17Sundanga wane wali numuzano wamunsi wampindi yakanonzi ukuti watize wawawa nichilumba, nanti akulolelela, pamuzano wuntafuma chumi, ukuwa walolelela kwakwe Leza, wino akatupa ivintu vyonsi nkaninye ivyakutusechelesya. 18Wasundange wachita ichete, alyakuti wachindame mumilimo mizima, wawawa ninkumbu ukupa wanji. 19Wayisengulile insawo iwe alufula luwome kumpindi yino ikwiza. Apano walizana uwumi wakusimichila.
20We Timoti, ulemasye chino chapwa kwakwe wewe. Ufuntuke kuwuwelewele wavye nakukuvwanga kuwipe nimipanzi yino wakutanji anjelu, 21Amuno ukumanyanye koko akuli kuno wamwi wakutanji wawotoka, ukuwa muno achochonye wasowa inzila yisuwilo.
Inkumbu-nkumbu ziwe namwe mwensi.
Currently Selected:
1 Timothy 6: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
