1 Timothy 5
5
Ivyakuwombela awasuwizi
1Utize uwakalipila wasongo, ukuwa uwawavwanzya ngati awaso. Nawo awalumendo uwawavwanzya ngati awazuna wako, 2awanachi wasongo ngati awanyoko, nawakazyana ngati ankazi zyako, nuwuzima wonsi.
3Chindikanga awanachi wafwilwe awalume wano nachawuzimanye wafwilwa. 4Ukuwa ndi umwanachi mufwilwe umulume ali nawanakwe pamwi awizikulu, uleka wawonye awano awatela awasambilila ukuwachitila imilimo mrzima iyawu-Leza ngandi wakuchitila awakwasi nawanyinakulu wowonye awatela wakuwasalifya, amuno chochonye achino Leza wakunda. 5Ukuwa umwanachi wino wafwilwa umulume, wino asi nawumwi uwakumusunga, weni akalolela kwakwe Leza mbali nukulandalila ukupepa nukumulenga uwusiku numusanya. 6Ukuwa umwanachi mufwilwe umulume wino akachita ivyakuyisechelesya kwakwe, weni wafwa kali, chingatenga achili amupuma, 7Wakomelezyange wonye-woo alyakuti wumwi atize awawasumbichila. 8Ukuwa ndi umuntu wumwi wakana ukupechela inko zyakwe, nkani-nkani awachiwanza chakwe, atela wakana isuwilo swinya atela achiswaswa chavye.
9Utize uwawalika amazina yawanachi wafwile awalume mwekalata wawafwilwe suka wino imyaka yakwe ilusizye pamakumi mutanda. Swinya suka wino watwitwe kumonsi wenga, 10wino ululumbi lwakwe nimilimo yakwe arruzrma; umwanachi wino wakuzya awanakwe ichete, wino wapochelanga awantu mung'anda yakwe wino wapwizyanga amatamba yawantu wakwe Leza, wino wavwanga wane wali mumatamyo, wino wachitanga imilimo mizima vonsi.
11Ukuwa utize uwawalika awanachi wafwilwe awalume wane wachili awatichi; muno ndi inyengwa yawo yawapatichizya ukuti watwalwe, wakakawuchila nu Klistu-nye, 12nga awasekwa muno wonona ilayilizyo lyawo ilyakutalika lino walayilizizye Klistu. 13Swinya awasambilila ukusweswetasweta muzyang'anda; awalutilizya napapo, awawa awakwakwa, awawa awakata, awavwanga vino vitayana ukuvwanga. 14Achaleka chazipa ukuti awanachi wafwilwe awalume pano wachili awatichi awatwalwa swinya, awakwata awana, awasunga ing'anda zyawo, alyakuti tutize twiyulile awalwani umwenko wakututaka uluwi. 15Amuno awanachi wafwilwe awalume wamwi wapenuchila kwe Satana kali. 16Ukuwa ndi kuli umwanachi, wumwi umu Klistu wino ali nawanachi wafwilwe awalume pachiwanza chakwe, wazipila alanga akuwasunga, nanti kutayila ichisendonye choo kwi Klezia, alyakuti ikleziya lisyale likusunga wane wasi na wakuwavwa.
17Lekani wasongo wane wakawomba imilimo mizima iyakukolelela wanji wachindikwe nkani, nkani-nkani wane wakawombesya mbali nukuwizya nukusambilizya. 18Amuno Amawaliko Matele yavwanga yati, Utize uwanyepa umulomo wankambaku pano ikulyatanjila amalezi yakupula, swinya yavwanga yati, Umuwomvi akalambulwa. 19Utize uwakwivwa ukwambwa kwakwe songo wumwi suka ndi akwakwe wakalola wawili pamwi watatu. 20Uwakalipila wonsi wano wakuwembuka pankolelo pawantu wonsi, alyakuti wanji wangatina.
21Inkukukomelezezya paminso yakwe Leza, napaminso yakwe Klistu Yesu, napawangeli wakwe awatele, uwachita wonye-woo nanti kuyumbila mbali nanti akuvwanjila wumwi muchintu chimwi. 22Utalwilichila ukuwika amakasa pamuntu wumwi kukumulasika kumulimo wa Mfumu. Utize uwayisazya kuluwembu lwakwe wanji; wenji yisungange nuwuzima.
23We Timoti, utize uwang'wa aminzi matupu, ukuwa uwang'wa ipala tichi alyakuti liwakwavwilizya munda yako, amuno ukulwalalwala.
24Uluwembu lwawantu wamwi lwawa palwenze, swinya uluwembu lwawo lukakolela kukuya mukupanzwa: ukuwa uluwembu lwakwe wanji lukamanyikwa pansizi. 25Awowonye avino imilimo mizima yimwi ikaloleka ichete, nanti ayino isiloleka zuwa itanga ivwame.
Currently Selected:
1 Timothy 5: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
