1 Thessalonians 4

Imiwele mizima yino ikasechelesya Leza

1Ichakupelelechezya, wanawitu, twawanenile vino mwazipila ukwikala nga muwasechelesya Leza. Molimonye, avino muli. Kanonzi tukuwalambilizya mbali nukuwakomelezya, mwizina lya Mfumu e Yesu, ukuti mulandalile mulutilizye. 2Amuno mwamanya amasundo yano twawasundizile mumaka ya Mfumu e Yesu. 3Konye-koo akuli kulonda kwakwe Leza: kuno akulonda ukuti muwe mwewatele muleke uwuzelele. 4Wila muntu uwakwe mwemwe wazipila ukutwala umuchi muwutele numwata wamuchinzi, 5nanti kumbuchila wipe, ndivino amakandi wane watamanya Leza wakachita. 6Wumwi atize awafyenga umuwuye pamwi awamuchenjezya. Twawanena ichamwatanye woo kali, twawasochela nkaninye, kuno Imfumu e Leza alisunda wonsi wane wakachita ivyamwatanye woo. 7Leza atatwitila mukuzenkenta, ukuwa watwitila muwutele. 8Achaleka fwandi, wensi wino wakana ukupochelela imisambilizizyenye yoo atela as inakususya umuntu wumwi, nkandi Leza, wino akuwapanga Umuzimu wakwe Uwutele.

9Kuvyalukundo lwawunyina, wumwi atanga awafwa nukuwawalichila. Amuno mwemwenye nalwinu mwasambilizwa nu Leza ukuti muwakundana. 10Chino namwenye avino mukachita kuwana witu wonsi awa mwe Makedonia. Achaleka, wanawitu, tukuwalambilizya, ukuti mulandalile mulutilizye napaponye. 11Mwenji muwatekana, amulanga mukuwomba imilimo yinu, nga amupochelela chino mungalya, ndimuno twawanenezilenye. 12Ndi mwati muwachita wowonye apano mungatonsya wonsi wane wasi awasuwizi, alyakuti mutize muwakumbuchila kumuntu wumwi.

Ukwiza kwa Mfumu

13Wanawitu, tukasi mumanye ichakusimichila kuvyakwe wane wafwa, ukuti mutize muwawa namalanda, ndivino wane wasi nukulolela. 14Amuno twasuwila kuno e Yesu wafwile anyoka zyulupuka; achaleka tuli nisuwilo lyakuti Leza alileta apaliponga nu Yesu wano wafwila nisuwilo mwakwe weliwe.

15Lyoo alisambilizyo lya Mfumu lino tukuwanene: swensi tulilanga tuli nuwumi pane Imfumu yiza-yiza tutalitanjilila wane wafwa wakolela. 16Amuno Imfumu nalwakwe iliyika mwiyulu, nukupunda nizwi kulu ilyantumi, swinya nukulila kwankang'ang'ombe yakwe Leza, ngawano wafwila mwakwe Klistu walitalichila ukuzyulupuka; 17ngapano sweswe swewapuma mumpindinye yoyo tuluwunganikwa apaliponga nawo mumawingo twize tusunkanie Imfumu mulwelele. Ngapano twize tuwakwikala ni Mfumu penye. 18Achaleka, fwandi, sansamusyanianji namazwi yanye-yaa.

Currently Selected:

1 Thessalonians 4: WWN82

Highlight

Copy

Compare