1 Thessalonians 1
1
1E kalata wee wafuma kwe Pauli nu Sayilasi nga nu Timoti— Ku wantu wi Klezia lyakwe Tesalonika, awantu wakwe Leza e Tata ni Mfumu e Yesu Klistu:
Sivyo amupochelela inkumbu-nkumbu numutende.
Imiwele nisuwilo lya wa Tesalonika
2Tukawasalifizya kwe Leza mwensi penye, atulanga tukuwataka mumapepo yitu. 3Penye tukakwizuka pankolelo pakwe e Leza witu e Tata, vino ulukundo lwinu lwaleka mukuwombesya, nga swinya vino ukulolela kwinu mu Mfumu yitu e Yesu kwasimpisya. 4Wanawitu, twamanya kuno Leza wawakunda swinya wawasola ukuti muwe mwewantu wakwe. 5Amuno tutawaletezile Ilandwe zima mumazwi matupu, ukuwa namaka nu Muzimu Mwimichile, mbali nukusimichila konsi. Mwamanya imiwele yitu yino twalinji nayo pano twalinji swensi; muno twalondanga ukuwavwa. 6Namwenye mwatukolinie amukolania ni Mfumu amuwa ndivino twalinji; chingatenga mwayimbanga nkaninye, lelo naponye mwapochelezile amazwi nichimwemwe chino Muzimu Mwimichile wawapile. 7Amuwa mwechilolelo kuwasuwizi wonsi wane wali mwe Makedonia namunsi yawa Griki. 8Amuno amazwi ya Mfumu yafuma kwemwemwe yasatila mwe Makedonia namunsi yawa Griki, lelo musi amomo mutupu ukuwa amazwi yisuwilo lino mwakwe Leza yasatila konsi-konsi. Achaleka, swenji tusi nichakuvwanga chimwi swinya. 9Amuno awantunye wawo wonsi wakulongola vino watupochelezile pano twizile atuwasyungula, nakuno mwatayilizizye amakolania amuya kwe Leza, amuya mukupakata e Leza wakusimichila e Leza mumi 10nga mukulindilila Umwanakwe ukufuma mwiyulu Umwana kwenyee Yesu, wino wamuzyu—lupuzile kuwafwe, wino akatufyusya kuwukali wakwe Leza wuno wuliyiza.
Currently Selected:
1 Thessalonians 1: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
