1 Peter 5
5
Uwufyo wakwe Leza
1Nkulambilizya wasongo wi Klezia, wane naninye nesongo muwuyeo Nekalola wakuyimba kwakwe Klistu, nemutikani muwukankala wuno wuliyiza. Nkuwalambilizya nkuti, 2Muwe mwewachemi wawufyo wakwe Leza wuno wawapa, muwawusayila ichetechete, muwawusayila ndimuno Leza akalondela, mutize muwalechelezya. Wombanji umulimo winu, kukulambulwa pole, ukuwa muwawomba nimyezo yinu yonsi. 3Mutize muwakwilichizya wane mwalemekwa ukuwasunga, ukuwa muwe mwevilolelo vyawufyo. 4Nga ndi Umuchemi mukulu wiza-wiza, mwize mupochelele akamba kakuchindamikwa kano kasiwanda.
5Namwenye, mwewalumendo tontelanji wasongo. Mwensinye muzwale ichizwalo chakuyichefya, muwawombelana; amuno amawaliko matele yavwanga yati, Leza akakanuzya awavilumba, akafwila inkumbu wane wakayichefya. 6Achaleka aleni fwandi, yichefyanji mumakasa yakwe Leza ayamaka, alyakuti ayize awakuzye pampindi yakwe inzima. 7Muwamutulila ukusaya kwinu konsi, amuno akawasayila.
8Pampukani, muchenjele nukuchenjela! Umulwani winu, e Satana, akupita-pita nukuwuluma ngati achimbwi, akuvwamba uwakuti amuzowole. 9Simpani mwisuwilo linu mumukanuzye, amuno mwamanya kuno awasuwizi wawuyo wano wali munsi yonsi wakaponelwa nukuyimba kwamwatanye woo. 10Ukuwa mwala mwayimba impindi ntichi, e Leza wankumbu mvule, wino akuwitanga mwemwe ukuti muwe mwewatikani apaliponga nu Klistu mukuchindamwikwa kwakwe ukwamuyayaya awino aliwaswefya, aleke muwe ninsimpo, namaka, muwe mulufula lwenecho. 11Kwakwe weliwe kuwawa amaka mantasila!
Umulamu wakupelelechezya
12E Sayilasi umwanawitu musuwilwa awino wambalichila e kalatanye wee umufupi wino nawatumila. Amuno nkulonda ukuwachinchizya nukuwapanichisizya kuno inkumbunye zyoo izyakwe Leza azyakusimichila. Simpani mwakwe zyolizyo.
13Iklezia lino lili mwe Babeloni, lino lyasolwa nu Leza, nalyonye likuwalamuka, nu Marko-nye umwanane akuwalamuka. 14Lamukanani mukukulane nukukukulana mbali nukukundana mwakwe Klistu.
Sivyo umutende wuwe namwe mwensi mwewantu mwewakwe Klistu.
Currently Selected:
1 Peter 5: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
