1 Peter 1
1
1E kalata wee wafuma kwe Peter, umupostile wakwe Yesu KlistuKuwantu wasolwa nu Leza wano wasatila mwalwe munsi zyamwe Pontu, Galatiya, Kapadokiya, Asia, namwe Bituniya. 2Mwewantu mwasozilwe nukulonda kwakwe Leza Umukwasi, mwewantu mwimichilwa nu Muzimu wakwe, ukuti muwatontela Yesu Klistu mupwizwe nuwazi wakwe.
Sivyo inkumbu-nkumbu numutende viwavula nkani mwakwe mwemwe.
Ukulolela kwakusimichila
3Saleni tuwachindika e Leza Umukwasi wa Mfumu yitu e Yesu Klistu! wino kunkumbu zyakwe inkulu watupa uwumi wupya pakutukatusinzya Yesu Klistu kumfwa. Tuli nukulolela kwakusimichila, 4achaleka tukulolela ivizima vikulu vino Leza wayanizya awantu wakwe, vino wawasengulila mwiyulu, kuno kusi ukuwola nanti akononeka nanti akuchuchuka. 5ivizima vyovyonye avinu, mwe wantu Leza aliwawasunga namaka yakwe muno alisuwilo linu, nukuwafisya kwitulwalino liliwumbulika pampindi yakupelelechezya.
6Achaleka zewelanji nkaninye, chingatenga kanonzi mwazipila ukufwilimana kumpindi ntichi muno akwelezwa nukuyimvwa kuvule. 7Vyonye-vyoo avyakupanichisya kuno isuwilo linu alyakusimichila. Amuno nanti we golidenye, wino angononwa, akakwelezwa mumulilo; awowonye avino namwe isuwilo linu likakwelezwa, lino lyakula lyalusya e golide, alyakuti lisimpe. Apano mulipochelela uwukankala nukuchindikwa nukulumbililwa pawanda wuno Yesu Klistu wiza waloleka. 8Chingatenga musitela mumulole, ukuwa mwamukunda. Mwamusuwila, chingatenga musinakumulola kanonzi. Achaleka mukasechela nichimwemwe chikulu ichakuchindamikwa, chisi chakutaka, 9amuno mukapochelela chino mwasuwilila, ikomolwa lyamyezo yinu.
10Muno alikomolwanye lyoo alino awatumwa wavwambisyanga nukuwuzichisya nkaninye; achaleka watumilwe ivyachawila chino Leza wanga awape. 11Welezizye ukuvwambilizya ukuti wamanye impindi yikomolwa pano iliyizila, navino liliyiza. Impindinye yoyo ayino Umuzimu wakwe Klistu wuno walinji mwakwe woliwo watasile pano Umuzimu wawumbuzile ukuyimba kuno, Klistu wanga yimbe swinya nukuwumbula ukuchindamikwa kuno kwanga kwize pansizi. 12Leza wawumbulizile awatumwanye waa kuno watayiwombelanga umulimo, ukuwa wawombelanga mwemwe, pane wavwanganga ivintunye vyoo vino mukwivwa kanonzi kuntumi zyilandwe zima. Zino zyawumbulilanga mumaka ya Muzimu Mwimichile wuno wafumile mwiyulu. Vyovyonye avino nawangelinye wangalonda ukwivwa.
Imyikalile mizima iyakusechesya Leza
13Achaleka fwandi aleni, kanonzi pampukani. Mutapwelelechela muwalolela ukupepwa kuno mulipepwa pano Yesu Klistu aliwumbulika. 14Muwatontela Leza, mutize muwe nimiwele yino mwalinji nayo pane mwachilinji ukwiluka. 15Ukuwa, muwachita ivintu vyonsi ichete, muwe mwewatele ndivino e Leza wino wawita mwemwe. 16Amawaliko Matele yati, Mule muwe mwewatele, amuno nenji nemutele.
17Mukula pano mukupepa kwe Leza, mukumwitanga mukuti Tata, e Leza wino akupanzyanga awantu wonsi uwuliwonga, ndimuno imilimo yawo yawela; achaleka fwandi namwenye, pane muli munsi moo muwe nakakope pakwe weliwe. 18Amuno mwamanya chino chalifilwe ukuti mukululwe mufume mumiwele yawulanzi wuwipe wuno wasokulu walinji nawo. Chisi ndivino ichintu chimwi chino chikakononeka, ndivino silivara pamwi e golide; 19ukuwa mwakomozilwe ninzuwi yawuzi wukulu yino we Klistu. Walinji ngati amwanang'onzi wino asi nindema nanti alinzyoto. 20Wimichizilwe nu Leza ukufumilila kuluwandi lwansi, ukuwa walanjizizwe mumpindi zyoo zyakupelelechezya amuno amwemwe. 21Mwakwe weliwenye amuno mukasuwilila Leza, wino wamuzyulupuzile kumfwa amuchindamika; achaleka nisuwilo linu nukulolela kwinu mwapanga aminso pakwe Leza.
22Achaleka vino kanonzi mwatontela ichakusimichila chino mwivwa mwayiswefya mwawa mwewantu-wantu awakusimichila awakukundana, kundananji nimyezo yinu yonsi. 23Muno alizwi lyawumi lyamuyayaya ilyakwe Leza mwakwatwa swinya ndivino awana wane umukwasi wawo akalandila, nanti kufwa. 24Ndivino amawaliko matele yavwanga yati,
Awantu wonsi wakolana nisote,
nukuchindamikwa kwawo kuli ngati aliluwa Iyisote.
Isote likakala, namaluwa ayalukuta,
25ukuwa izwi lya Mfumu lyeni alyamuyayaya,
Yaa ayali mazwi yilandwe zima lino mwawililwa.
Currently Selected:
1 Peter 1: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
