Exodo 37
37
Mọꞌ cajón Jenꞌdyes
1Muꞌ Bezaleel jämꞌtyeꞌ mọꞌ cajón Jenꞌdyes jämꞌsiꞌ son acacia. Meꞌquis jämꞌtyeꞌ muꞌ yiris metro yiriꞌtac centimetro moc̣hadyemꞌ, judyeyaꞌ jäbän quiꞌtac ĉanamꞌ centimetro därvedyemꞌ, judyeyaꞌ jäbän quiꞌtac ĉanamꞌ centimetro moc̣hedyemꞌ. 2Fajcheꞌ tyeij oromꞌ judyeyaꞌ ọĉan, judyeyaꞌ fiñeiꞌve oro yụꞌtac sháshadyes mọꞌ. 3Muꞌ jämꞌtacsi vạjpedyeꞌ coꞌtyity oro cạquis son in. Chat peiꞌtac vạjpedyeꞌvedye yuj cajónsiꞌ mọꞌ. Päräꞌ muꞌin yirisve yụꞌtac judyeyaꞌ päräꞌ muꞌin yocve yụꞌtac. 4Muꞌ jämꞌtacsi cạquis son in, son acacia, chat fajcheꞌ tyeij oromꞌ. 5Chat muꞌ yụꞌtacsi mọꞌ cạquis son in coꞌtyityĉan in paj qui joꞌmesyaꞌ cạiꞌ in mọꞌ cajón.
6Muꞌ jämꞌtyeꞌ mọꞌ cajónsiꞌ änꞌtacdyemꞌ yudyej oro. Meꞌquis jämꞌtyeꞌ muꞌ yiris metro yiriꞌtac centimetro moc̣hadyemꞌ, judyeyaꞌ jäbän quiꞌtac ĉanamꞌ centimetro därvedyemꞌ. 7Muꞌ jämꞌtacsi päräꞌ querubin buꞌyity in yudyej oro. Martiryo cash cash jämi. Tätscäiꞌchechemꞌ änꞌtacdyeꞌ yụꞌtacsi. 8Muꞌ jämꞌtacsi yirity tyäväꞌ oro. Muꞌ yirity querubin buꞌyity tätscäiꞌcheꞌ jämꞌte judyeyaꞌ muꞌ yoctyiꞌ yocsiꞌcheꞌ tätscäs. 9Muꞌ jämꞌtacsi muꞌin querubin buꞌyity in vaj vejti in. Judyeyaꞌ jatsaꞌ buꞌyi pavaj muꞌin paj qui juñumchubiꞌ änꞌtacdyeꞌ mọꞌsiꞌ in, mọꞌ jịꞌcavacdyes vayacdyes juchaj mọꞌ.
Jämꞌtac mọꞌ mesa yụꞌtacdyety pan
10Muꞌin jämꞌtyeꞌ mọꞌ mesa jämꞌsiꞌ son acacia. Meꞌquiꞌyaꞌ muꞌin jämꞌtyeꞌ in; arajtac quiꞌtac centimetro moc̣hadyemꞌ judyeyaꞌ vạjpedyeꞌ quiꞌtac ĉanamꞌ centimetro därvedyemꞌ judyeyaꞌ jäbän quiꞌtac ĉanamꞌ centimetro moc̣hedyemꞌ. 11Fajcheꞌ tyeij oromꞌ judyeyaꞌ fiñeiꞌve oro yụꞌtac. 12Chimeꞌ pisve cọtoij mọꞌ mesa muꞌin yụꞌtacsi tavara in q̂uenꞌĉan centimetro mọꞌches. Fajcheꞌ tyeij oro tavaracheꞌ judyeyaꞌ fiñeiꞌve oro yụꞌtac. 13Muꞌin jämꞌtacsi vạjpedyeꞌ coꞌtyity oro cạquis son in. Chat muꞌin peiꞌtacsi yujcheꞌ mesasiꞌ in quipdyivevej in. 14Muꞌin coꞌtyity mọꞌdyes cạquis son in yụꞌtacsi c̣hẹiꞌyaꞌ mọꞌ tavara cọtoij buꞌyis paj qui tupuj c̣hẹiꞌyaꞌ buꞌyi mọꞌin cạquis son in. 15Muꞌin jämꞌtacsi mọꞌin cạquis son mọꞌyaꞌ son acacia chat fajcheꞌ tyeij oro. Mọꞌyaꞌ raꞌ cạiꞌ in mọꞌ mesa. 16Judyeyaꞌ jämꞌtacsi mọꞌin pijiꞌ in judyeyaꞌ tasa in oro. Chimeꞌ jämꞌtacsi oro chojoꞌdacdyes in judyeyaꞌ jäꞌchäs in chojoꞌdacdyes Jenꞌsiꞌ tucdyeꞌ in.
Jämꞌtac mọꞌ yụꞌtaquis vera oro
17Muꞌin jämꞌtyeꞌ yiris mạijyedyes oro Jenꞌsiꞌĉan acaꞌ tinates muꞌ cash cash martiryoyaꞌ jämi. Yirity tyäväꞌ oro jämi mọꞌ; yuj mọꞌ judyeyaꞌ pech mọꞌ, judyeyaꞌ mọꞌin jäꞌchäs jámes mọꞌ, judyeyaꞌ mọꞌin comonꞌsis jámes, judyeyaꞌ mọꞌin aꞌ mọꞌ jámes mọꞌ. 18Muꞌin jämꞌbiꞌ jäbän dacaꞌ mọꞌ, ọ́ve chibin mọꞌve chibin buꞌyiꞌ. 19Judyeyaꞌ jämꞌtacsi chibin jäꞌchäs jámes mọꞌ jeꞌñes jáme almendras mọꞌ. Chimeꞌ mọꞌintum comonꞌsis jámes judyeyaꞌ mọꞌin aꞌ mọꞌ jámes mọꞌ yirischeꞌ raꞌ dacaꞌ mọꞌin. Chichibindye mọꞌyaꞌ yocsiꞌcheꞌ dacaꞌ judyeyaꞌ joꞌmeiꞌmeij raꞌ räj mọꞌin jäbän dacaꞌ in. 20Pechcheꞌ mọꞌyaꞌ vạjpedyeꞌ jäꞌchäs jámes mọꞌ comonꞌsistum jámes judyeyaꞌ mọꞌin aꞌ mọꞌ jámes mọꞌ. 21Yiris comonꞌsis jámes ọĉan buꞌyiꞌ yóyaꞌdyemꞌ shupquiꞌ mọꞌin tashches päräꞌ dacaꞌ o in. Yocsiꞌ comonꞌsis jámes ọĉan buꞌyiꞌ päräꞌsis dacaꞌ in judyeyaꞌ mọꞌ chibinyis comonꞌsis jámes raꞌ ọĉan buꞌyiꞌ chibinyisyaꞌ dacaꞌ in. Jäbän dacaꞌ räjtum in. 22Mọꞌin comonꞌsis jámes in judyeyaꞌ mọꞌin dacaꞌ in jämꞌtac in muꞌyaꞌdye tyäväꞌtyityyaꞌ oro, pech mọꞌ judyeyaꞌ yuj mọꞌ, jämi in yirityyaꞌ oro. Meꞌ buꞌyiꞌ mọꞌ mạijyedyes jämi martiryoyaꞌ.
23Judyeyaꞌ muꞌin jämꞌtacsi yävätidyeꞌ ramparina in mạijyedyes. Chimeꞌ muꞌin jämꞌtacsi muꞌ tätsaquity búmaꞌ ramparinadyety judyeyaꞌ mọꞌin pijiꞌ in. Muꞌin oro jämꞌtacsi räj jedyeꞌ in. 24Muꞌin jämꞌtyeꞌ in mọꞌ mạijyedyes judyeyaꞌ räj yocsiꞌ jedyeꞌ mọꞌsimꞌ oro. Mọꞌ tuputucdyeꞌ oros chibin quiꞌtac ĉanamꞌ quiro.
Jämꞌtac mọꞌ jiꞌcoꞌshayaquis jẹrejres
25Muꞌin jämꞌtyeꞌ mọꞌ jiꞌcoꞌshayaquis jẹrejres son acacia. Muꞌin jämꞌtyeꞌ mọꞌ vaj meꞌquiꞌyaꞌmun moc̣hadyemꞌ judyeyaꞌ chichimecvedye därvedyemꞌ, vạjpedyeꞌ quiꞌtac ĉanamꞌ centimetro mọꞌ judyeyaꞌ arajtac quiꞌtac centimetro moc̣hadyemꞌ. Muꞌin jämꞌtacsi chaꞌraras mọꞌ yirismun jiꞌcoꞌshayaquis jẹrejres. 26Fajcheꞌ tyeij oro mọꞌcheꞌ judyeyaꞌ ovemun judyeyaꞌ chaꞌrarascheꞌ chimeꞌ. Fiñeiꞌve yụꞌte muꞌin oro sháshadyes. 27Muꞌin jämꞌtacsi päräꞌ coꞌtyity oro chat yụꞌtacsi muꞌin yirisve ọĉan mọꞌ sháshadyes. Chimeꞌ jämꞌtacsi vaj joꞌmeiꞌdye yocvedyes, paj qui muꞌinĉan yụꞌtacsi mọꞌin cạquis son in. 28Päräꞌ cạquis son jämꞌtacsi in son acacia, chat fajcheꞌ tyeij oro.
Jämꞌtac mọꞌ aseijte Jenꞌdyes
29Muꞌin jämꞌtyeꞌ chimeꞌ in mọꞌ aseijte Jenꞌdyes. Judyeyaꞌ chimeꞌ mọꞌ jẹrejres Jenꞌsiꞌĉandyes acaꞌ muꞌ. Muꞌin anic chịj jämꞌtyeꞌtyiꞌ jẹrejres in jämꞌtacsi mọꞌin jẹrejres in.
Currently Selected:
Exodo 37: CAS
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
