Tashches Samuel 16
16
David yụꞌtac ayoꞌbuꞌyi
1Ayoꞌ jajiti Samuel:
—¿Junꞌsiꞌ bu raꞌ farajjete dyijtutem uts Saúl mi? Aty vaꞌcactyiꞌ muꞌ jiꞌshupcactyiꞌ ayoꞌbuꞌyedyeꞌĉantyiꞌ, meꞌ dyijyi yụ. Tạij mi Belénĉan jịjcava, Isaí ĉọcme, a nash tsimꞌbiteij yirity ạvaꞌ muꞌ, muꞌ raꞌ yụꞌte yụ ayoꞌbuꞌyidyety. Cạvaꞌ aseijte chojtacdyessiꞌ jịꞌĉocdyes aty yụꞌtac ayoꞌbuꞌyi.
2Samuel vorjete:
—¿Junꞌ buty? Vatyquej raꞌ chị́qui jụijyaꞌ muꞌ Saúl vatyquej raꞌ ijan yụ. Jam tupuj muꞌve yụ.
Vorjajiti Ayoꞌ:
—Banꞌsis raꞌ yiris vaca cạiꞌ mi, chat qui raꞌ yi mi: "Atsij yụ jiꞌcoꞌshayeteꞌ Ayodyes." 3Aty shupquequi jụijyaꞌ muꞌve mi, fayete ramꞌ muꞌ Isaí jiꞌcoꞌshayacdyeꞌyaꞌ. Chat qui raꞌ yụ jéye junꞌ chuc raꞌ mi, yụ raꞌ jéye tyi chuc raꞌ yụꞌte mi ayoꞌbuꞌyidyety —jajiti Jenꞌ.
4Anicdye meꞌ muꞌ Samuel chiquepte p̂eyacdyeꞌ muꞌ, Belénve jịjcaij yóve jajitidyemꞌ Ayoꞌ u. Aty muꞌĉan venjoij, chat muꞌĉantyiꞌdye tashcheꞌ buꞌyity in noiꞌyedyeꞌtum jiꞌrebeĉunꞌte in, ĉaĉaij na jam chịj muꞌin in. Jéte in muꞌ Samuel:
—¿Jedyetuij caꞌ atsij mi? ¿Jämꞌyedyeꞌ caꞌ tuiꞌ mi, areꞌ jam?
5Samuel vorjeyacsi:
—Ọij nash ramꞌ jiꞌcoꞌshayeteij Ayodyes. Jämꞌ yuꞌtiĉamꞌ miꞌin Jenꞌsiꞌyadyes vej muꞌ paj qui penꞌdyetutiĉaꞌ yụ miꞌin jiꞌcoꞌshayacdyeꞌyaꞌ —jéyacsi Samuel.
Chat qui muꞌ Samuel fayacsi muꞌ Isaí räjtumdye ạvaꞌ muꞌ, muꞌ jämꞌ yụꞌtacsi Jenꞌsiꞌyaꞌ vej muꞌ. Aty meꞌsiꞌ jéyacsi paj qui penꞌdyetuteve in jiꞌcoꞌshayacdyeꞌyaꞌ muꞌ. 6Aty venjoij muꞌyaꞌ in muꞌ Samuel cạvete muꞌ Eliab, Isaítyiꞌ ạvaꞌ muꞌ. Yi dyijyi ĉojtyiꞌĉan muꞌ: "Areꞌ uts jatsimꞌtity Jenꞌ ayodyety raꞌ", yi muꞌ, jämꞌtyiꞌ ĉọ́te muꞌ.
7Ayoꞌ jajiti Samuel:
—Yụ jam tsimꞌte muꞌ mochety muntyiꞌ mijam jorojĉansiꞌ jämꞌsiꞌ aꞌ muꞌ, yụ jam jeñej muntyiꞌ in, mọmꞌ chị́yepte in jorojĉansiꞌ aꞌ muꞌ, ĉojtyiꞌĉansiꞌ qui namꞌ dyijyedyemꞌ yụ chị́yepte. Yụ jam tsimꞌte Eliab, muꞌ raꞌ jam ayoꞌbuꞌyi —jajiti muꞌ Jenꞌ Samuel.
8Yoctyiꞌ qui fayaqui ạvaꞌ muꞌ Isaí, Abinadab tịj muꞌ, jịꞌcaveyete Samuel. Samuel jajiti:
—Uts jam Ayoꞌtyiꞌ tsimꞌtactyiꞌ muꞌ.
9Yoctyiꞌ qui jịꞌcaveyete, Sama mus tịj. Samuel jajiti:
—Uts chimeꞌ jam tsimꞌtactyiꞌ Ayoꞌtyiꞌ muꞌ.
10Chat muꞌ jịꞌcavaqui ạvaꞌ muꞌ Isaí, yävätidyeꞌ rụiꞌcuꞌ in, räj muꞌ cạvacsi Samuel. Jajiti Isaí:
—Uts meꞌtum ạvaꞌ mi jam yirity tsimꞌtactyiꞌ Ayoꞌtyiꞌ muꞌ.
11Chimeꞌdye jajiti:
—¿Itŝij caꞌ yoctyiꞌ yiritydyety ạvaꞌ muꞌyaꞌ mi?
Vorjete Isaí:
—Meꞌdyety muꞌ ạvaꞌ yụ jäquity, muꞌ ĉọjcacsity oveca.
Samuel jajiti:
—Jeshaꞌ jäĉajme, jambiꞌ chum raꞌ tsun jiꞌcoꞌshayeꞌ Jenꞌdyes, junꞌ quiꞌ chuc atsij muꞌ.
12Meꞌdye muꞌ Isaí jéyacsi paj qui jäĉajte in chat q̂uinꞌdyemꞌ atsij muꞌ. Anic jämꞌtyiꞌ muꞌ muntyiꞌ, David tịj muꞌ.
Ayoꞌ jajiti muꞌ Samuel:
—Q̂uinꞌ chat raꞌ uts ayoꞌbuꞌyidyety. Tạij, ĉọcme yụꞌme ayodyety, chojjeyeme aseijte.
13Chat qui muꞌ Samuel tapjeꞌ mọꞌ aseijte cạiꞌ chojjeyecte David, jịꞌĉocdyes aty ayoꞌbuꞌyi muꞌ yụꞌtac, cạvaqui vojity in meꞌjete muꞌ. Meꞌĉandye Ayoꞌsiꞌ Ạꞌedyeꞌ muꞌ játŝuti muꞌ David jameꞌchuti vatyquej. Chat caꞌñibun qui muꞌ Samuel Ramáĉan jijtuban.
14Mọꞌ na Ayoꞌsiꞌ Ạꞌedyeꞌ muꞌ jayacchuti muꞌ Saúl, sọyoꞌ qui cächyiꞌ jaĉushdyi mọꞌ, jajutiyitis Ayoꞌ, mọꞌ qui jameꞌti muꞌ Saúl.
Currently Selected:
Tashches Samuel 16: CAS
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
