Tashches Samuel 31
31
Ijacdyeꞌ Saúlsiꞌ judyeyaꞌ ạvaꞌsiꞌ muꞌ
1Quivij muꞌin caꞌñibun in filisteo in, mụcuꞌcheꞌ Gilboacheꞌ, chutidyeij in Israeltyiꞌtum vóshiꞌ in. Daiꞌ ijatidyeij muꞌcheꞌ in Israeltyiꞌ vóshiꞌ in filisteotum in. Muꞌin Israeltyiꞌ vóshiꞌ in ĉaꞌjoij muꞌin in, Saúlmun chimeꞌ ạvaꞌtumdye muꞌ ĉaꞌjoij in. 2Cäc̣henꞌ muꞌin filisteo in jijchacacsi in. Chaꞌshacsi in chibindye ạvaꞌ muꞌ Saúltyiꞌ, tịj muꞌin Jonatán judyeyaꞌ Abinadab judyeyaꞌ Malquisúa, tasdye ijapte in. 3Dadamꞌdye fer siscajcate in muꞌ Saúl penꞌdyeꞌtumdye muꞌ, c̣hiꞌbete in jämꞌ areꞌjete in. 4Yi muꞌ Saúl jéte muꞌ cạiꞌtyiꞌ ijme:
—Jäcvaꞌ machitu mi, yiristum naijjitiꞌ paj qui jam meꞌtyin uts yụ in majmatuvaꞌquin yụ in uts jam chị́yetety Jenꞌ in, paj qui jam muꞌin ijan yụ in —yi muꞌ Saúl.
Muꞌ na cạiꞌtyiꞌ ijme jam junꞌ muꞌ mạꞌjeꞌ ijate muꞌ, irijyi Saúlcheꞌ. Muꞌ qui Saúl ĉụiꞌsiꞌcheꞌ machitu tŝọij jọꞌchaij, ĉụiꞌ ijati. 5Muꞌ cạiꞌtyiꞌ ijme cạvepte Saúlsiꞌ sänꞌdyeꞌ muꞌ, chimeꞌdye muꞌ ĉụiꞌsiꞌcheꞌ tŝọij machitu jọꞌchaij, muꞌtumdye säñi Saúltum. 6Mọꞌdye mạyedyeꞌ muꞌ Saúl säñi chibindye ạvaꞌ muꞌ, judyeyaꞌ chimeꞌ muꞌ cạiꞌtyiꞌ ijme, räjtumdye penꞌdyeꞌ muꞌ.
Currently Selected:
Tashches Samuel 31: CAS
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
