ၵေႃးလေႃးသေး 4
4
1ၸဝ်ႈၶဝ်ဢိူၺ်း၊ မၢတ်ႈတွင်းဝႆႉလွင်ႈဢၼ်ၸဝ်ႈသူ မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉသေလႄႈ ႁဵတ်းတီႈၶႃႈသူ ၵႃႈၼင်ႇဢၼ်မႅၼ်ႈတင်းတြႃးတၢင်းဢၼ်သိုဝ်ႈတေႃႇ ဢိၵ်ႇတင်းတြႃးတၢင်းဢၼ်ၶိုင်ႈၽဵင်ႇၼၼ်ႉတႃႉ။
2ႁဵတ်းတၢင်းဢၼ်ႁဵတ်းသူးတွင်းပထၼႃႇယူႇတႃႇသေႇလႄႈ ဢဝ်တင်းတၢင်းဢၼ်ယွင်ႈယေႃးၵျေးၸူးၸဝ်ႈပႂ်ႉယူႇတႃႉ။- 3ပိူဝ်ႈဢၼ်ၵဝ်လႆႈၶၢမ်ႇတၢင်းဢၼ်မတ်ႉၽုၵ်ႇ ၵွပ်ႈပိူဝ်ႈလွင်ႈတၢင်းဢၼ်လိုၵ်ႉဢၼ်လမ်ႇၸဝ်ႈၶရိၸ်ႈလႄႈ လွင်ႈၼင်ႇႁိုဝ် ၽြႃးပဵၼ်ၸဝ်ႈ တၵ်းၽုၺ်ႇပၼ်ၽၵ်းတူ တီႈတၵ်းႁေႃးလၢတ်ႈတြႃးတီႈၵဝ် ႁႂ်ႈၵဝ်လႆႈႁေႃးလၢတ်ႈတၢင်းဢၼ်လိုၵ်ႉဢၼ်လမ်ႇၼၼ်ႉ၊- 4ဢိၵ်ႇတင်းလွင်ႈၼင်ႇႁိုဝ်ၵဝ်တၵ်းမွၵ်ႇလၢတ်ႈၼႄပျႃး ၵႃႈၼင်ႇဢၼ်ထုၵ်ႇလီႁေႃးလၢတ်ႈ တၢင်းဢၼ်လိုၵ်ႉဢၼ်လမ်ႇၼၼ်ႉၸိုင်၊ ပုၼ်ႈၵဝ်ၵေႃႈသူးတွင်းတႃႉ။
5ထွၵ်ႈလူၺ်ႈၼႃႈၶဝ်ၸိူဝ်းဢၼ် ပဵၼ်ၵူၼ်းၵႃႈၼွၵ်ႈၼၼ်ႉသေလႄႈ မီးတင်းပိင်ႇၺႃႇၵမ်ၵျၢင်ႉလႄႈထုတ်ႇဢဝ်ၶိင်ႇၵႃႇလႃႉတႃႉ။- 6လွင်ႈၼင်ႇႁိုဝ်သူတၵ်းႁူႉလွင်ႈဢၼ်တၵ်းလႆႈၶိုၼ်းလၢတ်ႈတီႈၵူၼ်းၵူႈၵေႃႉၵူႈၵူၼ်း ၸိူဝ်ႉၼင်ႇႁိုဝ်ၼၼ်ႉလႆႈၸိုင်၊ ႁႂ်ႈၵႂၢမ်းသူပျေႉၸုမ်ႇတင်းၵိူဝ်ဢၼ်ၸဵမ်းၼၼ်ႉသေလႄႈ ပဵၼ်ဢၼ်ထုၵ်ႇဢၼ်လီယူႇတႃႇသေႇဢမ်ႇထၢတ်ႇသေၵမ်းလူၺ်ႈ။
ၵႂၢမ်းတၵ်ႉၼၢႆၵမ်းလိုၼ်းသုတ်း
7 တူႉၶိတ်ႈဢၼ်ပဵၼ်ၼွင်ႉဢၼ်ၵဝ်ႁၵ်ႉ ဢၼ်ပဵၼ်သြႃႇဢၼ်မီးသဵတ်ႈၸႃႇ ၼႂ်းၸဝ်ႈၽြႃးလႄႈပဵၼ်ၶႃႈၼင်ႇၵၼ်ၵၼ်တင်းႁဝ်းၼႆႉၼၼ်ႉ တၵ်းမွၵ်ႇလၢတ်ႈၼႄပျႃးလွင်ႈၵဝ် ၵႃႈမီးတင်းသဵင်ႈတင်းလူင်တီႈသူဢေႃႈ။- 8လွင်ႈၼင်ႇႁိုဝ်မၼ်းတၵ်းႁူႉလွင်ႈသူလႄႈ ႁႂ်ႈႁူဝ်ၸႂ်သူသၢၵ်ႈသႃႇၸိုင်၊- 9ၵဝ်ပွႆႇၸႂ်ႉမၼ်း ဢိၵ်ႇတင်းဢေႃးၼေႇသိမ်ႇ ဢၼ်ပဵၼ်ၼွင်ႉဢၼ်ၵဝ်ႁၵ်ႉလႄႈ မီးသဵတ်ႈၸႃႇဢၼ်ၶဝ်ႈပႃးၼႂ်းသူၼၼ်ႉ ၵႂႃႇတီႈသူဢေႃႈ။ ၶဝ်တၵ်းမွၵ်ႇလၢတ်ႈၼႄပျႃးလွင်ႈတၢင်း ၵႃႈဢၼ် ပဵၼ်မႃးၵႃႈၼႂ်းဝဵင်းၼႆႉၼၼ်ႉတီႈသူဢေႃႈ။
10 ဢႃႇရိတ်ႉတႃႇၶူႉဢၼ်လႆႈၶၢမ်ႇတူၵ်းၵိၼ်းလူၺ်ႈၵၼ်တင်းၵဝ်၊ မႃႇၵူႉဢၼ်ပဵၼ်လၢၼ်ပႃႇၼပႃႉတင်း ယေႇသူႉ ဢၼ်လႆႈႁွင်ႉႁဵၵ်ႈၸိုဝ်ႈယူႉသတူႉၼၼ်ႉ တၵ်ႉၼၢႆသူဢေႃႈ။ လွင်ႈမႃႇၵူႉၼၼ်ႉၸိုင်ၵဝ်သင်ႇလၢတ်ႈၵႂႃႇတီႈသူယဝ်ႉ။ ပေႃးမၼ်းၵႂႃႇတီႈသူၸိုင် ႁပ်ႉတုင်းဢဝ်တႃႉ။- 11ၼႂ်းၶဝ်ၸိူဝ်းဢၼ်ၶၢမ်ႇတၢင်းဢၼ်ထိူဝ်ႁိမ်းၼၼ်ႉ၊ ၶဝ်ၼႆႉၵူၺ်းပဵၼ်ၵေႃႉဢၼ်ပွင်ႁဵတ်း ဢမူႉလူၺ်ႈၵၼ်တင်းၵဝ်ပုၼ်ႈမိူင်း ၽြႃးပဵၼ်ၸဝ်ႈလႄႈ ႁႂ်ႈၸႂ်ၵဝ်သၢၵ်ႈသႃႇဢေႃႈ။
12 ဢေႇပႃႇၽြႃႉၶႃႈၸဝ်ႈၶရိၸ်ႈ ဢၼ်ၶဝ်ႈပႃးၼႂ်းသူၼႆႉတၵ်ႉၼၢႆသူဢေႃႈ။ လွင်ႈၼင်ႇႁိုဝ်သူတၵ်းတူၵ်းၵၢင်ၸႂ် လူၺ်ႈလွင်ႈဢလူဝ်ႇၽြႃးပဵၼ်ၸဝ်ႈတင်းသဵင်ႈတင်းမူတ်းယူႇ၊ ၸေးၸုမ်ႇယူႇသေလႄႈတႄႇယူႇမၼ်ႈမၼ်ႈၶိူင်ႇၶိူင်ႇၸိုင်၊ မၼ်းၸၢင်ႈၵျူဝ်းၸႃးလႄႈ သူးတွင်းပုၼ်ႈသူယူႇတႃႇသေႇဢမ်ႇထၢတ်ႇဢေႃႈ။- 13မၼ်းမီးၸႂ်ၸေႇတၼႃႇပုၼ်ႈၸႃႉၸဵမ်သူ ဢိၵ်ႇတင်းၶဝ်ၸိူဝ်းဢၼ်မီးၼႂ်းဝဵင်းလေႃးတီႉၵီႉ တင်းဝဵင်းႁေႇရပေႃးလီႉၼၼ်ႉ ႁႅင်းယႂ်ႇၼႃႇလူင်လၢင်ဝႃႈၼႆ၊ ၵဝ်ပဵၼ်သၢၵ်ႈသေႇမၼ်းဢေႃႈ။
14 လူႉၵႃႇမေႃယႃ ဢၼ်ၵဝ်ႁၵ်ႉ ဢိၵ်ႇတင်းတေႇမႃႉ ၸိူဝ်းၼႆႉတၵ်ႉၼၢႆသူဢေႃႈ။
15တၵ်ႉလၢတ်ႈပီႈၼွင်ႉဢၼ်မီးၵႃႈၼႂ်းဝဵင်းလေႃးတီႉၵီႉတင်းလၢႆ ဢိၵ်ႇတင်းၼုမ်ႇၽႃႉ တင်းၸိူဝ်းၸဝ်ႈ ဢၼ်မီးၵႃႈၼႂ်းႁိူၼ်းမၼ်း ၼၼ်ႉတႃႉ။
16လိၵ်ႈၼႆႉမိူဝ်ႈဢၼ်သူၽတ်းယဝ်ႉၼၼ်ႉၸိုင်၊ ႁႂ်ႈၸိူဝ်းၸဝ်ႈဝဵင်းလေႃးတီႉၵီႉၼၼ်ႉၽတ်းတႃႉ။ လိၵ်ႈဢၼ်လႆႈၵႃႈတီႈဝဵင်းလေႃးတီႉၵီႉၼၼ်ႉၼၼ်ႉၵေႃႈသူၽတ်းတႃႉ။
17ႁဵတ်းသတီႉႁႂ်ႈဢမူႉထမ်ႇမႃႉသြႃႇ ဢၼ်လႆႈၶၢမ်ႇဢဝ်ၵႃႈတီႈမိုဝ်းၸဝ်ႈၽြႃးၼၼ်ႉ လႆႈပျေႉၸုမ်ႇတႃႉဝႃႈၼႆ၊ လၢတ်ႈပၼ်တီႈ ဢႃႇၶႅပ်ႉပူႉ သေၵမ်း။
18ၵဝ်ပေႃးလူႉၼႆႉ ဢဝ်မိုဝ်းတူဝ်ၸဝ်ႈၵဝ်ႇတႅမ်ႈၵႂၢမ်းဢၼ်တၵ်ႉၼၢႆၼႆႉ ပၼ်ၵႂႃႇတီႈသူဢေႃႈ။ ၶုၵ်းၸႂ်လႆႈၶႆႈၸႂ်ထူပ်းတၢင်းဢၼ်မတ်ႉၽုၵ်ႇ ဢၼ်ၵဝ်လႆႈၶၢမ်ႇၼႆႉတႃႉ။ ႁႂ်ႈၵျေးၸူးၸဝ်ႈမီးၼိူဝ်သူသေၵမ်းလူၺ်ႈ။
လိၵ်ႈဢေႃးဝႃႇတႃႉၵေႃးလေႃးသေးယဝ်ႉယဝ်ႉဢေႃႈ။
Currently Selected:
ၵေႃးလေႃးသေး 4: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
