1 ထိတ်ႉသႃႇလေႃးၼိၵ်ႈ ၵႂၢမ်းၼမ်း
ၵႂၢမ်းၼမ်း
လိၵ်ႈတြႃးပုၼ်ႈၸိူဝ်းၸဝ်ႈဝဵင်းထိတ်ႉသႃႇလေႃးၼိၵ်ႈၽိုၼ်ပထမႃႉၼႆႉတမၢၼ်ႇၸဝ်ႈပေႃးလူႉတႅမ်ႈတီႈဝဵင်းၵေႃးရိၼ်ႇထူႉမိူဝ်ႈပီႊၸဝ်ႈၶရိၸ်ႈ၊50-51 (A.D. 50-51) ၼၼ်ႉဢေႃႈ။ ဝဵင်းထိတ်ႉသႃႇလေႃးၼိၵ်ႈပဵၼ်ဝဵင်းငဝ်ႈတီႈၼႂ်းမိူင်းမႃႇၵေႇတေႃးၼီႉဢၼ်ၶုၼ်ရူဝ်းမႃႉၶဝ်ဢုပ်ႉပိူင်ႇၼၼ်ႉဢေႃႈ။ တမၢၼ်ႇၸဝ်ႈပေႃးလူႉတႄႇတင်ႈၸိူဝ်းၸဝ်ႈၵႃႈၼႂ်းဝဵင်းၼၼ်ႉ၊ဝၢႆးသေမၼ်းဢွၵ်ႇသေၵႃႈတီႈဝဵင်းၽီႉလိပ်ႉပီႉ၊ၵႂႃႇၼၼ်ႉဢေႃႈ။ ဝၢႆးသေၼၼ်ႉ၊ဢမ်ႇႁိုင်ဢမ်ႇၼၢၼ်းသၽေႃးဢၼ်ၶတ်းၵၼ်ပေႃႇပဵၼ်မႃး ၼႂ်းတၢင်းဢၼ်မၼ်းႁေႃးလၢတ်ႈၶၢဝ်ႇတြႃးသိူဝ်းပျေႃႇတီႈၵူၼ်းမဵဝ်းဢၼ်ဢမ်ႇၸႂ်ႈယူႉတႃႉၸိူဝ်းဢၼ်ယၢမ်ႈပွင်ႇလႅင်းၶဝ်ႈၸႂ်ၼႂ်းၽႃႇသႃႇယူႉတႃႉၶဝ်ၼၼ်ႉၼမ်ၵိုၼ်းမႃးလႄႈၵူၼ်းမဵဝ်းယူႉတႃႉၶဝ်ၶွႆမၼ်းဢေႃႈ။ တမၢၼ်ႇၸဝ်ႈပေႃးလူႉလႆႈၶၢမ်ႇတၢင်းဢၼ်ႁေႃႈဢွၵ်ႇသေဝဵင်းထိတ်ႉသႃႇလေႃးၼိၵ်ႈလႄႈမၼ်းၵႂႃႇၸူးၵႃႈတီႈဝဵင်းပေႇရီႉသေဢေႃႈ။ လိုၼ်းသေမၼ်းၶိုၼ်းႁွတ်ႈထိုင်တီႈဝဵင်းၵေႃးရိၼ်ႇထူႉၼၼ်ႉမၼ်းလႆႈငိၼ်းၶၢဝ်ႇငၢဝ်းၸိူဝ်းၸဝ်ႈဝဵင်းထိတ်ႉသႃႇလေႃးၼိၵ်ႈၵႃႈတီႈၵေႃႉသေႈမၼ်းတီႉမေႃးသေႇၵူၼ်းႁူမ်ႈၵၢၼ်လူၺ်ႈၵၼ်တင်းမၼ်းဢေႃႈ။
လိၵ်ႈတြႃးပုၼ်ႈၵူၼ်းဝဵင်းထိတ်ႉသႃႇလေႃးၼိၵ်ႈၽိုၼ်ပထမႃႉၼႆႉတမၢၼ်ႇၸဝ်ႈပေႃးလူႉတႅမ်ႈပုၼ်ႈတၵ်းပၼ်ဢဵၼ်ပၼ်ႁႅင်း၊ဢိၵ်ႇတင်းႁႂ်ႈၶရိၸ်ႈယၢၼ်ႇတင်းလၢႆလႆႈပျေႉၸုမ်ႇၼႂ်းၸႂ်ဝီႉၺိၺ်ႇဢေႃႈ။ မၼ်းတၢင်ႇၵျေးၸူးပုၼ်ႈၶၢဝ်ႇငၢဝ်းဢၼ်မၼ်းလႆႈငိၼ်းလွင်ႈတၢင်းယုမ်ႇမၢတ်ႈၶဝ်၊ဢိၵ်ႇတင်းတၢင်းႁၵ်ႉမႅတ်ႈတႃႇၶဝ်ၼၼ်ႉဢေႃႈ။ မၼ်းပၼ်သတီႉႁႂ်ႈၶဝ်ၵမ်ၵျၢင်ႉမိူၼ်မိူဝ်ႈဢၼ်မၼ်းမီးယူႇလူၺ်ႈၵၼ်တင်းၶဝ်၊ဢိၵ်ႇတင်းၵႄႈလိတ်ႈၵႂၢမ်းထၢမ်ဢၼ်ပေႃႇမႃးၵႃႈၼႂ်းၸိူဝ်းၸဝ်ႈလူၺ်ႈလွင်ႈၸဝ်ႈၶရိၸ်ႈ၊တၵ်းတေၶိုၼ်းမႃး၊ဢိၵ်ႇတင်းလွင်ႈၵေႃႉဢၼ်တၢႆၵႂႃႇၸူဝ်ႈဢၼ်ၸဝ်ႈၶရိၸ်ႈ၊ဢမ်ႇပႆႇၶိုၼ်းမႃး၊ၸွင်ႇတေလႆႈဢမူၺ်ႇဢသၢၵ်ႈထႃႇဝရႃႉၼႂ်းမိူဝ်ႈဢၼ်မၼ်းၸဝ်ႈၶိုၼ်းမႃးၼၼ်ႉႁိုဝ်။ ဢိၵ်ႇတင်းၸဝ်ႈၶရိၸ်ႈ၊တၵ်းတေၶိုၼ်းမႃးမိူဝ်ႈလႂ်ၼၼ်ႉဢေႃႈ။ တမၢၼ်ႇၸဝ်ႈပေႃးလူႉသင်ႇသွၼ်ႁႂ်ႈၶဝ်ၵမ်ၵျၢင်ႉလႄႈယူႇတဵတ်ႇတဵတ်ႇယဵၼ်ယဵၼ်ယၢမ်းမိူဝ်ႈဢၼ်ပႂ်ႉထႃႈတၢင်းဢၼ်ၸဝ်ႈၶရိၸ်ႈ၊တေၶိုၼ်းမႃးၼၼ်ႉယူႇဢေႃႈ။
ႁူဝ်ၶေႃႈဢၼ်ၶဝ်ႈပႃးၸမ်ႉ
ၵႂၢမ်းတူင်ႉတၵ်ႉ 1:1
ၵႂၢမ်းတၢင်ႇၵျေးၸူးလႄႈၵႂၢမ်းယွင်ႈယေႃး 1:2-3:13
ၵႂၢမ်းပၼ်သတီႉလွင်ႈတၢင်းၵမ်တၢင်းၵျၢင်ႉၶရိၸ်ႈယၢၼ်ႇ 4:1-12
ၵႂၢမ်းသင်ႇသွၼ်လွင်ႈၸဝ်ႈၶရိၸ်ႈ၊တေၶိုၼ်းမႃး 4:13-5:11
ၵႂၢမ်းပၼ်သတီႉၵမ်းလိုၼ်းသုတ်း 5:12-22
ၵႂၢမ်းသင်ႇလၢတ်ႈလိုၼ်းသုတ်း 5:23-28
Currently Selected:
1 ထိတ်ႉသႃႇလေႃးၼိၵ်ႈ ၵႂၢမ်းၼမ်း: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship