2 ၵေႃးရိၼ်ႇထူႉ 5

1ႁဝ်းႁူႉလွင်ႈဢၼ်ပေႃးႁိူၼ်းလိၼ်ႁဝ်း ဢၼ်ပဵၼ်သုမ်ႉယႃႇယီႇၼႆႉလူႉၸိုင်၊ ႁဝ်းမီးႁိူၼ်းၼိၵ်ႈၸႃႉထႃႇဝရႃႉ၊ ဢၼ်ၵူၼ်းဢမ်ႇဢဝ်တင်းမိုဝ်းႁဵတ်း ဢၼ်ၽြႃးပဵၼ်ၸဝ်ႈၽၢၼ်ႇသၢင်းႁဵတ်းပဵၼ်ဝႆႉလႄႈ မီးယူႇၵႃႈၼႂ်းမိူင်းၵၢင်ႁၢဝ်ပုၼ်ႉၼၼ်ႉယူႇဢေႃႈ။- 2ၼႂ်းမိူဝ်ႈဢၼ်ႁဝ်းယင်းမီးယူႇၼႂ်းႁိူၼ်းလိၼ်ၼႆႉ ႁဝ်းမီးၸႂ်ဢၼ်တူၵ်းဢၢင်ႈၶႂ်ႈၶၢမ်ႇတၢင်းဢၼ်ဢဝ်ႁိူၼ်း၊ ဢၼ်မီးၵႃႈတီႈၵၢင်ႁၢဝ်ၼုင်ႈႁေႃႇၼၼ်ႉ၊ၼႃႇလူင်လၢင်ယူႇသေလႄႈ ၶၢင်းၶီၶၢင်းၽၢၼ်ယူႇဢေႃႈ။- 3ပေႃးလႆႈၼုင်ႈႁေႃႇၸိုင်ႁဝ်းတၵ်းပဵၼ်တူဝ်ပူၺ်ယူႇဢမ်ႇၸႂ်ႈ။- 4ႁဝ်းၸိူဝ်းဢၼ်ယူႇၼႂ်းသုမ်ႉထဵင်ၼႆႉ၊ႁၢပ်ႇၶူဝ်းဢၼ်ၼၵ်းၼႃႇလူင်လၢင်ယူႇသေလႄႈ၊ၶၢင်းၶီၶၢင်းၽၢၼ်ယူႇဢေႃႈ၊ ၵွပ်ႈပိူဝ်ႈဢၼ်ၶႂ်ႈၶၢမ်ႇတၢင်းဢၼ်ပုတ်ႈလၢႆႈလႄႈ၊ႁဝ်းၶၢင်းၶီၶၢင်းၽၢၼ်ဢမ်ႇၸႂ်ႈ၊ႁဝ်းၶၢင်းၶီၶၢင်းၽၢၼ်၊ ၵွပ်ႈပိူဝ်ႈဢၼ်ၶႂ်ႈၶၢမ်ႇတၢင်းဢၼ်ဢဝ်၊ဢၼ်မၼ်ႈဢၼ်ၶိူင်ႇၼုင်ႈႁေႃႇ ႁႂ်ႈလွင်ႈတၢင်းဢၼ်ၸၢင်ႈတၢႆၼႆႉလႆႈသုမ်းႁၢႆၵႂႃႇ၊ၵႃႈၼႂ်းတၢင်းဢၼ်ဢသၢၵ်ႈလိပ်းၼၼ်ႉဢေႃႈ။

5ၵေႃႉဢၼ်ပွင်မႄးႁဝ်း၊ ႁႂ်ႈလႆႈၶၢမ်ႇဢၵျူဝ်းၸိူဝ်ႉၼင်ႇၼၼ်ၼၼ်ႉၸမ်ႉ၊ပဵၼ်ၽြႃးပဵၼ်ၸဝ်ႈ၊ ဢၼ်ပၼ်ၸရၢၼ်ႇဢၼ်ဝႃႈ၊ဝီႉၺိၺ်ႇၸဝ်ႈတီႈႁဝ်းၼၼ်ႉဢေႃႈ။- 6ပိူဝ်ႈၼႆလႄႈ ႁဝ်းႁူႉလွင်ႈဢၼ်ႁဝ်းယူႇၵႆၵၼ်တင်းၸဝ်ႈၽြႃး ၼႂ်းမိူဝ်ႈဢၼ်ႁဝ်းယင်းမီးယူႇၵႃႈၼႂ်း၊တူဝ်ၶၼ်ႇထႃႇၼႆႉၼၼ်ႉယူႇသေလႄႈ မီးၸႂ်ဢၼ်ႁတ်းႁၢၼ်သေႇသေႇဢေႃႈ။- 7ၵွပ်ႈပိူဝ်ႈဢၼ်ႁဝ်းၵမ်ၵျၢင်ႉသၢင်ႈႁဵတ်း၊ ၵႃႈၼင်ႇဢၼ်ႁဝ်းယင်းဢမ်ႇႁၼ်သိုဝ်ႈၼႃႈတႂ်ႈတႃလႄႈ၊ မီးတၢင်းဢၼ်ယုမ်ႇမၢတ်ႈမုင်ႈမွင်းၼၼ်ႉလႄႈ၊- 8ႁဝ်းပျေႉၸုမ်ႇတၢင်းၸႂ်ဢၼ်ႁတ်းႁၢၼ်သေလႄႈ မီးဢလူဝ်ႇၶႂ်ႈၵႂႃႇ၊ ၵႃႈတီႈဢၼ်ၵႆၵၼ်တင်းတူဝ်ၶၼ်ႇထႃႇလႄႈ၊ ယူႇသေႇသေႇၵႃႈတီႈႁိမ်းၸဝ်ႈၽြႃးပုၼ်ႉဢေႃႈ။

9ပိူဝ်ႈၼႆလႄႈ ႁဝ်းယူႇၵႃႈတီႈဢၼ်ႁဝ်းယူႇတႃႇသေႇသေဢမ်ႇဝႃႈ၊ ယူႇၵႃႈတီႈဢၼ်ၵႆသေဢမ်ႇဝႃႈ၊ မီးၸႂ်ၸေႇတၼႃႇလႄႈ ၵႆႉၵျူဝ်းၸႃးႁႂ်ႈလႆႈပဵၼ်ၵေႃႉဢၼ်ထုၵ်ႇၸႂ်ၸဝ်ႈၽြႃးဢေႃႈ။- 10လွင်ႈမၼ်းၸမ်ႉ၊ႁဝ်းၵႃႈမီးတင်းသဵင်ႈတင်းလူင် တၵ်းလႆႈပေႃႇမႃးၵႃႈတီႈၽၢႆႇၼႃႈ ပလၢင်ႇတြႃးၸဝ်ႈၶရိၸ်ႈ ႁႂ်ႈလႆႈၶၢမ်ႇဢၵျူဝ်းဢပႅတ်ႈ ႁင်းၽႂ်ႁင်းမၼ်း ၵႃႈၼင်ႇဢၼ်တၢင်းၵမ်တၢင်းၵျၢင်ႉ ဢၼ်ၵမ်ၵျၢင်ႉၵႃႈၼႂ်းတူဝ်ၶၼ်ႇထႃႇ လီဢမ်ႇလီၼၼ်ႉဢေႃႈ။

တၢင်းဢၼ်ၶိုၼ်းလီၵၼ်တင်းၽြႃးပဵၼ်ၸဝ်ႈ

11ပိူဝ်ႈၼႆလႄႈႁဝ်းႁူႉလွင်ႈ တၢင်းဢၼ်လီၵူဝ်လီႁႄ ဢၼ်ၸၢပ်ႈသႅင်ႇၵၼ်တင်း ၸဝ်ႈၽြႃးၼၼ်ႉယူႇသေလႄႈ တိုၵ်းယူင်းၸူဝ်းဢဝ် ၵူၼ်းတင်းလၢႆလႄႈ ထၢင်ႇသႃးယူႇၵႃႈတီႈ ၽၢႆႇၼႃႈၽြႃးပဵၼ်ၸဝ်ႈဢေႃႈ၊ ၵႃႈတီႈၽၢႆႇၼႃႈၸႂ်သူဢၼ်ႁူႉတူဝ်ၸဝ်ႈၵဝ်ႇၼၼ်ႉၵေႃႈ ၵဝ်ထၢင်ႇႁဝ်းထၢင်ႇသႃးယူႇဢေႃႈ။- 12ႁဝ်းသမ်ႉၶိုၼ်းယွင်ႈယေႃးတူဝ်ၸဝ်ႈၵဝ်ႇ ၵႃႈတီႈၽၢႆႇၼႃႈသူဢမ်ႇၸႂ်ႈ ႁဝ်းပၼ်ဢၶႂၢင်ႉတၢင်းဢၼ်ဢုပ်ႇဝၢဝ်း ၵွပ်ႈပိူဝ်ႈႁဝ်းၼၢႆတီႈသူ ႁႂ်ႈသူလႆႈမီးလွင်ႈဢၼ်တၵ်းၽေႇလိတ်ႈ၊ ၵႂၢမ်းၶဝ်ၸိူဝ်းဢၼ်ဢမ်ႇထွၵ်ႈလူၺ်ႈၸႂ်သၽေႃး၊ ထွၵ်ႈလူၺ်ႈႁၢင်ႈၽၢင်ၼိူဝ်ႉလိူတ်ႈသေလႄႈ ဢုပ်ႇဝၢဝ်းၼၼ်ႉလႆႈဢေႃႈ။- 13ပေႃးႁဝ်းပဵၼ်ၵူၼ်းယွင်ႇၸိုင် ႁဝ်းပဵၼ်ပုၼ်ႈၽြႃးပဵၼ်ၸဝ်ႈဢေႃႈ၊ ပေႃးႁဝ်းပဵၼ်ၵူၼ်းဢၼ်ၸႂ်လီၸိုင် ႁဝ်းပဵၼ်ပုၼ်ႈသူဢေႃႈ။- 14လွင်ႈမၼ်းၸမ်ႉ ၵွပ်ႈပိူဝ်ႈဢၼ်ႁဝ်းတူၵ်းၵၢင်ၸႂ် လွင်ႈဢၼ်ပေႃးၵူၼ်းၵေႃႉၼိုင်ႈ ၶၢမ်ႇတၢႆပုၼ်ႈၵူၼ်းတင်းသဵင်ႈတင်းလူင်ဢမၢၼ်ႇၶၼ်ပဵၼ်ၸိုင်၊- 15ၵူၼ်းတင်းသဵင်ႈတင်းလူင်တၢႆယဝ်ႉဢိၵ်ႇတင်း လွင်ႈဢၼ်မၼ်းၸဝ်ႈၶၢမ်ႇတၢင်းတၢႆ ၵွပ်ႈပိူဝ်ႈၵူၼ်းတင်းသဵင်ႈတင်းလူင် ႁႂ်ႈၶဝ်ၸိူဝ်းဢၼ်ဢသၢၵ်ႈလိပ်းၼၼ်ႉ ဢမ်ႇလႆႈၶိုၼ်းၸွမ်းဢလူဝ်ႇတူဝ်ၸဝ်ႈၵဝ်ႇသေလႄႈလိပ်း ႁႂ်ႈၶဝ်လႆႈၸွမ်းဢလူဝ်ႇၵေႃႉဢၼ်ၶၢမ်ႇတၢႆပုၼ်ႈၶဝ်ယဝ်ႉ ၸင်ႇလုၵ်ႉၶိုၼ်းၼၼ်ႉသေလႄႈလိပ်းၼၼ်ႉလႄႈ တၢင်းႁၵ်ႉမႅတ်ႈတႃႇၸဝ်ႈၶရိၸ်ႈ ႁဵတ်းပႄႉႁဵတ်းၼႅင်ႇၸူဝ်းဢဝ်ႁဝ်းဢေႃႈ။- 16ပေႃးပဵၼ်ၸိူဝ်ႉၼင်ႇၼႆၸိုင် ၸႃႉၸဵမ်တေႃႈလဵဝ်ၼႆႉလႄႈႁဝ်းထွၵ်ႈလူၺ်ႈမဵဝ်းၸႃႇတီႉသေလႄႈ ဢမ်ႇႁူႉၸၵ်းၽူႈလႂ်၊ ပိၵ်ႉသမ်ႉလႆႈထွၵ်ႈလူၺ်ႈမဵဝ်းၸႃႇတီႉသေလႄႈ ႁူႉၸၵ်းၸဝ်ႈၶရိၸ်ႈသေၵေႃႈ၊ ၸႃႉၸဵမ်တေႃႈလဵဝ်ၼႆႉလႄႈႁဝ်းဢမ်ႇမီးတၢင်းဢၼ်ႁူႉၸၵ်းၸိူဝ်ႉၼင်ႇၼၼ်။

17ၵူၼ်းဢၼ်ဝႃႈၸမ်ႉ၊ ပေႃးမီးၼႂ်းၸဝ်ႈၶရိၸ်ႈၸိုင် ပဵၼ်သတ်ႉတဝႃႇဢၼ်မႄးပိၼ်ႇဢၼ်မႂ်ႇဢေႃႈ၊ လွင်ႈတၢင်းဢၼ်ၵဝ်ႇၸိူဝ်းၼၼ်ႉၶၢႆႉပုတ်ႈသေလႄႈ လွင်ႈတၢင်းၵႃႈမီးတင်းသဵင်ႈတင်းလူင်ပဵၼ်ဢၼ်မႂ်ႇယဝ်ႉ။- 18မိူဝ်ႈဢၼ်ပဵၼ်ၸိူဝ်ႉၼင်ႇၼၼ်ၸိုင်၊ ပဵၼ်ၵွပ်ႈပိူဝ်ႈၽြႃးပဵၼ်ၸဝ်ႈဢၼ်ႁႂ်ႈတၢင်းၽိတ်းႁဝ်းယဵၼ် ၵွပ်ႈပိူဝ်ႈၸဝ်ႈၶရိၸ်ႈလႄႈဢၢပ်ႈပၼ် ဢၶႂၢင်ႉဢၼ်လႆႈႁေႃးလၢတ်ႈတြႃးမိၵ်ႉသႃႇႁႃယႃႉ တၢင်းဢၼ်ထုၵ်ႇၵၼ်တင်းမၼ်းၸဝ်ႈတီႈႁဝ်းၼၼ်ႉဢေႃႈ။- 19တြႃးၼၼ်ႉၸမ်ႉ၊ၽြႃးပဵၼ်ၸဝ်ႈမီးယူႇၵႃႈၼႂ်းၸဝ်ႈၶရိၸ်ႈလႄႈ ဢမ်ႇမၢတ်ႈဢမ်ႇတွင်းဢပႅတ်ႈၵူၼ်းလေႃးၵီႇတင်းလၢႆ ႁႂ်ႈတၢင်းၽိတ်းၶဝ်ယဵၼ်လႄႈ ဢၢပ်ႈပၼ်တြႃးမိၵ်ႉသႃႇႁႃယႃႉ၊ တၢင်းဢၼ်ထုၵ်ႇၵၼ်တင်းမၼ်းၸဝ်ႈၼၼ်ႉတီႈႁဝ်းဢေႃႈ။- 20ပိူဝ်ႈၼႆလႄႈႁဝ်းၼႆႉ၊ပဵၼ်သၢၼ်ႇတမၢၼ်ႇၸဝ်ႈၶရိၸ်ႈဢေႃႈ၊ၵႃႈၼင်ႇဢၼ်ၽြႃးပဵၼ်ၸဝ်ႈဢဝ်ႁဝ်းလႄႈတိုၵ်းယူင်းၸူဝ်းဢဝ်သူၼၼ်ႉ ႁဝ်းပဵၼ်တၢင်တူဝ်ၸဝ်ႈၶရိၸ်ႈလႄႈ တွင်းပၢၼ်ႇၸူဝ်းဢဝ်သူလႄႈဝႃႈ သူႁႂ်ႈတၢင်းၽိတ်းသူယဵၼ်လႄႈ ႁဵတ်းမိၵ်ႉသႃႇႁႃယႃႉ တၢင်းဢၼ်ထုၵ်ႇၵၼ်တင်းၽြႃးပဵၼ်ၸဝ်ႈတႃႉ၊ဝႃႈၼင်ႇၼႆဢေႃႈ။- 21ၵွပ်ႈပိူဝ်ႈလွင်ႈၸိူဝ်ႉၼင်ႇႁိုဝ်ဝႃႈၼႆၸမ်ႉ၊ၽြႃးပဵၼ်ၸဝ်ႈ ႁႂ်ႈၵေႃႉဢၼ်ၵၢင်းလွတ်ႈတင်းဢပႅတ်ႈၼၼ်ႉ ပဵၼ်ၵေႃႉဢၼ်မီးဢပႅတ်ႈပုၼ်ႈႁဝ်းဢေႃႈ၊ လွင်ႈမၼ်းၸမ်ႉ ၼင်ႇႁိုဝ်ႁဝ်းတၵ်းပဵၼ်တၢင်းသိုဝ်ႈတေႃႇၽြႃးပဵၼ်ၸဝ်ႈ ၼႂ်းၵေႃႉၼၼ်ႉၸိုင်၊ ၸင်ႇပဵၼ်ဢေႃႈ။

Currently Selected:

2 ၵေႃးရိၼ်ႇထူႉ 5: CBMS

Highlight

Copy

Compare