2 ၵေႃးရိၼ်ႇထူႉ 4

ပွင်ႁဵတ်းၼႃႈၵၢၼ်ၸဝ်ႈၽြႃး

1ပိူဝ်ႈၼႆလႄႈ၊ႁဝ်းပဵၼ်ၵေႃႉဢၼ်ပွင်ႁဵတ်းဢမူႉတြႃး၊ၸိူဝ်ႉၼင်ႇၼႆလႄႈ ၵႃႈၼင်ႇဢၼ်ႁဝ်းလႆႈၶၢမ်ႇ၊ၵျေးၸူးၵရူႉၼႃႇ၊တၢင်းဢၼ်မၼ်းၸဝ်ႈဢဵတ်းလူၼၼ်ႉ၊ၵၢင်းလွတ်ႈတင်း၊ တၢင်းဢၼ်ႁႅင်းဢူၼ်ႈလႄႈၸႂ်လူႉဢေႃႈ။- 2ႁဝ်းပႄႇပႅတ်ႈလွင်ႈတၢင်းဢၼ်၊လီဢူၵ်းလီဢၢႆ ဢၼ်ႁဵတ်းၵႃႈၼႂ်းတီႈဢၼ်လပ်ႉဢၼ်တဵတ်ႇတင်းလၢႆၼၼ်ႉယဝ်ႉ၊ ႁဝ်းဢမ်ႇသုင်းပရီႉယႄႇ၊ ဢမ်ႇမီးတၢင်းဢၼ်ထိမ်ႇဢၼ်မႅပ်းသေလႄႈ ၶႂမ်ႈပိၼ်ႈၼုၵ်ႈၵပၢတ်ႈတြႃးၸဝ်ႈပႅတ်ႈ၊ မွၵ်ႇလၢတ်ႈသမ်ႇမႃႇတြႃးလႅင်းလႅင်းလႄႈ ၵႃႈၼင်ႇဢၼ်ၵူၼ်းတင်းလၢႆၸႂ်ထၢင်ႇၼၼ်ႉ ၵမ်ၵျၢင်ႉတၢင်းၵမ်တၢင်းၵျၢင်ႉ၊ ဢၼ်လီဢွၼ်ယွင်ႈၼၼ်ႉၵႃႈတီႈၽၢႆႇၼႃႈၽြႃးပဵၼ်ၸဝ်ႈဢေႃႈ။- 3ပေႃးတြႃးသတၢင်းသိူဝ်းပျေႃႇ၊ဢၼ်ႁဝ်းႁေႃးလၢတ်ႈၼႆႉ၊မီးတၢင်းဢၼ်ႁူမ်ႇသုမ်ႇဝႆႉယူႇၸိုင် မီးတၢင်းဢၼ်ႁူမ်ႇသုမ်ႇဝႆႉ၊ၵႃႈတီႈၶဝ်ၸိူဝ်းဢၼ်ႁွတ်ႈထိုင်၊တၢင်းဢၼ်သုမ်းဢၼ်ၸွမ်းၼၼ်ႉၵူၺ်းဢေႃႈ။- 4ၶဝ်ၸိူဝ်းဢၼ် ဢမ်ႇယုမ်ႇမၢတ်ႈၸိူဝ်ႉၼင်ႇၼၼ်ၸမ်ႉ၊ ၼင်ႇႁိုဝ်သၢႆဢရွင်ႇတြႃးသတၢင်းသိူဝ်းပျေႃႇ၊ဢၼ်ပျေႉၸုမ်ႇတင်း၊မုၼ်ၽုင်းသရေႇၸဝ်ႈၶရိၸ်ႈ ဢၼ်ပဵၼ်ပုင်ႇႁၢင်ႈၽြႃးပဵၼ်ၸဝ်ႈၼၼ်ႉ တၵ်းဢမ်ႇပၼ်ဢၼ်လႅင်းတီႈၶဝ်ၸိုင် ၽြႃးဢၼ်ဢုပ်ႉပိူင်ႇလေႃးၵႃႉၼႆႉ၊ ႁႂ်ႈမၢၵ်ႇတႃၺၢၼ်ႇၶဝ်မွတ်ႇဢေႃႈ။- 5ႁဝ်းႁေႃးလၢတ်ႈလွင်ႈတူဝ်ၸဝ်ႈၵဝ်ႇဢမ်ႇၸႂ်ႈ၊ ႁေႃးလၢတ်ႈလွင်ႈဢၼ်ယေႇသူႉၶရိၸ်ႈပဵၼ်ၸဝ်ႈ၊ဢိၵ်ႇတင်းလွင်ႈဢၼ်ႁဝ်းပဵၼ်ၶႃႈသူ၊ ပုၼ်ႈလွင်ႈယေႇသူႉၼၼ်ႉဢေႃႈ။- 6လွင်ႈမၼ်းၸမ်ႉ ၽြႃးပဵၼ်ၸဝ်ႈဢၼ်မီးဢမိင်ႉ ႁႂ်ႈဢၼ်လႅင်းႁိူဝ်ႈလႅင်းမႃးၵႃႈၼႂ်း၊ဢၼ်လပ်းသိင်ႇၼၼ်ႉ ႁႂ်ႈဢၼ်လႅင်းႁိူဝ်ႈလႅင်းၵႃႈၼႂ်း၊ႁူဝ်ၸႂ်ႁဝ်း၊ႁႂ်ႈလႆႈပၼ်သၢႆဢရွင်ႇၺၢၼ်ႇ၊ ဢၼ်ႁူႉမုၼ်ၽုင်းၽြႃးပဵၼ်ၸဝ်ႈ ဢၼ်ႁိူဝ်ႈလႅင်းၵႃႈၼႂ်းယေႇသူႉၶရိၸ်ႈၼၼ်ႉဢေႃႈ။

7ၵူၺ်းၵႃႈ၊ၼင်ႇႁိုဝ်မုၼ်ၽုင်းသရေႇတၼ်းၶူဝ်းၸဝ်ႈ၊တၵ်းဢမ်ႇၸၢပ်ႈသႅင်ႇၵၼ်တင်းႁဝ်း၊တၵ်းၸၢပ်ႈသႅင်ႇၵၼ်တင်းၽြႃးပဵၼ်ၸဝ်ႈၵူၺ်းၸိုင် ၽၼ်ႇတႃႇၼႆႉမီးဝႆႉၵႃႈၼႂ်းမေႃႈလိၼ်တီႈႁဝ်းဢေႃႈ။- 8ပိၵ်ႉသမ်ႉႁဝ်းလႆႈၶၢမ်ႇတၢင်းဢၼ်ယႃႉယူၵ်ႉ၊ၵူႈၸိူဝ်ႉၵူႈပိူင်သေၵေႃႈ၊ႁဝ်းဢမ်ႇႁွတ်ႈထိုင်တၢင်းဢၼ်ယၢပ်ႇၸႂ်ၵိၼ်းၸႂ်၊ ပိၵ်ႉသမ်ႉႁဝ်းမီးတေႃႇထိုင်ႁွတ်ႈထၼ်ႈပေႃး ဢမ်ႇၵျၢမ်ႇဢမ်ႇပွင်လႆႈသေၵေႃႈ ႁဝ်းၸႂ်ဢမ်ႇလူႉ။- 9ပိၵ်ႉသမ်ႉႁဝ်း လႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသႄးသေၵေႃႈ ႁဝ်းဢမ်ႇႁွတ်ႈထိုင်တၢင်းဢၼ်ၸုၼ်ႉပႅတ်ႈ၊ ပိၵ်ႉသမ်ႉႁဝ်း လႆႈၶၢမ်ႇတၢင်းဢၼ်လူမ်ႉတူၵ်းၵႃႈတႂ်ႈသေၵေႃႈ၊ ႁဝ်းဢမ်ႇႁွတ်ႈထိုင်တီႈသုမ်း။- 10ႁဝ်းပႃးဢဝ်တၢင်းဢၼ် ယေႇသူႉတၢႆၼၼ်ႉဝႆႉ ၵႃႈၼႂ်းတူဝ်ၶၼ်ႇထႃႇႁဝ်းယူႇသေလႄႈ ႁႂ်ႈလွင်ႈဢၼ်ယေႇသူႉ ဢသၢၵ်ႈလိပ်းယူႇၼၼ်ႉ၊ လႆႈထၢင်ႇသႃးၵႃႈၼႂ်းတူဝ်ၶၼ်ႇထႃႇႁဝ်းဢေႃႈ။- 11ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်ႉ၊ ႁဝ်းဢၼ်ဢသၢၵ်ႈယင်းလိပ်းယူႇၼႆႉ၊ၵွပ်ႈပိူဝ်ႈယေႇသူႉလႄႈ လႆႈၶၢမ်ႇတၢင်းဢၢပ်ႈၵႃႈၼႂ်းမိုဝ်းတၢင်းတၢႆယူႇသေႇသေႇ၊ ႁႂ်ႈလွင်ႈဢၼ်ယေႇသူႉဢသၢၵ်ႈလိပ်းယူႇၼၼ်ႉ၊ လႆႈထၢင်ႇသႃးၵႃႈၼႂ်းတူဝ်ၶၼ်ႇထႃႇႁဝ်း၊ ဢၼ်ၸၢင်ႈတၢႆၼႆႉဢေႃႈ။- 12ၵွပ်ႈႁွႆးၼႆႉလႄႈ တြႃးတၢင်းတၢႆ ၸၢင်ႈပွင်ၸၢင်ႈႁဵတ်းၼႂ်းႁဝ်းဢေႃႈ၊ ၼႂ်းသူၸမ်ႉ၊တြႃးတၢင်းဢၼ်ဢသၢၵ်ႈလိပ်းၼၼ်ႉ၊ၸၢင်ႈပွင်ၸၢင်ႈႁဵတ်းဢေႃႈ။- 13ပိူဝ်ႈဢၼ်မီးၸႂ် ဢၼ်ယုမ်ႇမၢတ်ႈၸိူဝ်ႉၼင်ႇၼၼ်လႄႈ မႅၼ်ႈၼင်ႇဢၼ်မႃးၼႂ်းၵျၢမ်းလိၵ်ႈလႄႈဝႃႈ ၵွပ်ႈပိူဝ်ႈဢၼ်ၵဝ်ယုမ်ႇမၢတ်ႈလႄႈ ၵဝ်မွၵ်ႇလၢတ်ႈဢေႃႈ၊ဝႃႈၼင်ႇၼႆၼၼ်ႉ၊ ၵွပ်ႈပိူဝ်ႈဢၼ်ႁဝ်းယုမ်ႇမၢတ်ႈလႄႈ မွၵ်ႇလၢတ်ႈဢေႃႈ။- 14ႁဝ်းႁူႉလွင်ႈဢၼ် ၵေႃႉဢၼ်ႁႂ်ႈၸဝ်ႈႁဝ်းယေႇသူႉ လုၵ်ႉၶိုၼ်းၼၼ်ႉ၊ တၵ်းႁႂ်ႈႁဝ်းလုၵ်ႉၶိုၼ်းၵွပ်ႈပိူဝ်ႈယေႇသူႉလႄႈ ဢဝ်ႁဝ်းသႂၢင်းသႂ်ႇၵႃႈၼႂ်းတီႈမၼ်းၸဝ်ႈ၊လူၺ်ႈၵၼ်တင်းသူၼၼ်ႉယူႇဢေႃႈ။- 15လွင်ႈၼင်ႇႁိုဝ်ၵျေးၸူးၸဝ်ႈ၊ဢၼ်ၼမ်ၵိုၼ်းၼႃႇၵွပ်ႈပိူဝ်ႈၵူၼ်းၼမ်ၼႃႇၼၼ်ႉ တၵ်းႁႂ်ႈတၢင်းဢၼ်ယွင်ႈယေႃးၵျေးၸူးၸဝ်ႈၼၼ်ႉ ပျေႉၸုမ်ႇလိူင်ႇၸႂ် ႁႂ်ႈမုၼ်ၽုင်းသရေႇၽြႃးပဵၼ်ၸဝ်ႈ၊ လႆႈထၢင်ႇသႃးမႃးၸိုင် လွင်ႈတၢင်းၵႃႈမီးတင်းသဵင်ႈတင်းလူင်ၼၼ်ႉ၊ ပဵၼ်ပုၼ်ႈသူဢေႃႈ။

ဢသၢၵ်ႈလိပ်းၵွပ်ႈပိူဝ်ႈတၢင်းယုမ်ႇမၢတ်ႈ

16ပိူဝ်ႈၼႆလႄႈ ႁဝ်းၵၢင်းလွတ်ႈတင်း၊တၢင်းဢၼ်ႁႅင်းဢူၼ်ႈလႄႈၸႂ်လူႉဢေႃႈ၊ ပိၵ်ႉသမ်ႉၵူၼ်းၽၢႆႇတၢင်းၼွၵ်ႈႁဝ်း၊ ႁွတ်ႈထိုင်တၢင်းဢၼ်ၽွၵ်ႈပျၢၼ်ႇလူႉလႅဝ်သေၵေႃႈ၊ ၵူၼ်းၽၢႆႇတၢင်းၼႂ်းႁဝ်းၸမ်ႉ၊ ဝၼ်းၼိုင်ႈယဝ်ႉဝၼ်းၼိုင်ႈ လႆႈၶၢမ်ႇတၢင်းဢၼ်မႄးၵုမ်းမႄးႁဵတ်းယူႇဢေႃႈ။- 17လွင်ႈမၼ်းၸမ်ႉ ၼႂ်းမိူဝ်ႈဢၼ်ႁဝ်းထွၵ်ႈလူၺ်ႈလွင်ႈဢၼ် လွင်ႈတၢင်းဢၼ်ထၢင်ႇသႃးတႂ်ႈတႃၸိူဝ်းၼႆႉ တႄႇယူႇၵမ်းဢွၼ်ႇၼိုင်ႈၵူၺ်းလႄႈ လွင်ႈတၢင်းဢၼ်ဢမ်ႇထၢင်ႇသႃးၸိူဝ်းၼၼ်ႉ တႄႇယူႇတႃႇသေႇဢမ်ႇထၢတ်ႇၼၼ်ႉသေလႄႈ ယင်းဢမ်ႇၶႆႈၸႂ်တူၺ်းလွင်ႈတၢင်းဢၼ်ထၢင်ႇသႃးၸိူဝ်းၼႆႉလႄႈ ၶႆႈၸႂ်တူၺ်းလွင်ႈတၢင်းဢၼ်ဢမ်ႇထၢင်ႇသႃးၸိူဝ်းၼၼ်ႉယူႇၼၼ်ႉၸိုင်၊- 18တုၵ်ႉၶႃႉတၢင်းၽၢၼ် ဢၼ်မဝ်မၢင်လႄႈ လႆႈၶၢမ်ႇတေႃႈလဵဝ်ၵမ်းဢွၼ်ႇၼိုင်ႈၵူၺ်းၼႆႉ ၸၢင်ႈႁႂ်ႈပဵၼ်မုၼ်သရေႇၼိၵ်ႈၸႃႉထႃႇဝရႃႉ ဢၼ်ယဵင်ႈၶႅၼ်းယႂ်ႇမျၢတ်ႈၼၵ်းၼႃႇလိူဝ်တွၼ်းၼႃႇလူင်လၢင်ၼၼ်ႉ ပုၼ်ႈႁဝ်းဢေႃႈ။

Currently Selected:

2 ၵေႃးရိၼ်ႇထူႉ 4: CBMS

Highlight

Copy

Compare