1 ၵေႃးရိၼ်ႇထူႉ 9
9
ဢၶႂၢင်ႉဢယေးတင်းၼႃႈၵၢၼ်တမၢၼ်ႇၸဝ်ႈ
1ၵဝ်ၼႆႉပဵၼ်ၵူၼ်းလွတ်ႈဢမ်ႇၸႂ်ႈႁိုဝ်။ ၵဝ်ပဵၼ်တမၢၼ်ႇၸဝ်ႈဢမ်ႇၸႂ်ႈႁိုဝ်။ ၵဝ်လႆႈႁၼ်ၸဝ်ႈယေႇသူႉၶရိၸ်ႈယဝ်ႉဢမ်ႇၸႂ်ႈႁိုဝ်။ သူပဵၼ်တၢင်းႁဵတ်း ဢၼ်ၵဝ်ႁဵတ်းၼႂ်းၸဝ်ႈၽြႃးဢမ်ႇၸႂ်ႈႁိုဝ်။- 2ပိၵ်ႉသမ်ႉၵဝ်ဢမ်ႇပဵၼ်တမၢၼ်ႇၸဝ်ႈတီႈပိူၼ်ႈတၢင်ႇၵေႃႉသေၵေႃႈ၊ ၵဝ်ပဵၼ်တမၢၼ်ႇၸဝ်ႈတီႈသူဢမၢၼ်ႇၶၼ်ပဵၼ်ဢေႃႈ။ လွင်ႈမၼ်းၸမ်ႉၵဝ်ပဵၼ်တမၢၼ်ႇၸဝ်ႈဝႃႈၼႆၵွပ်ႈပိူဝ်ႈဢၼ်သူမီးၼႂ်းၸဝ်ႈၽြႃးလႄႈသူတွၵ်ႇတၼ်းသိၵ်ႈတီႈၵဝ်ဢေႃႈ။- 3တၢင်းဢၼ်ၵဝ်ၽေႇဢပႅတ်ႈ တီႈၶဝ်ၸိူဝ်းဢၼ်ၸႅတ်ႈထၢမ်ၸႅတ်ႈတူၺ်းၵဝ်ၼၼ်ႉၸမ်ႉ၊- 4ႁဝ်းၼႆႉဢမ်ႇမီးဢၶႂၢင်ႉပုၼ်ႈဢၼ်တၵ်းၵိၼ်တၵ်းၶူပ်းႁိုဝ်။- 5ၼႂ်းမိူဝ်ႈဢၼ်ႁဝ်းတေႇသႃႉၸႃႇရီႇလႄႇလဵပ်ႈၵႂႃႇယူႇၼၼ်ႉၸိုင်၊ ဢမ်ႇမီးဢၶႂၢင်ႉဢၼ်လႆႈပႃးၼွင်ႉယိင်း ဢၼ်ပဵၼ်မေးမိူၼ်ၸိူဝ်ႉၼင်ႇၼွင်ႉၸဝ်ႈၽြႃးတင်းလၢႆ ဢိၵ်ႇတင်းၵေႇၽႃႉ တင်းတမၢၼ်ႇၸဝ်ႈဢၼ်ၵိုတ်းဢၼ်ၵျၢၼ်ႇၸိူဝ်းၼၼ်ႉႁိုဝ်။- 6ၵဝ်ဢိၵ်ႇတင်းပႃႇၼပႃႉၵူၺ်းဢမ်ႇမီးဢၶႂၢင်ႉဢၼ်ယင်းဢမ်ႇႁဵတ်းတၢင်းႁဵတ်းလႄႈယူႇၼၼ်ႉႁိုဝ်။- 7ၵူၼ်းသိုၵ်းၵေႃႉလႂ်ဢဝ်ၸရိပ်ႈတူဝ်ၸဝ်ႈၵဝ်ႇလႄႈႁၢပ်ႇမူႉသိုၵ်း။ ၽူႈလႂ်ၽုၵ်ႇသူၼ်ဢူးယဵၼ်ႇလႄႈဢမ်ႇၵိၼ်မၢၵ်ႇမၼ်း၊ ၽူႈလႂ်လဵင်ႉသူဝ်းလႄႈဢမ်ႇၵိၼ်ၼမ်ႉၼူမ်းၽုင်သူဝ်းၼၼ်ႉ။
8ၸွမ်းလူၺ်ႈသၽေႃးၵူၼ်းၵူၺ်းလႄႈၵဝ်ဝႃႈၸိူဝ်ႉၼင်ႇၼႆႁိုဝ်။ ပိင်းၺၢပ်ႈတြႃးၵေႃႈဝႃႈၸိူဝ်ႉၼင်ႇၼႆယူႇဢမ်ႇၸႂ်ႈႁိုဝ်။- 9ဢၼ်မႃးၼႂ်းၵျၢမ်းပိင်းၺၢပ်ႈတီႉမူဝ်းသေႇလႄႈဝႃႈၸမ်ႉ၊ ဢမ်ႇလႆႈမတ်ႉသူပ်းဝူဝ်းဢၼ်ယဵပ်ႇၶဝ်ႈၼူတ်ႈၶဝ်ႈၼၼ်ႉဝႆႉ၊ ဝႃႈၼင်ႇၼႆဢေႃႈ၊ ၽြႃးပဵၼ်ၸဝ်ႈၶႆႈၸႂ်လူၺ်ႈလွင်ႈဝူဝ်းၼၼ်ႉၵူၺ်းႁိုဝ်။- 10ဢမ်ႇၼၼ်လႄႈမၼ်းၸဝ်ႈပိင်းၺၢပ်ႈၸိူဝ်ႉၼင်ႇၼႆ ၵွပ်ႈပိူဝ်ႈႁဝ်းၵူၺ်းႁိုဝ်။ လွင်ႈၼင်ႇႁိုဝ်ၵေႃႉဢၼ်ထႆၼႃး တၵ်းမုင်ႈထႃႈမွင်းထႃႈလႄႈထႆ ဢိၵ်ႇတင်းလွင်ႈၼင်ႇႁိုဝ်ၵေႃႉဢၼ်မုင်ႈထႃႈမွင်းထႃႈလႄႈယဵပ်ႇၶဝ်ႈၼၼ်ႉ တၵ်းလႆႈၵႃႈၼင်ႇဢၼ်မၼ်းမုင်ႈထႃႈမွင်းထႃႈၼၼ်ႉၸိုင်၊ မႃးၼႂ်းၵျၢမ်းလိၵ်ႈၸိူဝ်ႉၼင်ႇၼႆ ၵွပ်ႈပိူဝ်ႈႁဝ်းၵူၺ်းဢေႃႈ။- 11ႁဝ်းၽုၵ်ႇမဵတ်ႉတြႃးပုၼ်ႈသူသေယဝ်ႉ၊ ပေႃးပၢတ်ႇမၢၵ်ႇလေႃးၵီႇသူၸိုင်တၵ်းပဵၼ်ၵျေးၸူးဢၼ်ယႂ်ႇႁိုဝ်။- 12ပေႃးပိူၼ်ႈတၢင်ႇၵေႃႉလႆႈဢၶႂၢင်ႉၼၼ်ႉတီႈသူၸိုင်ႁဝ်းယဵင်ႈၶႅၼ်းထိူၵ်ႈလႆႈဢမ်ႇၸႂ်ႈႁိုဝ်။ ၼႂ်းဝႃႈၼၼ်သေၵေႃႈ ႁဝ်းဢမ်ႇသုင်းသွင်ႇဢၶႂၢင်ႉၼၼ်ႉလႄႈ ၼင်ႇႁိုဝ်လွင်ႈတၢင်းဢၼ် တၵ်းႁႄႉၶႅၼ်တြႃးသတၢင်းသိူဝ်းပျေႃႇၸဝ်ႈၶရိၸ်ႈတၵ်းဢမ်ႇလႆႈမီးၸိုင် ႁဝ်းယိူၼ်ႉၶၢမ်ႇၼႂ်းလွင်ႈတၢင်းၵူႈၸိူဝ်ႉၵူႈပိူင်ဢေႃႈ။- 13သူဢမ်ႇႁူႉလွင်ႈဢၼ်ၶဝ်ၸိူဝ်းဢၼ်ႁဵတ်းဢမူႉၵိၵ်ႉၸႃႉတြႃးၼၼ်ႉ လႆႈဢိင်ပိၵ်ႈမၢၼ်ႇၸဝ်ႈသေလႄႈၵိၼ် ဢိၵ်ႇတင်းလွင်ႈဢၼ်ၶဝ်ၸိူဝ်းဢၼ်ႁဵတ်းဢမူႉယိတ်ႈပရေႃးႁဵၵ်ႈၼၼ်ႉ လႆႈသိူၵ်ႈသမ်ႇၵၼ်တင်းယိတ်ႈပလၢင်ႇသေလႄႈၵိၼ်ၼၼ်ႉႁိုဝ်။- 14မိူၼ်ၼင်ႇၼၼ် ၼင်ႇႁိုဝ်ၶဝ်ၸိူဝ်းဢၼ်ႁေႃးလၢတ်ႈတြႃးသတၢင်းသိူဝ်းပျေႃႇၼၼ်ႉ တၵ်းလႆႈဢိင်တြႃးသတၢင်းသိူဝ်းပျေႃႇသေလႄႈလဵင်ႉဢသၢၵ်ႈၸိုင်ၸဝ်ႈၽြႃးပိင်းၺၢပ်ႈဝႆႉဢေႃႈ။- 15ၼႂ်းဝႃႈၼၼ်သေၵေႃႈ ၵဝ်ဢမ်ႇသုင်းသွင်ႇဢၶႂၢင်ႉၼၼ်ႉလႃးလႃး။ ၵဝ်တႅမ်ႈၵႂၢမ်းၼႆႉႁႂ်ႈသူလႆႈႁဵတ်းတီႈၵဝ်ၸိူဝ်ႉၼင်ႇၼၼ်ဢမ်ႇၸႂ်ႈ။ လွင်ႈမၼ်းၸမ်ႉ တၢင်းဢၼ်ၵဝ်တၢႆယဵင်ႈၶႅၼ်းလီသေတၢင်းဢၼ်ပိူၼ်ႈယႃႉဢၶႂၢင်ႉတၢင်းဢၼ်ၵဝ်ဢုပ်ႇဝၢဝ်းၼႆႉဢေႃႈ။- 16ပေႃးၵဝ်ႁေႃးလၢတ်ႈတြႃးသတၢင်းသိူဝ်းပျေႃႇၵူၺ်းၸိုင်၊ လွင်ႈဢၼ်ၵဝ်တၵ်းဢုပ်ႇဝၢဝ်းဢမ်ႇမီး။ ၵွပ်ႈပိူဝ်ႈၸိူဝ်ႉၼင်ႇႁိုဝ်ဝႃႈၼႆၸမ်ႉ၊ ပေႃးၵဝ်ဢမ်ႇႁေႃးလၢတ်ႈၸိုင်ၵဝ်ဢမ်ႇယူႇလႆႈ။ ပေႃးၵဝ်ဢမ်ႇႁေႃးလၢတ်ႈလႄႈယူႇၸိုင်ၵဝ်မီးဢႃႉမင်ႇၵလႃႇဢေႃႈ။- 17ပိူဝ်ႈၼႆလႄႈပေႃးၵဝ်ပွင်ႁဵတ်းဢမူႉၸဝ်ႈၸွမ်းၼင်ႇဢလူဝ်ႇတူဝ်ၸဝ်ႈၵဝ်ႇၸိုင်၊ ၵဝ်မီးဢၵျူဝ်းဢေႃႈ။ ပေႃးၵဝ်ထဵင်ပႅတ်ႈဢလူဝ်ႇတူဝ်ၸဝ်ႈၵဝ်ႇသေလႄႈ ပွင်ႁဵတ်းၸိုင်ၵဝ်ပဵၼ်ၵေႃႉဢၼ်ၶၢၼ်းဝႆႉၼႂ်းဢရႃႇၽၼ်ႇတႃႇၸူဝ်းဢေႃႈ။
18ပိူဝ်ႈၼႆလႄႈ ဢၵျူဝ်းၵဝ်ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်ႉ၊ မိူဝ်ႈဢၼ်ၵဝ်ႁေႃးလၢတ်ႈတြႃးသတၢင်းသိူဝ်းပျေႃႇၼၼ်ႉ၊ ပေႃးၵဝ်ဢမ်ႇသုင်းသွင်ႇဢၶႂၢင်ႉဢၼ်ၸၢပ်ႈသႅင်ႇၵၼ်တင်းတၢင်းဢၼ်ႁေႃးလၢတ်ႈၼႆႉလႄႈႁဵတ်းႁႂ်ႈၶဝ်ၸိူဝ်းဢၼ်ထွမ်ႇတြႃးသတၢင်းသိူဝ်းပျေႃႇၼၼ်ႉ ဢမ်ႇသဵင်ႈၸရိပ်ႈၵႃႈသင်ၸိုင်၊ တီႈၵဝ်မီးဢၵျူဝ်းဢေႃႈ။- 19ပိၵ်ႉသမ်ႉၵဝ်ဢမ်ႇပဵၼ်ၶႃႈတီႈၽူႈလႂ်သေၵေႃႈ၊ ၼင်ႇႁိုဝ်တၵ်းလႆႈၵူၼ်းဢၼ်ယဵင်ႈၶႅၼ်းၼမ်ၼႃႇၸိုင် ၵဝ်လႆႈႁဵတ်းၶႃႈတီႈၵူၼ်းတင်းသဵင်ႈတင်းလူင်ဢေႃႈ။- 20ၼင်ႇႁိုဝ်တၵ်းလႆႈၵူၼ်းယူႉတႃႉတင်းလၢႆၸိုင်ၵဝ်ပဵၼ်ၸိူဝ်ႉၼင်ႇၵူၼ်းယူႉတႃႉ တီႈၵူၼ်းယူႉတႃႉၸိူဝ်းၼၼ်ႉဢေႃႈ။ ပိၵ်ႉသမ်ႉၵဝ်၊ ဢမ်ႇဢိင်ပိုင်ႈပိင်းၺၢပ်ႈတြႃးသေၵေႃႈ၊ ၼင်ႇႁိုဝ်တၵ်းလႆႈၶဝ်ၸိူဝ်းဢၼ်ဢိင်ပိုင်ႈပိင်းၺၢပ်ႈတြႃးၼၼ်ႉၸိုင်၊ ၵဝ်ပဵၼ်ၸိူဝ်ႉၼင်ႇၵေႃႉဢၼ်ၵမ်ၵျၢင်ႉပိင်းၺၢပ်ႈတြႃးတီႈၶဝ်ၸိူဝ်းဢၼ်ဢိင်ပိုင်ႈပိင်းၺၢပ်ႈတြႃးၼၼ်ႉဢေႃႈ။- 21ပိၵ်ႉသမ်ႉၵဝ်ဢမ်ႇယူႇၸိူဝ်ႉၼင်ႇဢၼ်ဢမ်ႇမီးပိင်းၺၢပ်ႈတြႃးၽြႃးပဵၼ်ၸဝ်ႈၼၼ်ႉလႄႈ ၵမ်ၵျၢင်ႉတြႃးၸဝ်ႈၶရိၸ်ႈယူႇသေၵေႃႈ၊ ၼင်ႇႁိုဝ်တၵ်းလႆႈၶဝ်ၸိူဝ်းဢၼ်ဢမ်ႇမီးပိင်းၺၢပ်ႈတြႃးၼၼ်ႉၸိုင်ၵဝ်ပဵၼ်ၸိူဝ်ႉၼင်ႇၵေႃႉဢၼ်ဢမ်ႇမီးပိင်းၺၢပ်ႈတြႃး တီႈၶဝ်ၸိူဝ်းဢၼ်ဢမ်ႇမီးပိင်းၺၢပ်ႈတြႃးၼၼ်ႉဢေႃႈ။- 22ၼင်ႇႁိုဝ်တၵ်းလႆႈၶဝ်ၸိူဝ်းဢၼ် ႁႅင်းလဵၵ်ႉႁႅင်းၵေႇၼၼ်ႉၸိုင်ၵဝ်ပဵၼ်ၸိူဝ်ႉၼင်ႇၵေႃႉဢၼ်ႁႅင်းလဵၵ်ႉႁႅင်းၵေႇတီႈၶဝ်ၸိူဝ်းဢၼ်ႁႅင်းလဵၵ်ႉႁႅင်းၵေႇၼၼ်ႉဢေႃႈ။ ၼင်ႇႁိုဝ်တၵ်းလႆႈၵႄႇၶျွတ်ႈဢဝ်ၵူၼ်းၵမ်ႈၽွင်ႈၵွပ်ႈပိူဝ်ႈလွင်ႈတၢင်းသေၸိူဝ်ႉသေပိူင်ၸိုင် ၵဝ်ပဵၼ်လွင်ႈတၢင်းတင်းသဵင်ႈတင်းလူင်တီႈၵူၼ်းတင်းသဵင်ႈတင်းလူင်ဢေႃႈ။- 23ၼင်ႇႁိုဝ်ၵဝ်တၵ်းလႆႈသိူၵ်ႈသမ်ႇၵၼ်တင်း တြႃးသတၢင်းသိူဝ်းပျေႃႇလူၺ်ႈၵၼ်တင်းပိူၼ်ႈၸိုင်ၵဝ်ႁဵတ်းတင်းသဵင်ႈတင်းလူင်ၸိူဝ်ႉၼင်ႇၼၼ် ၵွပ်ႈပိူဝ်ႈတြႃးသတၢင်းသိူဝ်းပျေႃႇဢေႃႈ။
24ပိၵ်ႉသမ်ႉၶဝ်ၸိူဝ်းဢၼ် လႅၼ်ႈၶေႉၵၼ်ၶဵင်ႇၵၼ်ၵႃႈတီႈတလၢင်းလိၼ်ၵႃႈမီးတင်းသဵင်ႈတင်းလူင်ၼၼ်ႉ လႅၼ်ႈၶေႉၵၼ်ၶဵင်ႇၵၼ်သေၵေႃႈ၊ သူဢမ်ႇႁူႉလွင်ႈဢၼ်ၵေႃႉလဵဝ်ၵူၺ်းတၵ်းလႆႈသူးလၢပ်ႈၼၼ်ႉႁိုဝ်။ ၼင်ႇႁိုဝ်သူတၵ်းလႆႈသူးလၢပ်ႈၸိုင်ဢွၼ်ၵၼ်လႅၼ်ႈတႃႉ။- 25ၶဝ်ၸိူဝ်းဢၼ်ၼင်ႇၵၼ်ၵၼ်ၶေႉၶဵင်ႇၵၼ်ၵႃႈၼႂ်းပွႆးၼႂ်းလၢမ်းၼၼ်ႉၸမ်ႉ၊ ၸၢင်ႈၶျုၵ်ႈဝႆႉတၢင်းဢၼ်ၸႂ်ၸပ်းၸႂ်ၸွႆးၼႂ်းၵူႈၸိူဝ်ႉၵူႈပိူင်ဢေႃႈ။ ၶဝ်ၼၼ်ႉၼင်ႇႁိုဝ်တၵ်းလႆႈပၢၼ်းၵုမ်းဢၼ်ၸၢင်ႈႁဵဝ်ႇႁႅင်ႈလူႉလႅဝ်ၸိုင်ၸင်ႇႁဵတ်းဢေႃႈ။ ႁဝ်းၸမ်ႉၼင်ႇႁိုဝ်တၵ်းလႆႈပၢၼ်းၵုမ်းဢၼ်ဢမ်ႇၸၢင်ႈႁဵဝ်ႇႁႅင်ႈလူႉလႅဝ်ၸိုင်ၸင်ႇႁဵတ်းဢေႃႈ။- 26ပိူဝ်ႈၼႆလႄႈမိူဝ်ႈဢၼ်ၵဝ်လႅၼ်ႈၼၼ်ႉ၊ ၵဝ်လႅၼ်ႈလၢႆလၢႆလွၵ်ႇလွၵ်ႇဢမ်ႇၸႂ်ႈ။ မိူဝ်ႈဢၼ်ၵဝ်တူပ်းလၵ်းပူၺ်း#9:26 တူပ်းလၵ်းပူၺ်း - ပတ်ႉတႃမိုဝ်း၊ တဵင်ႉပူၺ်းၸိုင်ၵဝ်တူပ်းတႅင်းလူမ်းဢႃႇၵႃႇသႃႉၵၢင်ႁၢဝ်ၵူၺ်းၵူၺ်းဢမ်ႇၸႂ်ႈ။- 27ၵဝ်လႆႈႁေႃးလၢတ်ႈတီႈပိူၼ်ႈသေယဝ်ႉ၊ ၼင်ႇႁိုဝ်ၵဝ်တၵ်းဢမ်ႇလႆႈပဵၼ်ၵေႃႉဢၼ်သုမ်းၸိုင်ၵဝ်ၸၢင်ႈတူပ်းတူဝ်ၵႃႇယႃႉၵဝ်လႄႈၼိၵ်ႈၸၢၵ်ႈဢေႃႈ။
Currently Selected:
1 ၵေႃးရိၼ်ႇထူႉ 9: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
