Popular Bible Verses from 1 ၵေႃးရိၼ်ႇထူႉ 9

Share

ၶဝ်​ၸိူဝ်း​ဢၼ်​ၼင်ႇ​ၵၼ်​ၵၼ်​ၶေႉ​ၶဵင်ႇ​ၵၼ်​ၵႃႈ​ၼႂ်း​ပွႆး​ၼႂ်း​လၢမ်း​ၼၼ်ႉ​ၸမ်ႉ၊ ၸၢင်ႈ​ၶျုၵ်ႈ​ဝႆႉ​တၢင်း​ဢၼ်​ၸႂ်​ၸပ်း​ၸႂ်​ၸွႆး​ၼႂ်း​ၵူႈ​ၸိူဝ်ႉ​ၵူႈ​ပိူင်​ဢေႃႈ။ ၶဝ်​ၼၼ်ႉ​ၼင်ႇ​ႁိုဝ်​တၵ်း​လႆႈ​ပၢၼ်း​ၵုမ်း​ဢၼ်​ၸၢင်ႈ​ႁဵဝ်ႇ​ႁႅင်ႈ​လူႉ​လႅဝ်​ၸိုင်​ၸင်ႇ​ႁဵတ်း​ဢေႃႈ။ ႁဝ်း​ၸမ်ႉ​ၼင်ႇ​ႁိုဝ်​တၵ်း​လႆႈ​ပၢၼ်း​ၵုမ်း​ဢၼ်​ဢမ်ႇ​ၸၢင်ႈ​ႁဵဝ်ႇ​ႁႅင်ႈ​လူႉ​လႅဝ်​ၸိုင်​ၸင်ႇ​ႁဵတ်း​ဢေႃႈ။- ပိူဝ်ႈ​ၼႆ​လႄႈ​မိူဝ်ႈ​ဢၼ်​ၵဝ်​လႅၼ်ႈ​ၼၼ်ႉ၊ ၵဝ်​လႅၼ်ႈ​လၢႆ​လၢႆ​လွၵ်ႇ​လွၵ်ႇ​ဢမ်ႇ​ၸႂ်ႈ။ မိူဝ်ႈ​ဢၼ်​ၵဝ်​တူပ်း​လၵ်း​ပူၺ်း​ၸိုင်​ၵဝ်​တူပ်း​တႅင်း​လူမ်း​ဢႃႇၵႃႇသႃႉ​ၵၢင်​ႁၢဝ်​ၵူၺ်း​ၵူၺ်း​ဢမ်ႇ​ၸႂ်ႈ။

ၵဝ်​လႆႈ​ႁေႃး​လၢတ်ႈ​တီႈ​ပိူၼ်ႈ​သေ​ယဝ်ႉ၊ ၼင်ႇ​ႁိုဝ်​ၵဝ်​တၵ်း​ဢမ်ႇ​လႆႈ​ပဵၼ်​ၵေႃႉ​ဢၼ်​သုမ်း​ၸိုင်​ၵဝ်​ၸၢင်ႈ​တူပ်း​တူဝ်​ၵႃႇ​ယႃႉ​ၵဝ်​လႄႈ​ၼိၵ်ႈ​ၸၢၵ်ႈ​ဢေႃႈ။

ပိၵ်ႉ​သမ်ႉ​ၶဝ်​ၸိူဝ်း​ဢၼ် လႅၼ်ႈ​ၶေႉ​ၵၼ်​ၶဵင်ႇ​ၵၼ်​ၵႃႈ​တီႈ​တလၢင်း​လိၼ်​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ လႅၼ်ႈ​ၶေႉ​ၵၼ်​ၶဵင်ႇ​ၵၼ်​သေ​ၵေႃႈ၊ သူ​ဢမ်ႇ​ႁူႉ​လွင်ႈ​ဢၼ်​ၵေႃႉ​လဵဝ်​ၵူၺ်း​တၵ်း​လႆႈ​သူး​လၢပ်ႈ​ၼၼ်ႉ​ႁိုဝ်။ ၼင်ႇ​ႁိုဝ်​သူ​တၵ်း​လႆႈ​သူး​လၢပ်ႈ​ၸိုင်​ဢွၼ်​ၵၼ်​လႅၼ်ႈ​တႃႉ။

ၼင်ႇ​ႁိုဝ်​တၵ်း​လႆႈ​ၶဝ်​ၸိူဝ်း​ဢၼ် ႁႅင်း​လဵၵ်ႉ​ႁႅင်း​ၵေႇ​ၼၼ်ႉ​ၸိုင်​ၵဝ်​ပဵၼ်​ၸိူဝ်ႉ​ၼင်ႇ​ၵေႃႉ​ဢၼ်​ႁႅင်း​လဵၵ်ႉ​ႁႅင်း​ၵေႇ​တီႈ​ၶဝ်​ၸိူဝ်း​ဢၼ်​ႁႅင်း​လဵၵ်ႉ​ႁႅင်း​ၵေႇ​ၼၼ်ႉ​ဢေႃႈ။ ၼင်ႇ​ႁိုဝ်​တၵ်း​လႆႈ​ၵႄႇ​ၶျွတ်ႈ​ဢဝ်​ၵူၼ်း​ၵမ်ႈ​ၽွင်ႈ​ၵွပ်ႈ​ပိူဝ်ႈ​လွင်ႈ​တၢင်း​သေ​ၸိူဝ်ႉ​သေ​ပိူင်​ၸိုင် ၵဝ်​ပဵၼ်​လွင်ႈ​တၢင်း​တင်း​သဵင်ႈ​တင်း​လူင်​တီႈ​ၵူၼ်း​တင်း​သဵင်ႈ​တင်း​လူင်​ဢေႃႈ။