1 ၵေႃးရိၼ်ႇထူႉ 8

တၢင်းၵိၼ်ဢၼ်လူႇတီႈရုၵ်ႈထူႉသၢင်းထူႉ

1လွင်ႈတူဝ်ယိတ်ႈဢၼ်ပုၵ်ႈၸေႃႇ ၵႃႈတီႈၽၢႆႇၼႃႈရုၵ်ႈထူႉၼၼ်ႉၸမ်ႉ၊ ႁဝ်းႁူႉလွင်ႈဢၼ်ႁဝ်းၵႃႈမီးတင်းသဵင်ႈတင်းလူင် မီးၺၢၼ်ႇဢၼ်ၸၢင်ႈၸၵ်းၽႄလႄႈႁူႉၼၼ်ႉယူႇဢေႃႈ။ ၺၢၼ်ႇၸိုင်ၸၢင်ႈႁႂ်ႈႁူဝ်ၸႂ်သုင်ဢေႃႈ။ မႅတ်ႈတႃႇၸမ်ႉ၊ ၸၢင်ႈတႄႇႁဵတ်းဢေႃႈ။- 2ပေႃးသေၵေႃႉသေၵူၼ်းထၢင်ႇမၼ်းမီးပိင်ႇၺႃႇၸိုင်၊ မၼ်းၼၼ်ႉဢမ်ႇပႆႇႁူႉၼင်ႇၵႃႈဢၼ်မၼ်းထုၵ်ႇလီႁူႉၼၼ်ႉသေဢိတ်း။- 3ၵေႃႉဢၼ်ႁၵ်ႉၽြႃးပဵၼ်ၸဝ်ႈၼၼ်ႉၸမ်ႉ၊ ပဵၼ်ၵေႃႉဢၼ်မၼ်းၸဝ်ႈႁူႉဢေႃႈ။

4ပိူဝ်ႈၼႆလႄႈလွင်ႈဢၼ်ၵိၼ်တူဝ်ယိတ်ႈဢၼ်ပုၵ်ႈၸေႃႇၵႃႈတီႈၽၢႆႇၼႃႈရုၵ်ႈထူႉၼၼ်ႉၸမ်ႉ၊ ႁဝ်းႁူႉလွင်ႈဢၼ်ရုၵ်ႈထူႉပဵၼ်ဢၼ်လၢႆလၢႆဢမ်ႇပွင်ႇလွင်ႈၵႃႈသင်ၼႂ်းလေႃးၵႃႉၼႆႉ ဢိၵ်ႇတင်းလွင်ႈဢၼ်လိူဝ်သေၽြႃးပဵၼ်ၸဝ်ႈသူႇလဵဝ်ၵူၺ်းၼၼ်ႉ ၽြႃးပဵၼ်ၸဝ်ႈတၢင်ႇတီႈတၢင်ႇပႃးဢမ်ႇမီးၼၼ်ႉယူႇဢေႃႈ။- 5ပိၵ်ႉသမ်ႉမီးၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ႁွင်ႉဝႃႈၽြႃးၼၼ်ႉ လႆႈမီးၼမ်ၼႃႇၵႃႈၼိူဝ်ၵၢင်ႁၢဝ် ၵႃႈၼိူဝ်လိၼ်မိူင်းၼႆႉ ၵႃႈၼင်ႇဢၼ်ပိူၼ်ႈဝႃႈမီးၽြႃးၼမ်ၼႃႇ၊ မီးၸဝ်ႈၼမ်ၼႃႇသေၵေႃႈ၊- 6တီႈႁဝ်းၼႆႉမီးပေႃႈၸဝ်ႈၽြႃးပဵၼ်ၸဝ်ႈသူႇလဵဝ်ၵူၺ်းဢေႃႈ။ လွင်ႈတၢင်းၵႃႈမီးတင်းသဵင်ႈတင်းလူင် ပဵၼ်မႃးၵႃႈၼႂ်းမၼ်းၸဝ်ႈၼၼ်ႉလႄႈ ႁဝ်းၵေႃႈပဵၼ်မႃးပုၼ်ႈမၼ်းၸဝ်ႈဢေႃႈ။ တီႈႁဝ်းၼႆႉမီးၸဝ်ႈယေႇသူႉၶရိၸ်ႈပႃးလဵဝ်ၵူၺ်းဢေႃႈ၊ ၸႃႉၸဵမ်ႁဝ်းလႄႈလွင်ႈတၢင်းၵႃႈမီးတင်းသဵင်ႈတင်းလူင် ပဵၼ်မႃးၵွပ်ႈပိူဝ်ႈၸဝ်ႈၼၼ်ႉဢေႃႈ။

7ၵူၺ်းၵႃႈၵူၼ်းၵူႈၵေႃႉဢမ်ႇလႆႈၺၢၼ်ႇၼၼ်ႉ။ ၵူၼ်းၵမ်ႈၽွင်ႈတေႃႇထိုင်ႁွတ်ႈမိူဝ်ႈလဵဝ်ၼႆႉလႄႈ၊ ယၢမ်းမိူဝ်ႈဢၼ်ၵိၼ်တူဝ်ယိတ်ႈဢၼ်ပုၵ်ႈၸေႃႇၵႃႈတီႈၽၢႆႇၼႃႈရုၵ်ႈထူႉၼၼ်ႉၸိုင်၊ မီးတင်းၸႂ်ဢၼ်ထွၵ်ႈလူၺ်ႈရုၵ်ႈထူႉယူႇသေလႄႈၼႂ်းၶဝ်ၼၼ်ႉ ၸႂ်ဢၼ်ႁူႉတူဝ်ၸဝ်ႈၵဝ်ႇၸၢင်ႈႁွတ်ႈထိုင်တၢင်းဢၼ်ၵူဝ်ႈၵိူၵ်ႇ ၵွပ်ႈပိူဝ်ႈဢၼ်ႁႅင်းလဵၵ်ႉႁႅင်းၵေႇဢေႃႈ။- 8ၵွပ်ႈပိူဝ်ႈတၢင်းၵိၼ်တၢင်းၶူပ်းလႄႈ ႁဝ်းတၵ်းလႆႈၼႃႈလႆႈတႃၵႃႈတီႈၽၢႆႇၼႃႈၽြႃးပဵၼ်ၸဝ်ႈဢမ်ႇၸႂ်ႈ။ ပေႃးသုင်းသွင်ႇတၢင်းၵိၼ်ၸိုင်ႁဝ်းမျၢတ်ႈဢမ်ႇၸႂ်ႈ။ ပေႃးဝႄႈၵမ်တၢင်းၵိၼ်ၸိုင်ႁဝ်းယုတ်ႈဢမ်ႇၸႂ်ႈ။- 9ၵူၺ်းၵႃႈၼင်ႇႁိုဝ်ဢၶႂၢင်ႉသူၼၼ်ႉ တၵ်းဢမ်ႇပဵၼ်လွင်ႈဢၼ်ၶဝ်ၸိူဝ်းဢၼ်ႁႅင်းလဵၵ်ႉႁႅင်းၵေႇၼၼ်ႉတၵ်းတိူဝ်ႉမႅၼ်ႈလႄႈလူမ်ႉၸိုင်၊ ႁဵတ်းသတီႉတႃႉ။- 10လွင်ႈမၼ်းၸမ်ႉပေႃးပိူၼ်ႈတၢင်ႇၵေႃႉႁၼ်မႂ်းဢၼ်မီးၺၢၼ်ႇ ဢၼ်ၸၢင်ႈၸၵ်းၽႄႁူႉလႆႈၼႆႉ ဢိင်ႁိမ်းၶူင်ႇတီႈၵိၼ်ၼႂ်းၶဵင်ႇရုၵ်ႈထူႉၼၼ်ႉယူႇၸိုင်၊ ၵေႃႉဢၼ်ၸႂ်ဢၼ်ႁူႉတူဝ်ၸဝ်ႈၵဝ်ႇႁႅင်းလဵၵ်ႉႁႅင်းၵေႇၼၼ်ႉ တၵ်းႁတ်းႁၢၼ်ႁႂ်ႈလႆႈၵိၼ်တူဝ်ယိတ်ႈဢၼ်ပုၵ်ႈၸေႃႇၵႃႈတီႈၽၢႆႇၼႃႈရုၵ်ႈထူႉဢမ်ႇၸႂ်ႈႁိုဝ်။- 11ပေႃးပဵၼ်ၸိူဝ်ႉၼင်ႇၼႆၸိုင်၊ ပီႈၼွင်ႉဢၼ်ႁႅင်းလဵၵ်ႉႁႅင်းၵေႇၼၼ်ႉ လႆႈႁွတ်ႈထိုင်တၢင်းလူႉတၢင်းလႅဝ် ၵွပ်ႈပိူဝ်ႈၺၢၼ်ႇမႂ်းလူင်ပႄႇ။ ပုၼ်ႈပီႈၼွင်ႉၼၼ်ႉၸိုင်ၸဝ်ႈၶရိၸ်ႈၶၢမ်ႇတၢင်းတၢႆယဝ်ႉ။- 12မိူဝ်ႈဢၼ်သူၽိတ်းပိူင်ႈပီႈၼွင်ႉၸိူဝ်ႉၼင်ႇၼၼ်လႄႈ ႁဵတ်းႁႂ်ႈၸႂ်ၶဝ်ဢၼ်ႁူႉတူဝ်ၸဝ်ႈၵဝ်ႇ ဢၼ်ႁႅင်းလဵၵ်ႉႁႅင်းၵေႇၼၼ်ႉၸဵပ်းၸႂ်ၸိုင်၊ သူႁွတ်ႈထိုင်တၢင်းဢၼ်ၽိတ်းပိူင်ႈၸဝ်ႈၶရိၸ်ႈဢေႃႈ။- 13ပိူဝ်ႈၼႆလႄႈ ပေႃးတၢင်းၵိၼ်တၢင်းၶူပ်းၵဝ် ႁႂ်ႈပီႈၼွင်ႉၵဝ်ၽိတ်းပိူင်ႈၸိုင်ၵဝ်တၵ်းဢမ်ႇၵိၼ်ၼိူဝ်ႉလႄႈယူႇတႃႇသေႇဢမ်ႇထၢတ်ႇႁႂ်ႈလွင်ႈတၢင်းဢၼ်ၽိတ်းပိူင်ႈ ဢမ်ႇလႆႈမီးတီႈပီႈၼွင်ႉၵဝ်ဢေႃႈ။

Currently Selected:

1 ၵေႃးရိၼ်ႇထူႉ 8: CBMS

Highlight

Copy

Compare