MACAAFA FAARFANNAA 53
53
Gowwummaa Warra Waaqayyo Malee Jiraatanii
(Geggeessituu warra faarfatootaaf; kun akka qooqa faarfannaa isa <<Mahalaat>> jedhamee beekametti faarfatame; mararoo Daawit)
1Gowwoonni garaa isaaniitti,
<<Waaqayyo hin jiru>> in jedhu;
isaan amalli isaanii manca'aa dha,
hammina ciiggaasisaa hojjechaa jiru,
namni waan gaarii godhu tokko illee hin jiru.
2Ogeessonni Waaqayyoon barbaadan,
yoo jiraatan arguudhaaf jedhee,
Waaqayyo bantii waaqaa keessaa,
ilmaan namootaa gad in ilaala;
3hundinuu dugda itti gataniiru,
hundinuus wal ga'anii manca'aniiru;
namni gaarii godhu tokko illee hin jiru,
lakkii, tokko iyyuu hin jiru.
4Warri hamaa hojjetan hundinuu homaa hin hubatanii>>
Warri akkuma buddeena nyaatan saba koo nyaatanis,
Waaqayyoon hin waammatanii>>
5Kunoo, isaan sun naasuu guddaadhaan,
naasuu takkaa ta'ee hin beekneenis in liqimfamu;
Waaqayyo lafee warra marsanii si qabanii
in bittimse,
Waaqayyo waan isaan gateef,
ati akka isaan yeellaasifaman in goota.
6Xiyoon keessaa Israa'eliif fureen utuma ba'e!
Yeroo Waaqayyo saba isaatiif adda kennuuf,
Yaaqoob in burraaqa, Israa'el in gammada.
Currently Selected:
MACAAFA FAARFANNAA 53: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
